អាជីព
ជំនាញទន់៖ វិធីសាស្ត្រ ៤ យ៉ាងធន់បានយូរនឹងការងារ បង្កើនផលិតភាពច្រើនជាងគេដទៃ
យុទ្ធសាស្ត្របង្កើនផលិតភាពការងារ គឺជារឿងដ៏សំខាន់ដែលមនុស្សពេញវ័យតោងខំបង្វឹកខ្លួនឯង។ នេះជាជំនាញទន់មិនអាចខ្វះបានដែលបង្ហាញពីការចេះចាយពេលវេលាឲ្យមានប្រយោជន៍លើការងារប្រចាំថ្ងៃរបស់យើងមិនខាតពេលក្នុងការកសាងក្រេឌីតក្នុងសង្គមមុនវ័យចាស់ចូលមកដល់។
អ្នកខ្លះមានជំនាញរឹងច្បាស់លាស់ពូកែ តែខ្សោយជំនាញទន់ គឺខ្សោយស្មារតីដែលត្រូវខំឧស្សាហ៍ព្យាយាម ពួកគេមិនងាយជោគជ័យក្នុងមូលដ្ឋានវិជ្ជាជីវៈទេ។
ខាងក្រោមនេះគឺជាវិធីសាស្ត្រទាំង ៤ ដើម្បីបង្វឹកខ្លួនឯងធន់បានយូរនឹងការងារ បង្កើនផលិតភាពច្រើននិងរហ័សជាងគេដទៃ៖
១. ម្ចាស់លើ ការធ្វើដំណើរនិងទាន់ពេលវេលា
ភាគច្រើននៃគ្នាយើងដែលធ្វើដំណើររាល់ថ្ងៃទៅធ្វើការ នៅតាមផ្លូវស្ទះចរាចរណ៍ឬមានឧប្បត្តិហេតុដែលមិនអាចដឹងមុន។ ហើយបើជាមធ្យមការធ្វើដំណើរចាយពេលអស់ជិត ៣០ នាទី នោះនឹងបន្ថែមម៉ោងក្នុងមួយថ្ងៃ ៥ ម៉ោង ក្នុងមួយសប្ដាហ៍ ដែលយើងមិនសម្រេចអ្វីបានទាំងអស់។
ជម្រើសល្អបំផុតគឺត្រូវបញ្ឈប់ការធ្វើដំណើរដែលយឺតយ៉ាវទាំងអស់គ្នា ។ អ្នកធ្វើការតាមអនឡាញអាចធ្វើការពីផ្ទះ យ៉ាងហោចណាស់មួយឬពីរថ្ងៃក្នុងមួយសប្ដាហ៍ក៏បាន។
មិនត្រឹមតែជួយសន្សំសំចៃពេលវេលាសម្រាប់សកម្មភាពដែលមានតម្លៃប៉ុណ្ណោះទេ ថែមទាំងមានសុវត្ថិភាពក្នុងមធ្យោបាយច្រើនជាងមួយ។ ជាពិសេសគឺកាត់បន្ថយឱកាសក្នុងការប្រឈមនឹងមេរោគ ដែលបង្កឡើងដោយវីរុស។
២. រៀនអំពីឧបករណ៍ស្វ័យប្រវត្តិ
ក្នុងសម័យបច្ចេកវិទ្យានេះ គ្រប់យ៉ាងទំនើបៗ មនុស្សអាចធ្វើការឆ្លងឆ្លើយគ្នាតាមរយៈប្រព័ន្ធអ៊ីនធឺណិតដោយមិនចាំបាច់ទៅផ្ទាល់។ យើងក៏អាចធ្វើបានដូច្នោះដែរ ត្រូវចេះស្វ័យប្រវត្តិនៅជំនាញក្នុងការសរសេរកម្មវិធីងាយៗ ដើម្បីធ្វើឲ្យជីវិតការងាររបស់យើងមានដំណើរការជាងមុន។ អ៊ីមែលគឺជាកន្លែងមួយដែលយើងអាចធ្វើការងាររហ័សជាងមុន និងមិនខាតពេល។
៣. ចេះផ្ទេរការងារ
ភាគច្រើនយើងតស៊ូដើម្បីសម្រេចគោលដៅប្រចាំថ្ងៃ ពីព្រោះមានភារកិច្ចច្រើនដែលត្រូវធ្វើ។ កុំទទួលបន្ទុកការងារតែឯងដោយមិនសុំជំនួសពីអ្នកក្បែរខ្លួន។ ទោះបីមិនត្រូវជំនាញ តែយើងអាចបង្រៀនពួកគេបាន។
បើអាចគួរផ្ទេរការងារទៅឲ្យនរណាម្នាក់ ដែលមានសមត្ថភាពគ្រប់គ្រងការងារទាំងនោះ ជាពិសេសនៅពេលដែលយើងមានអ្វីៗជាច្រើនដែលត្រូវធ្វើជាងនេះ។
៤. បណ្ដុះបណ្ដាលការផ្ដោតអារម្មណ៍
រាល់ម៉ោងដែលយើងបានចំណាយពេលធ្វើការ អាចផ្ដល់តម្លៃកាន់តែច្រើន ប្រសិនបើយើងរៀនផ្ដោតអារម្មណ៍បានល្អជាងនេះ។ ចាប់ផ្ដើមដោយបំបាត់ការរំខានផ្សេងៗ ដោយការបិទការជូនដំណឹង ហើយដកអ៊ីនធឺណិតចោល។ សូម្បីតែការរំខានតែមួយ ក៏អាចរំខានដល់ការផ្ដោតអារម្មណ៍របស់យើងរយៈពេល ៣០ នាទីឬលើសនេះ។
ដូច្នេះជាការសំខាន់ក្នុងការកម្ចាត់សំឡេងរំខានទាំងនេះចេញ មុនពេលចាប់ផ្ដើមធ្វើផលិតភាពផ្ទាល់ខ្លួន។
មនុស្សភាគច្រើនអាចបង្កើនផលិតភាពប្រចាំថ្ងៃរបស់ពួកគេបានយ៉ាងងាយស្រួល ជាមួយនឹងទម្លាប់ និងការផ្លាស់ប្ដូរអាកប្បកិរិយាមិនល្អចេញពីខ្លួន៕
ប្រែសម្រួល៖ សាង ស្រីល័ក្ខ
ប្រភព៖forbes
ចុចអាន៖ហេតុអ្វីមានបុគ្គលិកពូកែច្រើនតែការងារគ្មានប្រសិទ្ធភាព?
ចុចអាន៖ត្រូវប្រុងប្រយ័ត្ន! បីយ៉ាងបណ្តាលឱ្យធ្លាក់សម្ភាសន៍ការងារភ្លាមៗ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង