Connect with us

នយោបាយ

គណបក្សនយោបាយចូលរួមការបោះឆ្នោតទាំង ១៨ ទទួលបានលេខរៀងលើសន្លឹកឆ្នោតហើយ

បានផុស

នៅ

គណៈកម្មាធិការជាតិរៀបចំការបោះឆ្នោត (គ.ជ.ប) នៅព្រឹកថ្ងៃទី ២៩ ខែឧសភា ឆ្នាំ ២០២៣នេះ បានរៀបចំពិធីចាប់ឆ្នោត ដើម្បីកំណត់លំដាប់លេខរៀងឈ្មោះគណបក្សនយោបាយឈរឈ្មោះបោះឆ្នោតនៅលើសន្លឹកឆ្នោត សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី ៧ ឆ្នាំ ២០២៣ នៅទីស្ដីការ គ.ជ.ប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីនេះ ធ្វើឡើងក្រោមព្រះរាជាអធិបតីភាពសម្ដេចព្រះសង្ឃរាជទាំងពីរគណៈ និងក្រោមអធិបតីភាពលោក ប្រាជ្ញ ចន្ទ ប្រធាន គ.ជ.ប ព្រមទាំងមានការចូលរួមពីក្រសួង-ស្ថាប័នពាក់ព័ន្ធ តំណាងគណបក្សនយោ​បាយ តំណាងអង្គការ-សមាគម ព្រមទាំងអ្នកសារព័ត៌មានជាច្រើនរូបទៀត។

បន្ទាប់ពីការចាប់ឆ្នោត ដោយសម្ដេចព្រះសង្ឃរាជទាំងពីរគណៈ ជាលទ្ធផលបង្ហាញថា គណបក្សសំបុកឃ្មុំសង្គមប្រជាធិបតេយ្យ នៅលេខរៀងទី ១, គណបក្សខ្មែរតែមួយ នៅលេខរៀងទី ២, គណបក្សសញ្ជាតិកម្ពុជា នៅលេខរៀងទី ៣, គណបក្សខ្មែររួបរួមជាតិ នៅលេខរៀងទី ៤ , គណបក្សកម្លាំងប្រជាធិបតេយ្យ នៅលេខរៀងទី ៥, គណបក្សកសិករ នៅលេខរៀងទី ៦, គណបក្សស្ត្រីដើម្បីស្រ្ដី នៅលេខរៀងទី ៧, គណបក្សខ្មែរឈប់ក្រ នៅលេខរៀងទី ៨, គណបក្សហ៊្វុនស៊ិនប៉ិច នៅលេខរៀងទី ៩, គណបក្សធម្មាធិបតេយ្យ នៅលេខរៀងទី ១០, គណបក្សប្រជាធិបតេយ្យមូលដ្ឋាន នៅលេខរៀងទី ១១, គណបក្សបំណងពលរដ្ឋ នៅលេខរៀងទី ១២, គណបក្សខ្មែរអភិវឌ្ឍន៍សេដ្ឋកិច្ច នៅលេខរៀងទី ១៣, គណបក្សឯកភាពជាតិខ្មែរ នៅលេខរៀងទី ១៤, គណបក្សខ្មែរអភិរក្ស នៅលេខរៀងទី ១៥, គណបក្សយុវជនកម្ពុជា នៅលេខរៀងទី ១៦, គណបក្សជនជាតិដើមប្រជាធិបតេយ្យកម្ពុជា នៅលេខរៀងទី ១៧ និងគណបក្សប្រជាជនកម្ពុជា នៅលេខរៀងទី ១៨។

លោក ប្រាជ្ញ ចន្ទ ប្រធាន គ.ជ.ប មានប្រសាសន៍ថា ​នាពេលខាងមុខនេះ គណៈកម្មាធិការជាតិរៀបចំការបោះឆ្នោត (គ.ជ.ប) ត្រូវផលិតសន្លឹកឆ្នោតតាមមណ្ឌលនីមួយៗ សម្រាប់ប្រើប្រាស់ក្នុងការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ដែលនៅក្នុងសន្លឹកឆ្នោតទាំងនោះ ត្រូវការជាចាំបាច់នូវលំដាប់លេខរៀង ឈ្មោះគណបក្សនយោបាយឈរឈ្មោះបោះឆ្នោត ដែលនឹងត្រូវកំណត់ជាលេខរៀងរបស់គណបក្សនយោបាយនីមួយៗ នៅលើសន្លឹកឆ្នោត សម្រាប់មណ្ឌលទាំង ២៥ ទូទាំងប្រទេស។

ប្រធាន គ.ជ.ប មានប្រសាសន៍បន្តថា «ដោយផ្អែកតាមបទពិសោធន៍ល្អ ក្នុងការបោះឆ្នោតជ្រើសតាំងតំណាងរាស្រ្ដ ក៏ដូចជាការបោះឆ្នោតជ្រើសតាំង សមាជិកព្រឹទ្ធសភា និងដើម្បីធានាបាននូវភាពយុត្តិធម៌ និងតម្លាភាព ក្នុងការកំណត់លំដាប់លេខរៀងឈ្មោះ គណបក្សនយោបាយឈរឈ្មោះបោះឆ្នោតនេះ គណៈកម្មាធិការជាតិរៀបចំការបោះឆ្នោត បានរៀបចំពិធីនេះឡើង ដោយបានយាងសម្ដេចព្រះសង្ឃរាជទាំងពីរគណៈ ធ្វើជាព្រះរាជាធិបតី និងប្រោសព្រះរាជទាន ការចាប់ឆ្នោតកំណត់លំដាប់លេខរៀងគណបក្សនយោបាយលើសន្លឹកឆ្នោត សម្រាប់ការបោះឆ្នោតជ្រើសតាំង តំណាងរាស្រ្ដ នីតិកាលទី ៧»។

សូមជម្រាបថា ការបោះឆ្នោតជ្រើសតាំង តំណាងរាស្រ្ដ នីតិកាលទី ៧នេះ នឹងប្រព្រឹត្តទៅនៅថ្ងៃទី ២៣ ខែកក្កដា ឆ្នាំ ២០២៣ខាងមុខ។ ការបោះឆ្នោតនេះ នឹងមានគណបក្សនយោបាយចំនួន ១៨ ចូលរួមប្រកួតប្រជែងស្វែងរកសន្លឹកឆ្នោតពីប្រជាពលរដ្ឋម្ចាស់ឆ្នោត៕  

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

សន្តិសុខសង្គម១៧ ម៉ោង មុន

ជនល្មើស ស្រី ស៊ីណា ជាប់សំណុំរឿង២ អាចជាប់ពន្ធនាគារ ពី ២០ ទៅ ៣០ ឆ្នាំ

ព័ត៌មានអន្ដរជាតិ៣ ម៉ោង មុន

ការវាយប្រហារភេរវកម្មបណ្តាក់គ្នាដ៏រន្ធត់នៅរុស្ស៊ី ផ្តាច់ជីវិតមនុស្សរាប់សិបនាក់

សន្តិសុខសង្គម៣ ម៉ោង មុន

អ្នកឧកញ៉ា ជា រតនា គាំទ្រការរិះគន់លើបុគ្គលជាឧកញ៉ាប្រព្រឹត្តខុសច្បាប់តែស្នើកុំរិះគន់ទៅលើគោរមងារ

សេដ្ឋកិច្ច១៩ ម៉ោង មុន

មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ

Sokha Hotels

ព័ត៌មានពេញនិយម