នយោបាយ
រដ្ឋមន្ត្រីការបរទេសអាស៊ាន នឹងបើកកិច្ចប្រជុំបន្ទាន់ស្តីពីបញ្ហាភូមានៅថ្ងៃទី២៧ តុលា ខាងមុខ
នៅថ្ងៃទី២៧ ខែតុលា ឆ្នាំ២០២២ខាងមុខនេះ រដ្ឋមន្ត្រីការបរទេសអាស៊ាន នឹងបើកកិច្ចប្រជុំពិសេស នៅទីក្រុងហ្សាកាតា ប្រទេសឥណ្ឌូនេស៊ី ដើម្បីពិភាក្សាស្ដីពីដំណើរការដោះស្រាយវិបត្តិនៅមីយ៉ាន់ម៉ា។ កិច្ចប្រជុំពិសេសនេះ ធ្វើឡើងមុនកិច្ចប្រជុំកំពូលមេដឹកនាំអាស៊ានមកដល់នៅខែក្រោយ នៅរាជធានីភ្នំពេញ។
កិច្ចប្រជុំពិសេសនេះ នឹងធ្វើឡើងនៅលេខាធិការដ្ឋានអាស៊ាន នាទីក្រុងហ្សាកាតា ដោយផ្អោតការពិភាក្សាលើការអនុវត្ត «កិច្ចព្រមព្រៀងជាឯកច្ឆន្ទប្រាំចំណុច» ដែលជាការព្រមព្រៀងឯកភាពគ្នារបស់បណ្ដាមេដឹកនាំអាស៊ានទាំង១០ប្រទេស រួមទាំង មេដឹកនាំយោធាមីយ៉ាន់ម៉ាកាលពីឆ្នាំ២០២១ ដើម្បីអាចឈានទៅបញ្ចប់ជម្លោះ និងវិបត្តិនានានៅប្រទេសមីយ៉ាន់ម៉ា។ នេះបើតាមការបញ្ជាក់ប្រាប់របស់លោក ជុំ សុន្ទរី អ្នកនាំពាក្យក្រសួងការបរទេសកម្ពុជាទៅកាន់សារព័ត៌មាន Reuters កាលពីពេលថ្មីៗនេះ។
តាមរយៈសារព័ត៌មានដដែល លោក ជុំ សុន្ទរី បានបន្ថែមថា កិច្ចប្រជុំពិសេសនេះ ក៏នឹងខិតខំរិះរកគ្រប់យន្តការ និងវិធានការនានា ដើម្បីជំរុញដំណើរការស្វែងរកសន្តិភាពមួយដ៏ពិតប្រាកដ និងភាពច្បាស់លាស់សម្រាប់មីយ៉ាន់ម៉ា នៅមុនពេលកិច្ចប្រជុំកំពូលអាស៊ាននៅខែ វិច្ឆិកា ឈានមកដល់ដែលកម្ពុជាធ្វើជាប្រធាន និងជាម្ចាស់ផ្ទះ។
គួរជម្រាបជូនថា កិច្ចប្រជុំកំពូលអាស៊ានលើកទី៤០ និង៤១ និងកិច្ចប្រជុំកំពូលពាក់ព័ន្ធ នឹងប្រព្រឹត្តទៅចាប់ពីថ្ងៃទី១០ រហូតដល់ថ្ងៃទី១៣ ខែវិច្ឆិកា ឆ្នាំ២០២២ នៅរាជធានីភ្នំពេញ។ នៅក្នុងឆ្នាំ២០២២ កម្ពុជា ទទួលធ្វើជាប្រធានអាស៊ាន បាន និងកំពុងដឹកនាំកិច្ចខិតខំប្រឹងប្រែងរកសន្តិភាព និងស្វែងរកដំណោះស្រាយនានា ដើម្បីបញ្ចប់វិបត្តិនៅមីយ៉ាន់ម៉ា ក្រោយប្រទេសសមាជិកអាស៊ានមួយនេះ ធ្លាក់ទៅក្នុងវិបត្តិនយោបាយបង្កឡើងដោយក្រុមយោធារបស់លោក មីន អោងឡាំង។ របបដឹកនាំដោយលោក មីន អោងឡាំង បានប្រើអំពើហឹង្សាទៅលើប្រជាជន រហូតមានការប្រហារជីវិតក្រុមអ្នកប្រជាធិបតេយ្យមីយ៉ាន់ម៉ា និងបានចាប់លោកស្រី អោងសាន ស៊ូជី ដាក់ឃុំខ្លួននៅពន្ធនាគារថែមទៀត៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ