នយោបាយ
ព្រះអង្គម្ចាស់ នរោត្តម ចក្រាវុធ អំពាវនាវពលរដ្ឋ និងអ្នកគាំទ្រ អញ្ជើញទៅចុះឈ្មោះបោះឆ្នោតទាំងអស់គ្នា
ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច បានអំពាវនាវដល់ប្រជាពលរដ្ឋ និងអ្នកគាំទ្រគណបក្សហ៊្វុនស៊ិនប៉ិច ដែលមិនទាន់មានឈ្មោះក្នុងបញ្ជីឈ្មោះបោះឆ្នោត សូមអញ្ជើញទៅចុះឈ្មោះបោះឆ្នោតទាំងអស់គ្នា ដើម្បីសិទ្ធិបោះឆ្នោតជ្រើសតាំង តំណាងរាស្រ្ដនីតិកាលទី ៧ ខាងមុខនេះ។ នេះបើតាមលោក ញឿន រ៉ាដែន អ្នកនាំពាក្យគណបក្សហ៊្វុនស៊ិនប៉ិច ដែលបានប្រាប់អ្នកសារព័ត៌មានកម្ពុជាថ្មី នៅព្រឹកថ្ងៃទី ២៤ ខែតុលានេះ។
ការអំពាវនាវខាងលើនេះ គ្រាដែលព្រះអង្គម្ចាស់ នរោត្តម ចក្រាវុធ បានយាងទៅចុះព្រះនាមបោះឆ្នោតនៅការិយាល័យចុះឈ្មោះបោះឆ្នោត នាសង្កាត់វាលស្បូវ ខណ្ឌច្បារអំពៅ រាជធានីភ្នំពេញ កាលពីរសៀលថ្ងៃទី ២៣ ខែតុលា ឆ្នាំ ២០២២។
កាលពីការបោះឆ្នោតឃុំ-សង្កាត់អាណត្តិទី ៥កន្លងទៅនេះ ព្រះអង្គម្ចាស់ នរោត្តម ចក្រាវុធ មិនបានបោះឆ្នោតនោះទេ ដោយសារព្រះអង្គម្ចាស់ មិនទាន់បានចុះឈ្មោះបោះឆ្នោតនៅឡើយ។ មូលហេតុ ដែលមិនបានចុះឈ្មោះបោះឆ្នោត ក៏ព្រោះតែព្រះអង្គម្ចាស់ តែងតែគង់នៅជាមួយព្រះបិតា ដែលកំពុងប្រឈួនខ្លាំង នៅប្រទេសបារាំង អំឡុងឆ្នាំ ២០២១ រហូតដល់ការចុះឈ្មោះបោះឆ្នោត បានបិទបញ្ចប់។
នៅក្នុងពេលយាងទៅចុះព្រះនាមបោះឆ្នោត ព្រះអង្គម្ចាស់ នរោត្តម ចក្រាវុធ បានមានបន្ទូលថា គណៈកម្មាធិការជាតិរៀបចំការបោះឆ្នោត (គ.ជ.ប) បាននិងកំពុងដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ ២០២២ ដែលមានរយៈពេល ៥០ថ្ងៃ ចាប់ពីថ្ងៃទី ២០ ខែតុលា ដល់ថ្ងៃទី ៨ ខែធ្នូ ឆ្នាំ ២០២២នេះ។
ក្នុងនាមជាព្រះប្រធានគណបក្សហ៊្វុនស៊ិនប៉ិច ព្រះអង្គម្ចាស់ នរោត្តម ចក្រាវុធ បានអំពាវនាដល់ប្រជាពលរដ្ឋ ក៏ដូចជាសមាជិក-សមាជិកាគណបក្សទាំងអស់ ទៅចុះឈ្មោះបោះឆ្នោត ដើម្បីមានសិទ្ធិចូលរួមបោះឆ្នោតជ្រើសតាំង តំណាងរាស្រ្ដនីតិកាលទី ៧ នៅថ្ងៃទី ២៣ ខែកក្កដា ឆ្នាំ ២០២៣ខាងមុខ។
គួរជម្រាបដែរថា បន្ទាប់ពីប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត កាលពីព្រឹកថ្ងៃទី ២០ ខែតុលានេះរួចមក សម្ដេចតេជោ ហ៊ុន សែន បានអំពាវនាវដល់បណ្ដាគណបក្សនយោបាយ ជួយជំរុញបន្តឲ្យប្រជាពលរដ្ឋ ឬអ្នកគាំទ្ររបស់ខ្លួន ទៅចុះឈ្មោះបោះឆ្នោតឲ្យបានគ្រប់ៗគ្នា ដែលការរួមចំណែកមួយយ៉ាងសំខាន់។
សម្ដេចតេជោ ហ៊ុន សែន បានថ្លែងថា «ខ្ញុំសុំយកឱកាសនេះ អំពាវនាវចំពោះបណ្ដាបក្សនយោបាយ ជួយអំពាវនាវចំពោះប្រជាពលរដ្ឋ ឬអ្នកគាំទ្ររបស់ខ្លួន ឲ្យបានចុះឈ្មោះបោះឆ្នោតឲ្យបានគ្រប់ៗគ្នា ព្រោះនោះជាចំណែកមិនមែនគ្រាន់តែរដ្ឋាភិបាល ឬគណៈកម្មាធិការជាតិរៀបចំការបោះឆ្នោត ឬគណបក្សប្រជាជននោះទេ ប៉ុន្តែគឺជាកាតព្វកិច្ច នៃបណ្ដាបក្សនយោបាយទាំងអស់ គណបក្សនយោបាយទាំងអស់ ប្រសិនបើកសាងចំនួនសមាជិកបក្សខ្លួន អ្នកគាំទ្រខ្លួន ប៉ុន្តែបើអត់មានអ្នកចុះឈ្មោះបោះឆ្នោត ក៏មិនមានន័យអ្វីដែរ»។
សម្ដេចតេជោ ហ៊ុន សែន បានថ្លែងបន្តថា គឺជារឿងចាំបាច់ណាស់ ដែលបណ្ដាគណបក្សនយោបាយទាំងអស់ អំពាវនាវទៅដល់ប្រជាពលរដ្ឋ និងអ្នកគាំទ្ររបស់ខ្លួន ទៅចុះឈ្មោះបោះឆ្នោត ដើម្បីកុំឲ្យដល់ពេលបោះឆ្នោត មិនមានឈ្មោះបោះឆ្នោតនឹងគេ៕
អត្ថបទ៖ ឃួន សុភ័ក្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore