ពលរដ្ឋដែលកំពុងធ្វើ ចត្តាឡី ស័ក១២នាក់នៅខេត្តកែប ត្រូវបានទទួលការឧបត្ថម្ភអំណោយ ពី ប្រធានសហភាព សហព័ន្ធយុវជនកម្ពុជា

ពលរដ្ឋដែលកំពុងធ្វើចត្តាឡីស័ក ចំនួន១២នាក់ នៅផ្ទះគ្រូបង្រៀនខេត្តកែប ត្រូវបានទទួលការឧបត្ថម្ភសម្ភារៈជាគ្រឿងឧបភោគ បរិភោគ របស់ប្រធានសហភាពសហព័ន្ធយុវជនកម្ពុជា កាលពីថ្ងៃទី០៣ ខែមេសា ឆ្នាំ២០២១ តាមរយៈ លោក ងួន ច័ន្ទសុជាតា សមាជិកគណៈកម្មាធិការកណ្តាល និងជាប្រធានសហភាពសហព័ន្ឬយុវជនកម្ពុជាខេត្តកែប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងួន ច័ន្ទសុជាតា ប្រធានសហភាពសហព័ន្ធយុវជនកម្ពុជាខេត្តកែបបានឲ្យដឹងថា គ្រឿងឧបភោគបរិភោគដែលជាអំណោយរបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា សម្រាប់ជូនដល់បងប្អូនប្រជាពលរដ្ឋចំនួន ១២នាក់ ដែលកំពុងធ្វើចត្តាឡីស័ក្តនៅមណ្ឌលចត្តាឡីស័ក្តផ្ទះគ្រូបង្រៀនខេត្តកែប និងកងកម្លាំងដែលកំពុងប្រចាំការនៅទីនោះផងដែរ ដោយម្នាក់ៗទទួលបាន មីម៉ាម៉ា១កេះ ត្រីខ១០កំប៉ុង ទឹកផ្លែឈើ(Yeo’s)១កេះ ទឹកសុទ្ធ១កេះ ទឹកត្រី១ដប ម៉ាស់១ប្រអប់ និងសាប៊ូ២ដុំ។

ជាមួយគ្នានេះ លោក ងួន ច័ន្ទសុជាតា បានណែនាំដល់បងប្អូនប្រជាពលរដ្ឋដែលកំពុងសម្រាកធ្វើចត្តាឡីស័កនៅទីនេះ ត្រូវយកចិត្តទុកដាក់អនុវត្តឲ្យបានខ្ជាប់ខ្លួននូវវិធានការសុខាភិបាល ជាពិសេសវិធានការណ៍ “៣ការពារ និង ៣កុំ”របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕

សេង ណារិទ្ធ