ព័ត៌មានជាតិ
កសិករមួយចំនួននៅខេត្តក្រចេះ រក្សាទំនៀមទម្លាប់ដកស្ទូង ខណៈកសិករភាគច្រើនងាកមកពង្រោះស្រូវវស្សា
ប្រជាកសិករមួយចំនួនតូច នៅក្នុងស្រុកចិត្របុរី នៅតែបន្តការបង្កបង្កើនផលស្រូវរដូវវស្សារ ដោយសាបសំណាប រួចដកយកទៅស្ទូងដូចកាលពីមុន ដោយអះអាងថា ស្រូវសន្ទូងបានផលច្រើនជាងធ្វើស្រែពង្រោះ ខណៈដែលកសិករភាគច្រើនបានផ្លាស់ប្តូររបៀបរបបពីស្ទូង ងាកមកពង្រោះស្រូវ ឬបាចស្រូវជំនួសវិញ ដោយបោះបង់ទម្លាប់ចាស់ចោល ដោយគិតថា ចំណេញពេលវេលា និងងាយស្រួល។
ប្រជាកសិកររស់នៅតាមតំបន់មួយចំនួននៃបណ្ដាស្រុក/ក្រុង នៅទូទាំងខេត្តក្រចេះ បាននិងកំពុងចាប់ផ្ដើមការងារបង្កបង្កើនផលស្រូវរដូវវស្សា នៅដើមរដូវវស្សាឆ្នាំនេះ បានទាន់ពេលវេលា បន្ទាប់ពីអាកាសធាតុអំណោយផល មានភ្លៀងធ្លាក់គ្រប់គ្រាន់នៅរយៈពេលប៉ុន្មានថ្ងៃចុងក្រោយនេះ។
ក្រៅពីការងារបង្កបង្កើនផលស្រូវវស្សាហើយនោះ ប្រជាកសិករនៅក្នុងស្រុកចិត្របុរី បានធ្វើចម្ការដាំដំណាំដំឡូងមី ស្វាយចន្ទី និងដំណាំរួមផ្សំផ្សេងៗទៀតដើម្បីទទួលបានប្រាក់ចំណូលបន្ថែមសម្រាប់ផ្គត់ផ្គង់ក្នុងគ្រួសារ។
យោងតាមរបាយការណ៍របស់មន្ទីរកសិកម្ម រុក្ខាប្រមាញ់ និងនេសាទខេត្តក្រចេះ បានឱ្យដឹងនៅព្រឹកនេះថា គិតត្រឹមថ្ងៃទី២៤ ខែកក្កដា ឆ្នាំ២០២៥ ជាលទ្ធផល ការងារបង្កបង្កើនផលដំណាំគ្រប់ប្រភេទប្រចាំថ្ងៃ សម្រេចការដាំដុះស្រូវរដូវវស្សា សរុបបានចំនួន ៥៧ ៧៥៦ ហិកតា ស្មើនឹង ៩៨,៦១% នៃផែនការ ៥៨ ៧៥០ ហិកតា កើនឡើងច្រើនជាងឆ្នាំមុន ១៩៣ ហិកតា។ សម្រេចការដាំដុះដំណាំឧស្សាហកម្មរយៈពេលខ្លីរដូវវស្សា រួមមាន ដំឡូងមី ពោតក្រហម ពោតស ល្ង ដំឡូងគរ សរុបបានចំនួន ៧៧ ៦២៥ ហិកតា ស្មើនឹង ៩៤,១៣% នៃផែនការ ៨២ ៤៦៦ ហិកតា តិចជាងឆ្នាំមុន ៤៤០ ហិកតា។
ចំពោះការងារប្រមូលផលស្រូវរដូវវស្សា សម្រេចបានសរុបចំនួន ៣ ៧៩០ ហិកតា ស្មើនឹង ៦,៥៦% នៃផ្ទៃដីដាំដុះ ៥៧ ៧៥៦ ហិកតា កើនឡើងច្រើនជាងឆ្នាំមុន ៥៤៣ ហិកតា។ ប្រមូលផលដំណាំសាកវប្បកម្មរដូវវស្សា រួមមាន បន្លែគ្រប់ប្រភេទ និងប៉ិកគក់ ចំនួន ៣៨៩ ហិកតា ស្មើនឹង ៦៧,១៨% នៃផ្ទៃដីដាំដុះ ៥៧៩ ហិកតា ធៀបនឹងឆ្នាំមុនតិចជាង ៣២ ហិកតា។
ការប្រមូលផលដំណាំឧស្សាហកម្មរយៈពេលខ្លីរដូវវស្សារួ រួមមាន ពោតស ល្ង សណ្តែកដី សណ្តែកបាយ សណ្តែកសៀង ដំឡូងជ្វា ដំឡូងគរ និងអអំពៅ បានចំនួន ៦ ៣៨១ ហិកតា ស្មើនឹង ៨,២៣% នៃផ្ទៃដីដាំដុះ ៧៧ ៦២៥ ហិកតា បើប្រៀបធៀបឆ្នាំមុនតិចជាង ៥៤៣ ហិកតា៕
អត្ថបទ ប្រុញ វិធិន
ប្រមុខការទូតប្រាប់អង្គទូតបរទេសពីទង្វើឈ្លានពានដ៏គឃ្លើនរបស់ថៃមកលើកម្ពុជា
កសិករមួយចំនួននៅខេត្តក្រចេះ រក្សាទំនៀមទម្លាប់ដកស្ទូង ខណៈកសិករភាគច្រើនងាកមកពង្រោះស្រូវវស្សា
អភិបាលរាជធានី បរិច្ចាគឈាមជូន សមាគមគ្រូពេទ្យ TYDA ដើម្បីសង្គ្រោះជីវិតមនុស្ស និងត្រៀមបម្រុងសម្រាប់វីរកងទ័ពជួរមុខ
អ្នកនាំពាក្យក្រសួងការបរទេស បកអាក្រាតថៃលេងល្បិច កំពុងចរចា តែបញ្ជាកងទ័ពបាញ់ផ្លោងមកទីតាំងឈរជើងទ័ពកម្ពុជា
ភូមិភាគ២ថៃ អំពាវនាវឲ្យកម្ពុជា ឈប់ប្តឹង ICJ និងចូលមកតុចរចា
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
ថៃ កំពុងវ៉ល់ពេញប្រទេសដោយសារព័ត៌មានខ្លួនឯង ផ្សាយត្រឡប់ត្រឡិន
តើស្តេចថៃ វ៉ាជីរ៉ាឡុងកន រាមាទី១០ ប្រមូលផ្តុំអំណាចយោធាដោយរបៀបណា?
អាកាសចរស៊ីវិលប្រកាសឱ្យជើងហោះហើររំលងប្រទេសកម្ពុជា ដែលហោះកម្ពស់ក្រោម ១១ គីឡូម៉ែត្រ ប្ដូរទិស
ថៃឆ្លើយទាំងបំពានឥតខ្មាស់ថា មិនបានប្រើ F-16 វាយប្រហារជនស៊ីវិលទេ
-
ព័ត៌មានអន្ដរជាតិ៥ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ agoថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៣ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា៥ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានជាតិ៦ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៤ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ agoអត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ២ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន