នយោបាយ
គណបក្សយុវជនកម្ពុជា ត្រៀមដាក់បេក្ខជនឈរឈ្មោះ បោះឆ្នោតចំនួន ១១០ឃុំ-សង្កាត់
គណបក្សយុវជនកម្ពុជា ត្រៀមដាក់បេក្ខជនឈរឈ្មោះ បោះឆ្នោតចំនួន ១១០ឃុំ-សង្កាត់ សម្រាប់ការបោះឆ្នោតជ្រើស រើស ក្រុមប្រឹក្សាឃុំ-សង្កាត់អាណត្តិទី ៥ នាពេលខាងមុខនេះ។ បើតាម គ.ជ.ប ការចុះទទួលពាក្យស្នើសុំ ចុះបញ្ជីបេក្ខ ជនគណបក្សនយោបាយ សម្រាប់ឈរឈ្មោះបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២ មានរយៈពេល ៣ថ្ងៃ គឺចាប់ពីថ្ងៃទី ៤ ខែមីនា និងបញ្ចប់នៅថ្ងៃទី ៦ ខែមីនា ឆ្នាំ ២០២២។
លោក ពេជ្រ ស្រស់ ប្រធានគណបក្សយុវជនកម្ពុជា មានប្រសាសន៍ប្រាប់កម្ពុជាថ្មី នៅថ្ងៃទី ៣ ខែមីនានេះថា គណបក្សរបស់លោក កំពុងមមារញឹកក្នុងការត្រៀម បញ្ជូនបញ្ជីឈ្មោះបេក្ខជន ឈរឈ្មោះបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ទៅកាន់គណៈកម្មការរៀបចំការបោះឆ្នោតរាជធានី-ខេត្ត ដើម្បីចូលរួមការបោះឆ្នោតនាខែមិថុនា ខាងមុខនេះ។
លោកបន្តថា គណបក្សយុវជនកម្ពុជា ត្រៀមដាក់បេក្ខជនឈរឈ្មោះបោះឆ្នោតចំនួន ១១០ឃុំ-សង្កាត់នៅទូទាំងប្រទេស។ ប្រធានគណបក្សយុវជនកម្ពុជា បន្តថា «លក្ខណៈសម្បត្តិរបស់បេក្ខជននីមួយៗ នៃគណបក្សយុវជនកម្ពុជាយើង គឺយើងផ្ដោតទៅលើឆន្ទៈ ស្នេហាជាតិពិតប្រាកដ និងឆន្ទៈលះបង់ ដើម្បីបម្រើផលប្រយោជន៍ជាតិ និងប្រជាពលរដ្ឋ»។
លោក ពេជ្រ ស្រស់ បានបញ្ជាក់បន្ថែមថា រាល់បេក្ខជនឈរឈ្មោះបោះឆ្នោត ដែលគណបក្សយុវជនកម្ពុជាជ្រើសរើស គឺសុទ្ធសឹងតែជាមនុស្ស ដែលមានគុណតម្លៃក្នុងសហគមន៍ និងមនុស្សដែលមានចំណេះដឹង ក្នុងការចូលរួមបម្រើសហ គមន៍ ជាពិសេសបម្រើប្រយោជន៍រួម តែម្ដង។ លោកបន្ថែមទៀតថា «ដូច្នេះបេក្ខជន ដែលឈរឈ្មោះឲ្យគណបក្សយុវជនកម្ពុជា ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ ជាបុគ្គលដែលស្អាតស្អំ និងលះបង់ ដើម្បីបម្រើផលប្រយោជន៍ជាតិ និងបម្រើផលប្រយោជន៍ប្រជាពលរដ្ឋ ក្នុងមូលដ្ឋាន»។
សូមជម្រាបថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី ៥ ឆ្នាំ ២០២២ នឹងប្រព្រឹត្តទៅនៅថ្ងៃទី ៥ ខែមិថុនា ឆ្នាំ ២០២២ ខាងមុខនេះ។ គិតត្រឹមថ្ងៃទី ២ ខែមីនា ឆ្នាំ ២០២២ គ.ជ.ប បានទទួលពាក្យស្នើសុំបង្កើតគណនី ប្រើប្រាស់កម្មវិធីរៀបចំបញ្ជី បេក្ខជនឈរឈ្មោះបោះឆ្នោត ពីគណបក្សនយោបាយចំនួន ១១ ហើយ៕
អត្ថបទ៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)