នយោបាយ
សម្ដេចតេជោ ហ៊ុន សែន៖ ត្រូវបញ្ចៀសការប្រើអំពើហិង្សាឲ្យបាន ក្នុងពេលឃោសនារកសំឡេងឆ្នោត
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា អំពាវនាវកុំឲ្យមានអំពើហិង្សាកើតឡើងជាដាច់ខាត ទាំងការប្រើហិង្សាលើរូបរាងកាយ និងហិង្សាពាក្យសម្ដី ក្នុងយុទ្ធនាការឃោសនារកសំឡេងឆ្នោត និងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលខាងមុខ។ ក្នុងយុទ្ធនាការឃោសនារកសំឡេងឆ្នោតនេះដែរ សម្ដេចនាយករដ្ឋមន្ត្រី បញ្ជាក់ថា សម្ដេចមិនចេញឃោសនានោះទេ។
សម្ដេចនាយករដ្ឋមន្ត្រី ហ៊ុន សែន បញ្ជាក់បែបនេះនៅព្រឹកថ្ងៃទី២០ ខែមេសា ឆ្នាំ២០២២ ក្នុងឱកាស អញ្ជើញសម្ពោធដាក់ឲ្យប្រើប្រាស់ជាផ្លូវការនូវសមិទ្ធផលនៃគម្រោងការពារទឹកជំនន់ និងកែលំអប្រព័ន្ធប្រ ឡាយលូក្នុងរាជធានីភ្នំពេញ ដំណាក់កាលទី៤ ដែលជាជំនួយឥតសំណងរបស់ប្រទេសជប៉ុន។ សម្ដេចនាយករដ្ឋមន្ត្រី ថ្លែងដូច្នេះថា៖«ខ្ញុំមិនធ្វើការឃោសនាទេ គ្រាន់តែជាបញ្ហាដែលបញ្ជាក់ថា សុំកុំឲ្យ មានហិង្សាឲ្យសោះ នៅក្នុងដំណើរការនៃការបោះឆ្នោតនៅកម្ពុជា មិនថាហិង្សានោះ ជាហិង្សាដោយការវ៉ៃ តប់គ្នា ឬក៏ហិង្សាពាក្យសម្ដីនៃការជេរប្រមាថគ្នានោះទេ » ។
បន្ថែមពីនេះ សម្ដេចតេជោ បានគូសបញ្ជាក់ថា បរិយាកាសនយោបាយអព្យាក្រឹត្យ ពិតជាមានភាពចាំបាច់បំផុត ក្នុងដំណាក់កាលនៃការធ្វើសកម្មភាពឃោសនាបោះឆ្នោតនៅកម្ពុជា នាពេលខាងមុខ ដោយសម្ដេចណែនាំឲ្យអាជ្ញាធរគ្រប់ជាន់ថ្នាក់ ត្រូវតែបង្កលក្ខណៈសម្បត្តិឲ្យបានល្អប្រសើរជូនដល់បណ្ដាគណបក្សនយោបាយទាំងអស់មានសិទ្ធិសេរីភាពដូចៗគ្នា ។ សម្ដេចតេជោ ចាត់ទុកថា ការធានាបាននូវបរិយាកាសស្ងប់ស្ងាត់ គ្មានអំពើហិង្សា បើកទូលាយសិទ្ធិសេរី ភាពស្មើៗគ្នា និងរក្សាបាននូវអព្យាក្រឹត្យភាព គឺជាការប្រកួតប្រជែងមួយដ៏ប្រសើរសម្រាប់ការគ្រប់គ្រងបន្តនៅតាមមូលដ្ឋាន ។
សូមជម្រាបជូនថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណតិ្តទី៥ នឹងប្រ ព្រឹត្តធ្វើឡើងចាប់ពីថ្ងៃទី២១ ខែឧសភា ដល់ថ្ងៃទី៣ ខែមិថុនា ឆ្នាំ២០២២។ ឯ សម្រាប់ការបោះឆ្នោតវិញ នឹងប្រព្រឹត្តទៅនៅថ្ងៃទី៥ ខែមិថុនា ឆ្នាំ២០២២ ៕
ដោយ ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង