នយោបាយ
លោក មុត ចន្ថា អះអាងថា លោក សុន ឆ័យ កំពុងបង្កើតកំហុសធំ៣ អន្តរាយដល់គណបក្សភ្លើងទៀន
លោក មុត ចន្ថា នាយកខុទ្ទកាល័យរបស់លោក កឹម សុខា បានលើកឡើងថា លោក សុន ឆ័យ អនុប្រធានគណបក្សភ្លើងទៀនមិនស្របច្បាប់ កំពុងបង្កើតកំហុសធំៗចំនួន ៣ នាំឱ្យអន្តរាយដល់គណបក្សភ្លើងទៀនខ្លួនឯង។
ការលើកឡើងរបស់លោក មុត ចន្ថា បន្ទាប់ពី លោក សុន ឆ័យ បានអួតអាងថា គណបក្សភ្លើងទៀនរបស់លោក ទទួលបានមធ្យោបាយមួយចំនួនពីសហគមន៍អន្តរជាតិ ជាពិសេសសហភាពអឺរ៉ុប ដើម្បីជាថ្នូរចូលរួមក្នុងការបោះឆ្នោត។
បើតាមលោក មុត ចន្ថា ការអួតអាងបែបនេះ មានន័យថា ជាជំនួដល់ថវិកា សម្ភាររួមទាំងមធ្យោបាយដឹកជញ្ជូន។ តាមច្បាប់គណបក្សនយោបាយ មាត្រា ២៩ ថ្មី ហាមគណបក្សនយោបាយពីការទទួលវិភាគទានពីស្ថាប័នរដ្ឋបរទេស ក្រុមហ៊ុនបរទេស ជនបរទេស ឬអង្គការដែលមានប្រភពហេរញ្ញប្បទានពីបរទេស។
ម្យ៉ាងទៀត សកម្មភាពនេះបានបង្កើតឱ្យមានផលវិបាកផ្លូវច្បាប់ព្រហ្មទណ្ឌសម្រាប់ខ្លួនឯងផ្ទាល់ បក្សភ្លើងទៀន ជាពិសេសស្ថាប័នរដ្ឋបរទេស ពីបទឃុបឃិត ឬត្រូវរ៉ូវជាមួយរដ្ឋបរទេស ដូចមានចែងក្នុងបញ្ញត្តិមាត្រា៤៤៣ នៃក្រមព្រហ្មទណ្ឌ។
ក្រៅពីនេះ ការលើកឡើងរបស់លោក សុន ឆ័យ ក៏បង្កើតឱ្យមានការប៉ះទង្គិចផ្លូវទូត ជាមួយស្ថាប័នរដ្ឋបរទេស តាមរយៈការចោទលាបពណ៌ និងមួលបង្កាច់ដោយគ្មានការពិត។
លោក មុត ចន្ថា លើកឡើងទៀតថា យោងតាមអ្វីដែលលោកបានដឹង សហគមន៍អន្តរជាតិ ជាពិសេសសហភាពអឺរ៉ុប មិនបានបង្ខំ និងជម្រុញដល់គណបក្សនយោបាយណាមួយ រួមទាំងបក្សភ្លើងទៀន ឱ្យចូលរួម ឬមិនចូលនៅក្នុងការបោះឆ្នោតណាមួយឡើយ ព្រោះវាជាសិទ្ធិស្វ័យសម្រេច និងសិទ្ធិអធិបតេយ្យរបស់បក្សនយោបាយ។
លើសពីនេះទៀត សហគមន៍អន្តរជាតិ ដូចជា សហរដ្ឋអាមេរិក និងសហភាអឺរ៉ុប ព្រមទាំងបណ្តាប្រទេសប្រជាធិបតេយ្យមួយចំនួន មិនបានផ្តល់ជំនួយសម្រាប់គាំទ្រដល់ការរៀបចំការបោះឆ្នោតទៅស្ថាប័នរៀបចំការបោះឆ្នោត និងមិនបានសុំចុះឈ្មោះជាអ្នកសង្កេតការបោះឆ្នោត និងធ្វើការវាយតម្លៃលើដំណើរការបោះឆ្នោតឡើយ។
ពួកគេក៏មិនបានផ្តល់ការគាំទ្រ ជំនួយ ឬមធ្យោបាយដល់គណបក្សនយោបាយ ឬអ្នកនយោបាយ សម្រាប់ការចូលរួមបោះឆ្នោតខាងមុខឡើយ ព្រោះវាមិនមែនជាគោលជំហរផ្លូវការ និងពួកគេដឹងច្បាស់អំពីបញ្ញត្តិច្បាប់ជាធរមានដែលហាមឃាត់ផងដែរ។
លោកថា អ្វីដែលសហគមន៍អឺរ៉ុប និងតំណាងកាទូតមួយចំនួនជួបតំណាងគណបក្សនយោបាយ គឺគ្រាន់តែស្តាប់ពីការវិវត្ត និងបរិយាកាសជុំវិញដំណើរការបោះឆ្នោត និងកត់ត្រាតែប៉ុណ្ណោះ។
ដូច្នេះអ្វីដែលលោក សុន ឆ័យ អះអាងដូច្នេះ គឺជាអំពើបំភ័ន្ត និងបន្លំ ក្នុងចេតនាភ្ជាប់ស្ថាប័នបរទេសថា គាំទ្របក្សខ្លួន ដើម្បីកេងចំណេញនយោបាយ ដោយមិនបានគិតដល់ផលវិបាក និងគ្រោះថ្នាក់ផ្លូវច្បាប់ទាំងខ្លួនឯង និងស្ថាប័នបរទេសដែលគេមិនដឹងរឿងអីទាល់តែសោះនោះ។ ទង្វើរបស់លោក សុន ឆ័យ ប្រៀបបានជាអំពើចាប់ជំរិតស្ថាប័នបរទេស ដើម្បីប្រយោជន៍ខ្លួន និងបក្សខ្លួន។
លោក មុត ចន្ថា ជឿជាក់ថា ស្ថាប័នបរទេស ឬរដ្ឋបរទេសទាំងនោះមិនអាចទទួលយកអំពើចាប់ជំរិត ដែលលោក សុន ឆ័យ កំពុងតែប្រព្រឹត្តនេះឡើយ៕
អត្ថបទ៖ កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ