ព័ត៌មានជាតិ

សម្តេច ម៉ែន សំអន ស្នើសុំឲ្យក្រុមគ្រួសាររបស់វីរកងទ័ពជួរមុខ ត្រូវថែទាំសុខភាពឲ្យបានល្អ រក្សាភាពនឹងន មានភាពជឿជាក់លើរាជរដ្ឋាភិបាល

បានផុស

១០ ខែ មុន

នៅ

ថ្ងៃអង្គារ ១៩ សីហា ២០២៥

ដោយ

សម្តេចកិត្តិសង្គហបណ្ឌិត ម៉ែន សំអន អ្នកតំណាងរាស្ត្រមណ្ឌលស្វាយរៀង បានថ្លែងនូវការស្នើសុំឲ្យក្រុមគ្រួសារដែលនៅជួរក្រោយ ដែលជាភរិយា ឬ ម្តាយរបស់វីរកងទ័ពជួរមុខ ត្រូវថែទាំសុខភាពឲ្យបានល្អ រក្សាភាពនឹងន និងមានភាពជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះពេលអញ្ជើញជួបសំណេះសំណាល និងលើកទឹកចិត្តដល់ក្រុមគ្រួសារកងទ័ពជួរមុខ ចំនួន ៥២គ្រួសារ ដែលបច្ចុប្បន្នជាអ្នករស់នៅស្រុកស្វាយជ្រំ ខេត្តស្វាយរៀង នារសៀលថ្ងៃចន្ទ ៩រោច ខែស្រាពណ៍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី១៨ ខែសីហា ឆ្នាំ២០២៥។

សម្តេចកិត្តិសង្គហបណ្ឌិត ក៏បានពាំនាំនូវការផ្ដាំផ្ញើការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនដល់បងប្អូនទាំងអស់ ដោយក្តីនឹករលឹក និងការគិតគូរដល់បងប្អូនកងទ័ពគ្រប់ពលវេលា។

សម្តេចកិត្តិសង្គហបណ្ឌិត ក៏បានកោតសរសើរដល់វីរភាពរបស់កងទ័ពកម្ពុជា ដោយបានប្រឹងប្រែងយកអស់ពីកម្លាំងកាយចិត្ត ប្រាជ្ញា ស្មារតីយ៉ាងមោះមុត ក្នុងការតស៊ូប្រយុទ្ធប្តូរផ្តាច់ជាមួយកងទ័ពឈ្លានពាន។ សម្តេចកិត្តិសង្គហបណ្ឌិត ក៏បានស្នើសុំឲ្យក្រុមគ្រួសារដែលនៅជួរក្រោយ ដែលជាភរិយា ឬ ម្តាយរបស់វីរកងទ័ពជួរមុខ ត្រូវថែទាំសុខភាពឲ្យបានល្អ រក្សាភាពនឹងន និងមានភាពជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែន។ ព្រោះថា ភរិយា ឬម្តាយ ក៏ជាតួអង្គដ៏សំខាន់ក្នុងការជំរុញ និងលើកទឹកចិត្តដល់ ប្តី ឬ កូន ដែលជាអ្នកឈរជើងនៅជួរមុខ នៃបន្ទាត់ព្រំដែន កម្ពុជា-ថៃ ឲ្យមានកម្លាំងចិត្តបន្ថែមទៀត ក្នុងការការពារបូរណភាពទឹកដីរបស់កម្ពុជាពីការឈ្លានពានរបស់សត្រូវ។

សម្តេចកិត្តិសង្គហបណ្ឌិត ក៏បានប្រគល់ជូននូវសម្ភារៈប្រើប្រាស់មួយចំនួន ដល់ ៥៣គ្រួសារ ក្នុងមួយគ្រួសារ ទទួលបាន អង្ករ ២៥គីឡូក្រាម សារុង ១ មី ១កេស ត្រីខ ១យួរ ទឹកសុទ្ធ ១កេស ទឹកត្រី ១យួរ ទឹកស៊ីអ៊ីវ ១យួរ ប៊ីចេង ១កញ្ចប់ អំបិល ១កញ្ចប់ បាយក្តាំង ២កញ្ចប់ និងថវិកា ៣០ម៉ឺនរៀល ជូនដល់ក្រុមគ្រួសារជួរមុខរបស់យើងផងដែរ៕

អត្ថបទ ៖ វិមាន

Related Topics:សម្តេច ម៉ែន សំអន

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា