នយោបាយ
ប្រមុខការទូតកម្ពុជា ៖ «យើងសង្ឃឹមថា ប្រទេសមីយ៉ាន់ម៉ា នឹងឆាប់ទទួលបានស្ថិរភាព និងសន្តិភាព»
ប្រមុខការទូតកម្ពុជា លោក ប្រាក់ សុខុន បានបង្ហាញក្តីសង្ឃឹមថា ប្រទេសមីយ៉ាន់ម៉ា នឹងឆាប់ទទួលនឹងឆាប់ទទួលបានស្ថិរភាព និងសន្តិភាព។ ការបង្ហាញក្តីសង្ឃឹមដូច្នេះ គឺក្នុងពេលដែលកម្ពុជាក្នុងនាមជាប្រធានអាស៊ានកំពុងខិតខំស្វែងការដំណោះស្រាយដោយសន្តិវិធីសម្រាប់ប្រជាជាតិមីយ៉ាន់ម៉ា។
លោកប្រមុខការទូតកម្ពុជា បានលើកឡើងបែបនេះនៅលើទំព័រហ្វេសប៊ុករបស់លោកកាលពីយប់ថ្ងៃអង្គារ ខណៈលោកនិយាយពីបញ្ហាជួបសន្ទនាគ្នាតាមទូរស័ព្ទជាមួយលោក អេ ខេ អាប់ឌុល ម៉ូមិន រដ្ឋមន្ត្រីការបរទេសបង់ក្លាដេសកាលពីថ្ងៃទី១៨ ខែមករា ឆ្នាំ២០២២។ លោក ប្រាក់ សុខុន រដ្ឋមន្រ្តីក្រសួងការបរទេស និសហប្រតិបត្តិការអន្តរជាតិកម្ពុជា និងលោក អេ ខេ អាប់ឌុល ម៉ូមិនពិភាក្សាគ្នាអំពីបញ្ហាប្រឈមមួយចំនួនក្នុងតំបន់សព្វថ្ងៃនេះ។
លោកឧបនាយករដ្ឋមន្រ្តី ប្រាក់ សុខុន បានសម្តែងការព្រួយបារម្ភពីភាពងាយរងគ្រោះរបស់ជនភៀសខ្លួននៅស្រុកខក់បាសា ដែលអាចទៅចូលរួមចលនារ៉ាឌីកាល់ និងក្រុមជ្រុលនិយម ព្រមទាំងសង្ឃឹមថា ដំណើរការធ្វើមាតុភូមិនិវត្តន៍របស់ពួកគាត់នឹងប្រកបទៅដោយសុវត្ថិភាព និងភាពសមរម្យ។ ទន្ទឹមនឹងនេះ លោកក៏សង្ឃឹមថា ប្រទេសមីយ៉ាន់ម៉ានឹងឆាប់ទទួលបានស្ថិរភាព និងសន្តិភាព ដែលជាផលប្រយោជន៍រួមរបស់ប្រជាជនមីយ៉ាន់ម៉ាគ្រប់រូប និងសម្រាប់តំបន់ទាំងមូល។
សម្រាប់លោកប្រាក់ សុខុន កម្ពុជានៅតែមានសុទិដ្ឋិនិយមចំពោះសំណើរបស់បង់ក្លាដែស ដើម្បីក្លាយជាដៃគូសន្ទនាតាមវិស័យរបស់អាស៊ាន។ ប្រទេសទាំងពីរ នឹងបន្តគាំទ្រគ្នាទៅវិញទៅមកតាមមធ្យោបាយផ្សេងៗ ក្នុងស្មារតីពង្រឹងបន្ថែមនូវមិត្តភាព និងកិច្ចសហប្រតិបត្តិការទ្វេភាគី៕
អត្ថបទ ៖ វណ្ណ សុគន្ធា
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ