នយោបាយ

មន្ត្រីជាន់ខ្ពស់គ.ជ.បថា គណបក្សភ្លើងទៀនកំពុងតែបង្វែរកម្មវត្ថុនៃការប្ដឹងធ្វើឲ្យមានការភាន់ច្រឡំ

បានផុស

៤ years មុន

នៅ

ថ្ងៃចន្ទ ៤ មេសា ២០២២

ដោយ

លោក សោម សូរីដាអគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោតបានថ្លែងថា គណបក្សភ្លើងទៀនកំពុងតែបង្វែរកម្មវត្ថុ នៃការប្ដឹងធ្វើឲ្យមានការភាន់ច្រឡំ ទៅលើចំណាត់ការរបស់គ.ជ.ប និងថាការសម្រេចច្រានចោលបញ្ជីបេក្ខជនដំបូងរបស់គណបក្សភ្លើងទៀន គឺផ្អែកទៅលើអង្គហេតុ និងអង្គច្បាប់ត្រឹមត្រូវ។

ការលើកឡើងរបស់មន្ត្រីជាន់ខ្ពស់ គ.ជ.ប បានធ្វើឡើងបន្ទាប់ពីគណបក្សភ្លើងទៀនបានចេញសេចក្តីថ្លែងការណ៍មួយ នៅក្នុងសន្និសីទសារព័ត៌មាន កាលពីព្រឹកថ្ងៃទី០៤ ខែមេសា ដោយអះអាងថា គ.ជ.ប លុបបញ្ជី និងបដិសេធការបញ្ជីគណបក្សភ្លើងទៀនដោយមិនត្រឹមត្រូវតាមច្បាប់ និងនីតិវិធី។

លោក សោម សូរីដា បានមានប្រសាសន៏ប្រាប់កម្ពុជាថ្មីនាល្ងាចថ្ងៃទី០៤ ខែមេសា នេះថា សេចក្តីថ្លែងការណ៍របស់គណបក្សភ្លើងទៀន គឺជាសេចក្តីថ្លែងការណ៍មួយ ដែលគេចវេស មិនទទួលខុសត្រូវទៅលើទង្វើរបស់គណបក្សភ្លើងទៀន ហើយគណបក្សនេះកំពុងតែបង្វែរកម្មវត្ថុនៃការប្ដឹងធ្វើឲ្យមានការភាន់ច្រឡំ ទៅលើចំណាត់ការរបស់ គ.ជ.ប។ “ខ្ញុំសូមបញ្ជាក់ថា ការសម្រេចច្រានចោលបញ្ជីបេក្ខជនដំបូងរបស់គណបក្សភ្លើងទៀន ដែលសរុបមាន៥ សង្កាត់ នៅរាជធានីភ្នំពេញ ត្រូវបានធ្វើឡើងដោយផ្អែកទៅលើអង្គហេតុ និងអង្គច្បាប់ច្បាស់លាស់”។

បើតាមលោក សោម សូរីដា ការប្ដឹងជំទាស់ទៅ និងបញ្ជីបេក្ខជនដំបូងនេះ គឺជាការដាក់បន្ទុក ក្នុងការទទួលខុសត្រូវរបស់គណបក្សនយោបាយ ក្នុងការរៀបចំឲ្យបានត្រឹមត្រូវ នូវឯកសារចំនួន៦ ប្រភេទ ដែលត្រូវរៀបចំដាក់ភ្ជាប់ជាមួយពាក្យសុំចុះបញ្ជីបេក្ខជនគណបក្សនយោបាយចុះឈ្មោះបោះឆ្នោត៕

ដោយ ៖ កោះកែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា