អាជីព
របរឡើងត្នោត ទោះមានហានិភ័យ នៅតែមានពលរដ្ឋបន្តចាប់អាជីពនេះ រហូតដល់សព្វថ្ងៃ
លោក ឡី ឡា អាយុ ៣៧ ឆ្នាំ ប្រកបមុខរបរឡើងត្នោតគៀបយកទឹក ជាអ្នករស់នៅក្នុងភូមិសំរោងកណ្តាល សង្កាត់សំរោង ខណ្ឌព្រែកព្នៅ រាជធានីភ្នំពេញ បានប្រាប់ថា មុខរបរឡើងត្នោតពិតជាមានហានិភ័យខ្ពស់ណាស់ដោយត្រូវមានការប្រុងប្រយ័ត្នជាប្រចាំក្នុងពេលឡើងចិតផ្កាត្នោត និងដោះទឹកត្នោតទាំងពេលព្រឹកនឹងពេលល្ងាច។
លោកឱ្យដឹងថា ប្រសិនបើឡើងដើមត្នោត៣០ដើម ដូច្នេះ១ ថ្ងៃត្រូវឡើង៦០ដង ហើយមិនអាចខានឡើងមួយពេលណាឡើយ បើហ៊ានចោលមួយពេលផ្កាត្នោតនឹងខូចឈប់ចេញទឹក ម្លោះហើយទោះរវល់ ឬឈឺជាយ៉ាងណាត្រូវតែឡើងចិតផ្កាជាប្រចាំ គឺជួបការលំបាកណាស់។
អ្នកភូមិរូបនេះបញ្ជាក់ថា បច្ចប្បន្នមុខរបរឡើងត្នោតគៀបយកទឹកធ្វើទឹកត្នោតជូរ មិនមានអ្នកធ្វើច្រើនទេនៅតាមជាយក្រុង។ ព្រោះជារបរមួយគ្រោះថ្នាក់ និងហត់ថែមទៀតផង តែដោយសារតែលោកចេះជំនាញនេះតាំងពីក្មេងមក ហើយបន្ទាប់ពីធ្វើស្រែរួចអត់ការងាធ្វើក៍ប្រកបរបរនេះតែម្តងទៅ ព្រោះមិនចង់ទៅចំណាកស្រុកទៅប្រទេសជិតខាង។
បុរសអ្នកឡើងត្នោតរូបនេះបន្តថា សព្វថ្ងៃត្នោតដែលលោកឡើងប្រមាណជាង៣០ដើមក្នុង១ដើមត្រូវជួលគេតម្លៃមួយម៉ឺនរៀលក្នុងមួយរដូវគឺចន្លោះចាប់ពីខែ១១ រហូតទៅដល់ខែ៤ ឬខែ៥គឺលោកងាកមកធ្វើស្រែវិញម្តង។
ចំណែកអ្នកស្រី ភើន ផូ អាយុ ៣៣ ឆ្នាំ ជាភរិយាអ្នកឡើងត្នោត ដែលជាអ្នកលក់ទឹកត្នោតជូរបានប្រាប់ឲ្យដឹងថា នៅក្នុងសង្កាត់សំរោងនេះមិនមានអ្នកលក់ទឹកត្នោតជូរច្រើនប៉ុន្មានទេ ហើយគេធ្វើតែខែអត់ភ្លៀងដែរ។
នៅថ្ងៃខ្លះទឹកត្នោតប្រមាណជិត ១០០លីត្រ លក់អស់គ្មានសល់ទេ តែថ្ងៃខ្លះក៍លក់មិនអស់ដែរ ថ្ងៃដែលលក់ដាច់អស់ៗគ្មានសល់គឺថ្ងៃអាទិត្យ និងថ្ងៃបុណ្យទានផ្សេងៗ។
មុខរបរឡើងត្នោត និងលក់ទឹកត្នោតជូរនេះ មិនមានប្រើដើមទុនច្រើនទេតែត្រូវប្រើកម្លាំង របរធ្វើនេះសាមញ្ញបំផុត តែបើយើងធ្វើក្នុង១ថ្ងៃបាន ៨០ ទៅ៩០លីត្រ ហើយលក់អស់វិញនោះ គឺយើងអាចទទួលបានប្រាក់ចំណេញ ដែលធ្វើឲ្យជីវភាពគ្រួសាររស់នៅបានសំរម្យផងដែរ។
គួរបញ្ជាក់ថា ដើមត្នោតជាកេរ្ដិ៍មរតកកូនខ្មែរ មានប្រយោជន៍ហូរហែរគ្មានចន្លោះ ផ្ដល់ផលប្រយោជន៍ឲ្យខ្មែរមិនដែលចេះអស់ តាំងឬសរហូតដល់ស្លឹក។ ម្ល៉ោះហើយកុំតោះតើយគួរជួយថែរក្សា វាជាសម្បត្តិមកពីដូនតា ជូនជាតិខែមរាទុកជាទ្រព្យយូអង្វែងទៅ៕
អត្ថបទ៖ ឧត្តរ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល