នយោបាយ
លោក ញឹក ប៊ុនឆៃ ៖ គណបក្សខ្មែររួបរួមជាតិ មិនធ្លាក់ចុះការគាំទ្រទេ គ្រាន់តែមានបញ្ហាក្នុងការរៀបចំបេក្ខជនប៉ុណ្ណោះ
ប្រធានគណបក្សខ្មែររួបរួមជាតិលោក ញឹក ប៊ុនឆៃ មានប្រសាសន៍ប្រាប់កម្ពុជាថ្មីថា គណបក្សរបស់លោកមិនបានធ្លាក់ចុះការគាំទ្រទេ សម្រាប់ការបោះឆ្នោតក្រុមប្រឹក្សាឃុំ-សង្កាត់អាណត្តិទី ៥នេះ គ្រាន់តែមានបញ្ហាបច្ចេកទេសខ្លះ ទើបធ្វើឲ្យអាសនៈដែលទទួលបានមានការថយចុះ។

លោកថា កាលពីអាណត្តិមុន គណបក្សខ្មែររួបរួមជាតិទទួលបាន ២៤ អាសនៈ ហើយអាណត្តិនេះ បានថយចុះបន្តិចបន្តួច ដោយសារតែមានបញ្ហាខ្លះៗ ក្នុងការរៀបចំបេក្ខជន។ ប៉ុន្តែជារួមសំឡេងគាំទ្រគណបក្សខ្មែររួបរួមជាតិ មិនបានថយចុះទេ។
សម្រាប់បរិយាកាសទាំងមូល នៃការបោះឆ្នោតកន្លងមកនេះ លោក ញឹក ប៊ុនឆៃ បានអះអាងថា មិនមានបញ្ហាអ្វីធ្ងន់ធ្ងរនោះទេ ទោះបីជាមានការចោទប្រកាន់ពីគណបក្សខ្លះ ទាក់ទងទៅនឹងការទិញបេក្ខជន អំពើហិង្សា ឬការគាបសង្កត់ណាមួយក៏ដោយ។
លោកថា រាល់ការបោះឆ្នោតតែងតែមានបន្តិចបន្តួច បក្សនេះទិញបក្សនោះ បក្សនោះទិញបក្សនេះ ចៀសមិនផុតទេ ហើយសូម្បីតែបេក្ខជនគណបក្សរបស់លោក ក៏ត្រូវបានគណបក្សភ្លើងទៀនទិញ ដូចជានៅខេត្តតាកែវជាដើម ត្រូវបានទិញដោយផ្ដល់ទូរសព្ទ Iphone ទំនើបមួយគ្រឿង។ ប៉ុន្តែករណីនេះ វាមានតិចតួចណាស់។
បើតាមលោក ញឹក ប៊ុនឆៃ ដែលជាអ្នកនយោបាយជើងចាស់មួយរូបដែរនោះ អះអាងថា ការទិញដូរបេក្ខជននេះ មិនត្រឹមតែនៅក្នុងប្រទេសកម្ពុជាទេ។ សូម្បីតែនៅប្រទេសថៃ កើតឡើងច្រើនជាងនៅកម្ពុជាឆ្ងាយណាស់ ហើយអ្នកដែលឈរជាបេក្ខជន ដែលមានប្រជាប្រិយភាពខ្លះ នៅប្រទេសថៃត្រូវបានបាញ់សម្លាប់ទៀតផង តែសម្រាប់កម្ពុជាគ្មានទេ។ លោកថា ចាប់តាំងពីការបោះឆ្នោតឆ្នាំ ១៩៩៨មក វាមានតែមានតិចតួចណាស់ បើកប្រៀបធៀបទៅនឹងទំហំ នៃការបោះឆ្នោតទាំងមូល។ យើងមិនអាចយកបញ្ហានោះជាធំ ដូចអ្វីដែលបក្សប្រឆាំងលើកឡើងនោះទេ។
លោក ញឹក ប៊ុនឆៃ បានលើកឡើងពីបញ្ហាមួយនៅខេត្តកណ្ដាល ដែលគណបក្សភ្លើងទៀនហែក្បួនឃោសនារាប់រយនាក់ ហើយបែរជាចង់ចូលឃោសនា ឬចែកខិតប័ណ្ណនៅក្នុងផ្សារ។ នៅពេលសន្តិសុខហាមឃាត់ បែរជាចោទប្រកាន់ថា គេរារាំងទៅវិញ ហើយនៅពេលគណបក្សរបស់លោក ចូលចែកខិត្តប័ណ្ណក្នុងផ្សារបាន បែរជាត្រូវគណបក្សភ្លើងទៀន ចោទប្រកាន់ថា គណបក្សរបស់លោកត្រូវជាមួយបក្សកាន់អំណាចទៅវិញ។ លោកអះអាងថា គណបក្សរបស់លោក មុននឹងចូលផ្សារ គឺបានទំនាក់ទំនងជាមួយអាជ្ញាធរផ្សារជាមុន ហើយអនុវត្តតាមលក្ខខណ្ឌរបស់ គ.ជ.ប តែគណបក្សភ្លើងទៀនមិនបានគោរពទេ។
លោក ញឹក ប៊ុនឆៃ បញ្ជាក់ចុងក្រោយថា ដំណើការបោះឆ្នោតឃុំ-សង្កាត់ ទាំងមូល សម្រាប់គណបក្សខ្មែររួបរួមជាតិ គឺបានប្រព្រឹត្តទៅដោយគ្មានអំពើហិង្សា គ្មានការគំរាមកំហែងធ្ងន់ធ្ងរ ដំណើរការទៅដោយរលូន ហើយលទ្ធផលអាចទទួលយកបាន៕
អត្ថបទ៖ កោះកែវ
-
KPT+២ ថ្ងៃ មុន
សិស្សប្រលងបាក់ឌុបស្អែក គួរចៀសវាងអាហារ ៤ មុខនេះដាច់ខាត
-
ព័ត៌មានជាតិ១ សប្តាហ៍ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ១ សប្តាហ៍ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ៥ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានជាតិ១ សប្តាហ៍ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ព័ត៌មានជាតិ៥ ថ្ងៃ មុន
កីឡាករ ដាវ លឺដុឌ៖ ការប្រកួតជាមួយ ព្រំ សំណាង គឺជាព្រឹត្តិការណ៍ដ៏ធំប្រវត្តិសាស្ត្រនៅតំបន់អាស៊ីអាគ្នេយ៍
-
ព័ត៌មានជាតិ៦ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង
-
ព័ត៌មានជាតិ៤ ថ្ងៃ មុន
អាជ្ញាធរ បញ្ចប់ករណីបុរសវាយសត្វឈ្លូស ត្រឹមការពិន័យជាប្រាក់