​សង្គមស៊ីវិលថា ទណ្ឌិត សម រង្ស៊ីនៅពីក្រោយការបោកគ្រាប់បែក​នៅមុខរដ្ឋសភាឆ្នាំ ១៩៩៧

សហភាពអង្គការសង្គមស៊ីវិល ទាំង ៣៩ ស្ថាប័នសម្ដែងការសោកស្ដាយ ដែលខ្លួនតែតែទទួលព័ត៌មានមិនពិតជាច្រើនឆ្នាំមកហើយ និងការញុះញង់ពីគណបក្សប្រឆាំង ដែលតែងតែបណ្ដុះមនសិការមិនពិត។

សេចក្ដីថ្លែងការណ៍របស់សហភាពអង្គការសង្គមស៊ីវិលចេញផ្សាយនៅថ្ងៃទី ៣០ ខែមីនា នេះ ថា នយោបាយឆ្កឹះឆ្កៀលរបស់ក្រុមជ្រុលនិយមមួយនេះ ពិតជាបានជះឥទ្ធិពលមកលើបណ្ដាប្រជាពលរដ្ឋទូទៅ ប៉ុន្តែក្រោយការសិក្សាររបស់យុវជន​ក្រុមសង្គម​ស៊ីវិល ទើបដឹងថា នេះជានយោបាយប្រជាភិថុត។

សំនួរសួរថា? បើមានការធ្វើឃាត លោក សម រង្ស៊ី មែននោះ តើជននោះអីក៏អន់ម្លេះ?

សំនួរមួយទៀត បើចេញមកពី លោក ហ៊ីង ប៊ុនហៀង​ ក្រុមគាត់ក៏អន់ម្លេះ ខណៈក្រុមគាត់ជាអគ្គមេបញ្ជាការអង្គរក្ស។

សេចក្ដីថ្លែងការណ៍ ដដែលអះអាងថា នេះជានយោបាយប្រជាភិថុតសុទ្ធសាទ្ធ ដែលខ្មែរតែងតែនិយាយថា ស្វាស៊ីបាយលាបមាត់ពពែ។

ការបណ្ដុះមនោគមវិជ្ជាខ្មៅរបស់ពួកគេគឺជាចេតនាបំបែកបំបាក់ជាតិសាន៍ខ្លួនឯងសុទ្ធសាធ ក្នុងចេតនាបង្ហាញដល់អន្តរជាតិឱ្យមើលងាយប្រជាជាតិខ្មែរក្នុងន័យអវិជ្ជមាន។ ដូចករណីទណ្ឌិត សម រង្ស៊ី តែងតែប្រមាថអង្គព្រះមហាក្សត្រជាញឹកញាប់ក៏ពួកគេបិទភ្នែកមើលមិនឃើញ ស្ដាប់មិនលឺ។ តើពួកគេមិនខុសពីក្រុមឧទ្ទាមខុសច្បាប់ឬទេ?

សហភាពអង្គការសង្គមស៊ីវិល ក៏អំពាវនាវឱ្យប្រជាជនខ្មែរគ្រប់មជ្ឈដ្ឋានចូលរួមការពារតម្លៃជាតិសាសន៍ យុវជនដែលមាននិន្នា​ការទាំង​អស់ កុំយកខ្លួនបៀតជាមួយក្រុមនយោបាយជាមួយទណ្ឌិត សម រង្ស៊ី ហើយពិចារណា​បែងចែកខុសត្រូវអ្វីជាប្រយោជន៍ដល់ខ្មែរ៕