នយោបាយ
កម្ពុជា រំពឹងថា នឹងចេញឲ្យបានសេចក្តីថ្លែងការណ៍រួម និងសេចក្តីថ្លែងការណ៍មេដឹកនាំអាស៊ានក្នុងកិច្ចប្រជុំឆ្នាំនេះ
ចាប់ពីថ្ងៃទី០១ ខែមករា ឆ្នាំ២០២២មក កម្ពុជា បានក្លាយជាប្រធានផ្លាស់វេនរៀបចំកិច្ចប្រជុំកំពូលអាស៊ានជាផ្លូវការ។ រាជរដ្ឋាភិបាលកម្ពុជា បានបង្ហាញលទ្ធផលរំពឹងទុកថា កម្ពុជានឹងដឹកនាំកិច្ចប្រជុំ ដោយចេញឲ្យបាននូវសេចក្តីថ្លែងការណ៍រួម និងសេចក្តីថ្លែងការណ៍របស់ប្រមុខដឹកនាំអាស៊ាន ការបន្តផែនការការងារ និងផែនការសកម្មភាព ព្រមទាំងការរៀបចំព្រឹត្តិការណ៍ និងសកម្មភាពសំខាន់ៗទាំងអស់។
កិច្ចប្រជុំកំពូលអាស៊ាននៅឆ្នាំ២០២២ដែលកម្ពុជាជាម្ចាស់ផ្ទះនេះ ធ្វើឡើងក្រោមមូលបទ៖ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា»។ លោក ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ បានគូសបញ្ជាក់កាលពីថ្ងៃចន្ទតាមរយៈទំព័រហ្វេសប៊ុកថា ស្មារតីនៃមូលបទនេះ គឺ ភាពរួបរួមគ្នា សាមគ្គីភាព និងភាពសុខដុមរមនា។ ចំណែក គោលបំណងសំខាន់វិញ គឺរក្សាឱ្យបាននូវមជ្ឈភាព និងសាមគ្គីភាពរបស់អាស៊ាន រួមគ្នាដោះស្រាយបញ្ហាប្រឈម ធានាឱ្យបាននូវវឌ្ឍនភាពការងាររួមដែលមានស្រាប់ និងលើកកម្ពស់ការផ្តោតសំខាន់ទៅលើមនុស្សជាតិ។
ប្រមុខការទូតកម្ពុជា លោក ប្រាក់ សុខុន បានអះអាងទៀតថា សម្រាប់ការធ្វើជាប្រធានផ្លាស់វេនអាស៊ានក្នុងឆ្នាំ២០២២នេះ កម្ពុជា បានត្រៀមខ្លួនរួចជាស្រេចពោរពេញទៅដោយទំនួលខុសត្រូវ ហើយនឹងបំពេញតួនាទីនេះដោយមោទនភាពបំផុត។ ប៉ុន្តែ ក្រុមអ្នកវិភាគទាំងជាតិ និងអន្តរជាតិ បានមើលឃើញថា សម្រាប់ជាប្រធាននៅឆ្នាំនេះ គឺកម្ពុជាមានការងារធំៗជាច្រើនដែលត្រូវដឹកនាំដោះស្រាយ ពិសេស គឺបញ្ហានៅមីយ៉ាន់ម៉ា បញ្ហាសមុទ្រចិនខាងត្បូង និងបញ្ហាការបន្តរីករាលដាលនៃជំងឺឆ្លងកូវីដ១៩៕
អត្ថបទ ៖ វណ្ណ សុគន្ធា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង