នយោបាយ
គណបក្សខ្មែររួបរួមជាតិ គ្រោងរៀបចំហែក្បួនឃោសនាធំ នៅថ្ងៃចាប់ផ្តើមយុទ្ធនាការដំបូង
លោក ញឹក ប៊ុនឆៃ ប្រធានគណបក្សខ្មែររួបរួមជាតិ មានប្រសាសន៍ប្រាប់កម្ពុជាថ្មី នៅថ្ងៃទី ១៩ ខែឧសភាថា សម្រាប់យុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ ដែលនឹងចាប់ផ្ដើមនៅថ្ងៃខាងមុខនេះ គណបក្សខ្មែររួបរួមជាតិ នឹងរៀបចំហែក្បួនឃោសនាធំនៅរាជធានីភ្នំពេញ ហើយក្រៅនេះគឺរៀបចំនៅតាមឃុំ-សង្កាត់ ដែលបានដាក់បេក្ខជនតែប៉ុណ្ណោះ។
លោក ញឹក ប៊ុនឆៃ បញ្ជាក់យ៉ាងដូច្នេះថា «ខ្ញុំសម្រេចធ្វើធំមួយកន្លែងនៅភ្នំពេញនេះទេ នៅខណ្ឌជ្រោយចង្វារ និងខណ្ឌឫស្សីកែវ សម្រេចហើយធំ ហើយខ្ញុំអាចចូលរួម ហើយការហែរធំនេះ នឹងធ្វើឡើងនៅថ្ងៃទី ២១ ដែលជាថ្ងៃចាប់ផ្ដើមហែរក្បួនដំបូង ដោយជួបជុំគ្នានៅក្បែរស្ពានជ្រោយចង្វារ ហើយនិងធ្វើការហែក្បួនទៅកាន់ខណ្ឌឬស្សីកែវ ហើយដល់ពេលជួបគ្នាជាមួយក្រុមនៅខណ្ឌឬស្សីកែវ នឹងត្រូវហែបន្តទៀត»។
បើតាមលោក ញឹក ប៊ុនឆៃ សម្រាប់នៅរាជធានីភ្នំពេញ គណបក្សខ្មែររួបរួមជាតិ រៀបចំដាក់បេក្ខជនបានចំនួនប្រមាណ ៣៤សង្កាត់ប៉ុណ្ណោះ ហើយការហែក្បួននេះ នឹងធ្វើឡើងសម្រាប់តែឃុំ-សង្កាត់ ដែលគណបក្ស បានដាក់បេក្ខជនចូលរួមការបោះឆ្នោត តែប៉ុណ្ណោះ។
សូមជម្រាបថា ការបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី ៥ នឹងប្រព្រឹត្តទៅនៅថ្ងៃអាទិត្យទី ៥ ខែមិថុនា ឆ្នាំ ២០២២ខាងមុខ ដោយចាប់ផ្តើមពីម៉ោង ៧ ព្រឹក រហូតដល់ម៉ោង ៣ រសៀល។ ក្នុងនោះ មានគណបក្សនយោបាយចំនួន ១៧ បានចូលរួម ហើយការឃោសនានឹងចាប់ផ្តើមពីថ្ងៃទី ២១ ខែឧសភា ដល់ថ្ងៃទី ៣ ខែមិថុនា ឆ្នាំ ២០២២៕
អត្ថបទ៖ កោះកែវ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ