Connect with us

នយោបាយ

កញ្ញា កឹម មនោវិទ្យា ហៅ លោកសម​ រង្ស៊ីថា ជាដៃគូបោកប្រាស់របស់លោកកឹម សុខា

បានផុស

នៅ

កញ្ញាកឹម មនោវិទ្យា ដែលជាកូនស្រីច្បងរបស់លោកកឹម សុខា នៅថ្ងៃទី៣០ ខែវិច្ឆិកានេះ បានចេញមកប្រតិកម្មខ្លាំងៗទៅកាន់លោកសម រង្ស៊ី តាមបណ្តាញសង្គមធ្វីតធ័រ(Twitters)។ កញ្ញា បានហៅលោកសម រង្ស៊ី ថា ជាដៃគូបោកប្រាស់របស់ឪពុកនាង គឺលោកកឹម សុខា ប្រធានអតីតគណបក្សសង្រ្គោះជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា កឹម មនោវិទ្យា បានសរសេរចំៗថា ៖«ឪពុករបស់ខ្ញុំ គឺលោកកឹម សុខា មានសិទ្ធិបញ្ចេញមតិក្នុងការហៅដៃគូបោកប្រាស់ឱ្យបញ្ឈប់ការកេងចំណេញ និងបោកប្រាស់សាធារណជនតទៅទៀត។ ភាពជាដៃគូ គឺត្រូវបានបញ្ចប់ដោយប្រសិទ្ធភាពនៅពេលដែលដៃគូរបស់គាត់(សម រង្ស៊ី) បានអំពាវនាវឱ្យគណបក្ស និងប្រជាពលរដ្ឋនៅក្នុងប្រទេសកម្ពុជាបោះបង់ចោលគាត់(កឹម សុខា) ក្នុងពេលដែលរូបគាត់កំពុងជាប់ពន្ធនាគារ និងដឹកនាំយុទ្ធនាការបោកប្រាស់»។

សាររបស់កូនស្រីច្បងលោកកឹម សុខានេះ ធ្វើឡើង បន្ទាប់ពីមនុស្ស និងអ្នកគាំទ្រលោកសម រង្ស៊ី មួយចំនួនបានវាយប្រហារទៅលើលោកកឹម សុខា បន្ទាប់ពីលោកបានអំពាវនាវឱ្យលោកសម រង្ស៊ី និងក្រុមរបស់លោកបញ្ឈប់ការយកឈ្មោះ និងរូបភាពរបស់លោកទៅប្រើប្រាស់ ដើម្បីបម្រើមហិច្ចតានយោបាយក្រុមខ្លួនតទៅទៀត។ លោកកឹម សុខា ក៏បានអះអាងពីការបែកបាក់សម្ព័ន្ធភាពសម រង្ស៊ី និងកឹម សុខា ជាមនុស្សតែមួយ ក្រោយពីលោកសម រង្ស៊ី និងបក្ខពួកត្រឡប់ទៅគាំទ្រ និងនៅពីក្រោយការដំណើរការឡើងវិញនៃគណបក្សភ្លើងទៀនដែលខុសពីគោលការណ៍នៃការរួបរួមគ្នា ហើយគ្មានការគាំទ្រពីសំណាក់រូបលោកកឹម សុខា។

កាលពីថ្ងៃច​ន្ទ មេធាវីរបស់លោកកឹម សុខា ក៏បានចេញមកបញ្ចេញប្រតិកម្មការពារការលើកឡើងរបស់លោកកឹម សុខានេះដែរ។ លោកស្រីមេធាវី ម៉េង សុភារី បានអះអាងថា លោកកឹម សុខា គ្រាន់តែប្រើសិទ្ធិការពារខ្លួនរបស់គាត់ គឺមិនខុសទេ ដើម្បីមិនឱ្យពាក់ព័ន្ធ និងមិនទទួលខុសត្រូវ ចំពោះសកម្មភាពរបស់លោក សម រង្ស៊ី និងក្រុមគាត់។ ចំណែក ត្រង់ថាបែក ឬមិនបែក គឺមើលខ្លឹមសារទៅ អ្នកណាដើរចេញមុន មើលសកម្មភាពទៅ៕

អត្ថបទ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥២ នាទី មុន

សិស្សនិទ្ទេស A ចំនួន ១៧នាក់ ទទួលបានម៉ូតូ និងថវិកាពីអភិបាលខេត្តស្វាយរៀង

ចរាចរណ៍៥៦ នាទី មុន

អ្នកនាំពាក្យសាលាដំបូងរាជធានីភ្នំពេញ បញ្ជាក់ពីករណីគ្រោះថ្នាក់ចរាចរនៅលើស្ពានជ្រោយចង្វារ បណ្ដាលឲ្យស្លាប់ទារកម្នាក់ និងរបួសធ្ងន់ពីរនាក់

ព័ត៌មានជាតិ១ ម៉ោង មុន

ជួបគ្នា​អាទិត្យ​នេះ​ណា អ្នក​ខេត្ត​ត្បូងឃ្មុំ ជាមួយនឹង​ការប្រគំ​តន្ត្រី​ទេសចរណ៍ ភេសជ្ជៈ​ប៉ូវ​កម្លាំង ខា​រ៉​បាវ ២០២៣

ជីវិតកម្សាន្ដ២ ម៉ោង មុន

Baifern ស្លៀកឈុតប្រពៃណីចិន ហ្វេនសរសើរសម្រស់មិនដាច់ពីមាត់

ព័ត៌មានជាតិ២ ម៉ោង មុន

រដ្ឋបាលរាជធានីកំពុងស្ថាបនាកែលម្អផ្លូវ ៤ ខ្សែ ទៅពហុកីឡដ្ឋានជាតិមរតកតេជោ ត្រៀមធ្វើម្ចាស់ផ្ទះស៊ីហ្គេម

Sokha Hotels

ព័ត៌មានពេញនិយម