អាជីព

គន្លឹះធំៗដែលនាយកប្រតិបត្តិស្ត្រីច្រើនជោគជ័យក្នុងសមរភូមិសហគ្រិនភាព

បានផុស

៣ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

មនុស្សស្រីរមែងម៉ត់ចត់ មានសិលធម៌ខ្ជាប់ជាង និងទន់ភ្លន់ជាងបុរសស្ទើរលើគ្រប់កិច្ចការដែលពិសេសក្នុងផ្នែកសហគ្រិន ទំាងនេះជាអាវុធដ៏មានឥទ្ធិពល។

ស្ត្រីជាច្រើន មានប៉ុន្មានចំណុចខាងក្រោម ដែលនាំឱ្យនាងតែងអាចយកឈ្នះភេទផ្ទុយបាន ក្នុងសមរភូមិសហគ្រិនភាព។

១. ដឹងគុណនិងចងចាំ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាល់ជំនួយបន្តិចបន្តួចជាពិសេសនៅដើមដំបូងគឺមានតម្លៃណាស់ រាប់បញ្ចូលទាំងពាក្យរិះគន់ក្នុងន័យស្ថាបនា និងការផ្ដល់យោបល់មិនមែនស្ថាបនា រួមទាំងអ្នករត់តុនៅហាងកាហ្វេដែលអនុញ្ញាតឱ្យអ្នកអង្គុយរយៈពេល ៨ ម៉ោងជាប់។

ការចាប់ផ្ដើមដំបូងគឺជាការពិបាកបំផុត ហើយការបាត់បង់ជំនឿគឺស្ទើរតែជៀសមិនរួច។ ការចងចាំនូវគ្រាទាំងនេះ នឹងជួយអ្នកឆ្លងផុតស្ថានភាពលំបាក និងសង្ស័យខ្លួនឯង។

២. មិនខ្វល់គេចូលចិត្ត តែខិតខំឲ្យគេគោរព

ត្រូវខិតខំធ្វើយ៉ាងណាដើម្បីឲ្យប្រាកដថា ជំនាញសមត្ថភាពនិងក្រមសីលធម៌ការងាររបស់អ្នក នឹងទទួលបានការគោរពពីមនុស្ស ជាងព្យាយាម ឲ្យគេចូលចិត្ត។

ផ្ដល់អាទិភាពនិងវិនិយោគលើខ្លួនឯង ជំនួសឲ្យការចំណាយលុយលើម៉ូដសោភ័ណភាពនិងរបៀបរស់នៅ។ បែងចែកប្រាក់ឧបត្ថម្ភដើម្បីវិនិយោគយ៉ាងសកម្ម ក្នុងឱកាសរៀនបណ្ដាញ និងឱកាសអភិវឌ្ឍន៍។

៣. ជឿទុកចិត្តលើញាណពិសេស

ការសម្រេចចិត្តធ្វើអាជីវកម្មដោយផ្អែកលើសភាវគតិ អាចពិបាកក្នុងការបង្ហាញអំពីនរណាម្នាក់ ជាពិសេសអ្នកប្រតិបត្តិអាជីវកម្ម។ ប៉ុន្តែអ្វីដែលអាចនិយាយបាន គឺការថ្លឹងថ្លែងការពិត និងធ្វើតាមវិចារណញ្ញាណរបស់អ្នក កុំព្រងើយកន្តើយនឹងវា។សភាវគតិរបស់អ្នក នឹងចង្អុលបង្ហាញអ្នក ក្នុងទិសដៅត្រឹមត្រូវ។

៤.សិក្សានិងមានវិន័យខ្ពស់

ជីវិតគឺជាការរៀនរហូតដល់ដង្ហើមចុងក្រោយ ទោះបីអ្នករៀនចប់ ឬមានតួនាទីមុខតំណែងខ្ពស់នៅក្នុងក្រុមហ៊ុនក៏ដោយ។
ចំណេះដឹងក្រៅសាលាមិនអាចវាស់វែងបានទេ សូមកុំបញ្ឈប់ខ្លួនឯង ដោយគ្រាន់តែបានការងារហើយលែងចង់ចាប់យកការរៀនសូត្រដទៃទៀត។ ត្រូវប្ដេជ្ញាចិត្តថា នឹងរៀនពេញមួយជីវិត ។

៥. ចេះទទួលស្គាល់អ្នកដទៃ

ស្វែងរកសហស្ថាបនិកដែលមានភាពងប់ងុលដូចអ្នក និងធ្វើឱ្យអ្នកទទួលបានតម្លៃមិនអាចកាត់ថ្លៃបាន។ អ្នកអាចចែករំលែកបន្ទុកការងារខ្ពស់និងទាប ហើយរើសយកគ្នានៅថ្ងៃដ៏លំបាក រួមទាំងការមានគ្នាទៅវិញទៅមក ដោយឱ្យយើងដើរទៅមុខបានលឿនជាងមុន៕

ប្រែសម្រួល៖ សាង ស្រីល័ក្ខ

ចុចអាន៖យុវវ័យចង់ប្រលូករកលុយ គួរអានអត្ថបទនេះ!

ចុចអាន៖មិនទៅការិយាល័យ ធ្វើការងារពីផ្ទះយ៉ាងណាឱ្យមានប្រសិទ្ធិភាព?

Related Topics:សហគ្រិន