Connect with us

អាជីព

៩ ជំនាញនេះ ស្ថាប័នណាក៏ចង់បាន ខណៈយើងបានរៀននៅមហាវិទ្យាល័យរួចហើយ

បានផុស

នៅ

ខាងក្រោមនេះ ជាជំនាញទាំង ៩ ដែលនិស្សិតគ្រប់គ្នាបានរៀនរួចរាល់ និងអាចយកវាទៅប្រើប្រាស់នៅខាងក្រៅ។ ជាពិសេស និយោជកណាក៏ចង់បានដែរ ប្រសិនបើអ្នកមានវា។

១ ការគ្រប់គ្រងពេលវេលា កាលវិភាគមហាវិទ្យាល័យ​ អាចថារញ៉េរញ៉ៃ មានទាំងការរៀនពេលព្រឹក និងល្ងាច អាស្រ័យ​តាមថ្នាក់រៀន​នីមួយៗ។ ដូច្នេះ​សិស្សម្នាក់ៗ​ ចៀសមិនផុតនឹងការរៀនបំប៉នក្រៅ​ម៉ោង​​នោះ​ទេ។ ប្រសិនបើកាល​នៅ​រៀនអ្នកជាមនុស្សខ្លាំង ​ខាងគ្រប់គ្រង់ពេលវេលា នោះ​អ្នកនឹងឈ្នះ។ ការគ្រប់គ្រង​ពេល​វេលា ​ពាក់ព័ន្ធ​នឹង​ការ​កំណត់​ពេលវេលា​ផ្ទាល់ខ្លួន​ សម្រាប់​គោលដៅ និង​គម្រោង​រយៈ​ពេល​ខ្លី និង​វែង ការ​រៀបចំ​ផែនការ​ជាមុន កំណត់​អាទិភាព​ការងារ ការប្រើប្រាស់​ប្រតិទិន​ប្រកប​ដោយ​ប្រសិទ្ធភាព និង​ចៀសវាង​ការ​ពន្យារពេល​ណាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ការរៀបចំឯកសារផ្សេងៗ មនុស្ស​ដែល​ពូកែ​ក្នុង​ស្ថាប័ន ជួនកាល​មិន​ដឹង​ថា ​វាគឺ​ជា​ជំនាញ​មួយគាប់ប្រសើរ ​រហូត​ដល់​ពួកគេ​ជួបផ្ទាល់។ មានជំនាញរៀបចំជាច្រើនប្រភេទ ប៉ុន្តែយើងនឹងផ្តោតលើអង្គការឌីជីថល ដែល​និយាយអំពីការបង្កើតដំណើរការ និងប្រព័ន្ធសម្រាប់រក្សាទុកឯកសារកុំព្យូទ័រ និងការងារ​អនឡាញ ​ដែល​ងាយស្រួល​ស្វែងរក និងអាចចូល​ប្រើប្រាស់​បាន។ ក្នុងនាម​ជា​និស្សិត​មហាវិទ្យាល័យ អ្នក​បាន​អភិវឌ្ឍ​ជំនាញ​អង្គភាព​ឌីជីថល​ នៅ​ពេល​អ្នក​វាយ​ឯកសារ គម្រោង​ក្រុម និង​សំណុំ​បញ្ហា​ជា​ច្រើន ​ដែល​អ្នក​ទំនង​ជា​បាន​ធ្វើ​នៅ​លើ​កុំព្យូទ័ររួចហើយ។​

៣ ការបង្ហាញ និងការនិយាយជាសាធារណៈ នៅ​មហាវិទ្យាល័យ ​ចៀស​មិន​ផុត​នឹង​ការ​និយាយ​សាធារណៈ​ឡើយ។ ដែលទាំងនេះ នឹងទទួលបាននូវ​បទពិសោធន៍​ខ្លះៗ​ និងស្វែងរក​ចំណុច​សំខាន់ៗ ដែលត្រូវនិយាយ ស្វែងរកវិធី​ល្អ​បំផុត​ដើម្បី​បញ្ចេញ​គំនិត​ឲ្យ​ខ្លាំង នៅ​ចំពោះ​មុខ​មនុស្ស​មួយ​ក្រុម។ ការ​និយាយ​ក្នុង​ថ្នាក់​ ក៏​មិន​ខុស​ពី​ការ​និយាយ​ក្នុង​អង្គប្រជុំ​ដែរ។ ជំនាញ​ទំនាក់ទំនង ​ពាក្យ​សំដី​រឹងមាំ តែងតែ​ត្រូវ​បាន​និយោជក​ស្វែងរក​យ៉ាងខ្លាំង។

ការសរសេរ ជាការពិត ថ្នាក់​ជា​ច្រើន នឹងតម្រូវ​ឲ្យសិស្ស​សរសេរ​អត្ថបទ ហើយ​សាលា​មួយ​ចំនួនក៏​មាន​តម្រូវការ​សរសេរ​ឆ្នាំ​ចាស់​ ដូចជា​គម្រោង​និក្ខេបបទ ឬ​គម្រោង capstone ជាដើម។ កាតព្វកិច្ច​ទាំង​នេះ លើស​ពី​ការ​ផ្ញើ​អ៊ីមែល​ជា​ប្រចាំ ​ និង​ក្រុម​ក្រៅ​កម្មវិធីសិក្សា មាន​ន័យ​ថា​ អ្នក​មាន​បទពិសោធន៍​សរសេរ​ច្រើន​គួរសម ។ ការសរសេរបានល្អមានន័យថា អ្នកអាចប្រាស្រ័យទាក់ទងគ្នា​បានយ៉ាងច្បាស់ ​តាមរយៈ​ពាក្យ​សំណេរ ដែល​ជា​ជំនាញដ៏មាន​សារៈប្រយោជន៍ ​ក្នុងការមាន មិនថាអ្នក​កំពុងធ្វើការងារអ្វីនោះ​ទេ។ គ្មាននរណាម្នាក់ ចង់អានសំណេរដូច​ប្រលោមលោក​ឡើយ បើអ្នកសរសេរខ្លីខ្លឹម នោះមិត្តរួមការងារនឹង​ពេញចិត្ត។

៥ ការងារជាក្រុម មិនថានៅសាលា ឬក្រុមហ៊ុន គ្រប់គ្នាត្រូវមានការងារជាក្រុម ដើម្បីបង្ហាញពីការសាមគ្គីគ្នាក្នុងកន្លែងតែមួយ។ បើអ្នកមានការសហការគ្នា​តាំងពីនៅរៀន សូម្បីចេញទៅ​ធ្វើការកន្លែងណា ក៏គេចង់បានមកជាមិត្តក្នុងក្រុមរបស់គេដែរ។ ការងារក្រុម គឺជាប្រភេទក្រុម​ដែល​សហការគ្នា​ ដើម្បី​សម្រេច​បាននូវអ្វីដែលប្រសើរជាងមុន និងលឿនជាងមុន។វា​ទាមទារ​ជំនាញ​ទំនាក់ទំនង​ខ្លាំង និងសមត្ថភាពក្នុងការទទួលយកមតិ​កែលម្អ។ អ្នកត្រូវតែ​អាចដោះស្រាយជម្លោះ ដោយមិត្តភាព និងផ្តោតលើកិច្ចការដែលត្រូវការ។

៦ ការគ្រប់គ្រងគម្រោង ប្រសិនបើនៅរៀន មានការគ្រប់គ្រង់​ច្បាស់លាស់​ មិន​ស្រពិចស្រពិល ​អ្នក​បាន​ជោគជ័យ​លើអាជីពនេះ​មួយកម្រិតទៀតហើយ។ ដូចគ្នានឹងការងារជាក្រុមដែរ និយោជកចង់បានជំនាញនេះពីបុគ្គលិករបស់ពួកគេ ពីព្រោះការដឹងពីរបៀបធ្វើការងារ បំពេញតាមកាលកំណត់ និងផ្តល់ការងារត្រឹមត្រូវដល់មនុស្សត្រឹមត្រូវ នឹងជួយមិត្តរួមការងារទាំងអស់ ឲ្យ​ធ្វើកិច្ចការកាន់តែមានប្រសិទ្ធភាព។

៧ ការស្រាវជ្រាវ និងការ​ត្រិះរិះពិចារណា ការ​ស្រាវជ្រាវ​និង​ការ​ត្រិះរិះ​ពិចារណា​ ដើរ​ទន្ទឹម​គ្នា​។ ជំនាញទាំងនេះ រួមគ្នាអនុញ្ញាត​ឲ្យ​អ្នកប្រមូល​ទិន្នន័យ វាយតម្លៃ​ប្រភពព័ត៌មាន វិភាគ​ការ​ពិត និង​បង្កើត​ការ​វិនិច្ឆ័យ។ និយោជិក​ដែល​មាន​ជំនាញ​ស្រាវជ្រាវ និងការគិតប្រកបដោយការរិះគន់​ អាចទុកចិត្ត​បាន ​ក្នុង​ការ​ធ្វើការសម្រេចចិត្ត​លើ​ភស្តុតាង និង​ទិន្នន័យ។ អ្នកគ្រប់គ្រង​ការ​ជួលដឹង​ថា ​បេក្ខជន​ដែល​មាន​ជំនាញ​ទាំងនេះ ​ប្រហែល​ជា​ត្រូវការ​ការត្រួតពិនិត្យតិចតួច ក្នុងរយៈពេលវែង ដែល​ធ្វើ​ឲ្យ​ពួកគេទទួល​បានការងារគួរ​ឲ្យ​ទាក់ទាញ។

៨ អក្ខរកម្មបច្ចេកទេស នៅចំណុចណាមួយ ក្នុងអំឡុងពេលសិក្សាថ្នាក់បរិញ្ញាបត្រ អ្នកនឹងជួបប្រទះ បច្ចេកវិទ្យាថ្មីមួយចំនួន ដែលត្រូវគិតពីរបៀបប្រើប្រាស់ឲ្យបានរហ័ស។ ម្យ៉ាងវិញទៀត អ្នកមានចំណេះដឹងផ្នែកបច្ចេកទេស ឬសមត្ថភាពក្នុងការរៀនជំនាញកុំព្យូទ័រ និងកម្មវិធីថ្មីៗ បានយ៉ាងងាយស្រួល។ គ្រប់វិស័យ ក្រុមហ៊ុន និងតួនាទីនីមួយៗមាន idiosyncrasies របស់វា រួមទាំងកម្មវិធី ឬវេទិកាជាក់លាក់ដែលអ្នកនឹងត្រូវធ្វើការងាររបស់អ្នក ប៉ុន្តែមិនបានជួបប្រទះពីមុនមក។ ការចេះអក្សរតាមបច្ចេកទេស នឹងមានន័យថា អ្នកនឹងឆ្លងកាត់ការបណ្តុះបណ្តាល ហើយចាប់ផ្តើមចូលរួមចំណែកក្នុងក្រុមឆាប់ៗ ដែលជាអ្វីដែលអ្នកគ្រប់គ្រងជួលចង់បាន។

នៅក្នុងការសម្ភាសន៍ ជាធម្មតាអ្នកនឹងទទួលបាននូវសំណួរមួយចំនួន ដែលចាប់ផ្តើមដោយ “ប្រាប់ខ្ញុំអំពីពេលវេលាមួយ , រកមើលឱកាសដើម្បីបញ្ចូលពេលវេលា ដែលអ្នកបានរៀនយ៉ាងឆាប់រហ័ស នូវបច្ចេកវិទ្យាថ្មីគ្រប់គ្រាន់ ដើម្បីប្រើវា សម្រាប់កិច្ចការរបស់អ្នក។ ហើយជាការពិតណាស់ កុំភ្លេចបញ្ចូលជំនាញទាំងនេះ នៅក្នុងផ្នែកជំនាញ នៃប្រវត្តិរូបសង្ខេប។

៩ ក្រមសីលធម៌ការងារ ក្រមសីលធម៌ការងារ គឺជាជំនាញ​មួយ​ប្រភេទ នៃជំនាញទន់ ការមានក្រមសីលធម៌ការងាររឹងមាំ មានន័យថាអ្នកមានកម្លាំងចិត្ត គំនិតផ្តួចផ្តើម និងការលះបង់។ ដូច្នេះវាមិនមែនជារឿងចម្លែកទេ ដែលនិយោជកចង់ឃើញ បុគ្គលិកមាន។

ដូចជំនាញទន់ភាគច្រើនដែរ ក្រមសីលធម៌ការងារ ច្រើនតែបង្កប់ន័យល្អបំផុត ជាជាងដាក់ឈ្មោះក្នុងប្រវត្តិរូបសង្ខេប ឬលិខិតគម្របរបស់អ្នក។ ប្រធានបទអាចកើតឡើងនៅក្នុងការសម្ភាសន៍ ដូច្នេះអ្នកគួរតែរក្សាគំរូនៃក្រមសីលធម៌ការងាររបស់អ្នកនៅក្នុងចិត្ត។

មិនថាអ្នកទៅសាលាណា ឬរៀនថ្នាក់ណាក៏ដោយ ការពិតដែលអ្នកបានបញ្ចប់ការសិក្សានៅសកលវិទ្យាល័យមានន័យថា អ្នកមានជំនាញជាក់លាក់ ដែលនឹងធ្វើ​ឲ្យ​ខ្លួនឯងក្លាយជាបុគ្គលិក​ដ៏​អស្ចារ្យ។ ដូច្នេះកុំភ័យស្លន់ស្លោ — ជាមួយនឹងការរៀបចំឲ្យបានត្រឹមត្រូវ អ្នកអាចបង្ហាញនិយោជកថា អ្នកមានអ្វីគ្រប់យ៉ាងដែលពួកគេកំពុងស្វែងរក នៅក្នុងការជួលកម្រិតដំបូង៕

ប្រែសម្រួល៖ សាង ស្រីល័ក្ខ

ចុចអាន៖រឿងទាំង ១២ យើងអាចធ្វើបាន សម្រាប់អាជីព មុនចូលឆ្នាំ ២០២២

ចុចអាន៖ជំនាញទីផ្សារ ៨ នេះ មានឱកាសបានប្រាក់ខែខ្ពស់ ក្នុងពេលបច្ចុប្បន្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ១០ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ១០ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ១៣ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១៤ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម