អាជីព
មិនទៅការិយាល័យ ធ្វើការងារពីផ្ទះយ៉ាងណាឱ្យមានប្រសិទ្ធិភាព?
វីរុសកូរ៉ូណា កំពុងដាក់កម្រិតលើទំនាក់ទំនងសង្គម ជាពិសេសនៅបណ្តាកន្លែងណា ដែលមានមនុស្សចាប់ពី២នាក់ឡើង ព្រោះយើងមិនដឹងឡើយថា មុនពេលមកដល់គេឆ្លងកាត់អ្វីខ្លះនិង អ្នកណាខ្លះដែលគេបានប៉ះពាល់។
សម្រាប់មនុស្សមួយចំនួន ការបង្កើត Office ធ្វើការពីផ្ទះមិនមានអ្វីថ្មីទេ ព្រោះពួកគេចាប់ផ្តើមធ្វើរបៀបនេះជាយូរមកហើយ ពិសេសនៅប្រទេសរីកចម្រើន។
ឥឡូវនេះ ជាមួយនឹងភាពមិនទៀងទាត់នៃស្ថានភាព Covid19 គ្មានអ្នកណាម្នាក់ក្នុងពេលបច្ចុប្បន្នអាចទាយទុកជាមុនបានថា ការថប់បារម្ភនេះ នឹងត្រូវអូសបន្លាយូរប៉ុណ្ណាទៀតនោះឡើយ។
នោះមានន័យថា យើងត្រូវតែត្រៀម និងបំពាក់បរិដ្ឋានការងារដែលមានបរិយាកាសល្អ ពីផ្ទះរយៈពេលវែង និងកំណត់វិន័យផ្ទាល់ខ្លួនចាប់ពីពេលនេះតទៅ។
ប្រសិនបើអ្នកអាន មិនដែលមានបទពិសោធន៍ធ្វើការពីផ្ទះទេ អាចអានគំនិតចែករំលែក របស់ក្រុមអ្នកធ្វើការឯករាជ្យដែលបានធ្វើការពីផ្ទះអស់រយៈពេលជាយូរមកហើយ។ ពួកគេ ខ្លះមានបទពិសោធន៍ពីប្រាំទៅ ១៥ ឆ្នាំ ដូច្នេះពួកគេដឹងថា អ្វីទៅជាប្រព័ន្ធការងារដែលប្រសើរបំផុត។ នេះគឺជាគន្លឹះខ្លះៗពីមនុស្សដែលធ្វើការនៅផ្ទះជាប្រចាំ៖
ទីមួយ កំហិតម៉ោងពេលទៀងទាត់
ឈប់គិតថា ការងារនៅផ្ទះគ្មានម៉ោងពេល ធ្វើពេលណាក៏បាន ពុំនោះទេ អ្នកនឹងគ្មានអំណះអំណាង ការពារប្រាក់ខែរបស់អ្នកទេ។
ទីពីរ គោរពតួនាទីដោយមិនចាំបាច់មានអ្នកតាមពិនិត្យ
យើងមិនចាំបាច់ពាក់អាវធំ តែក៏មិនមែនក្រោកមកសើងមើងឆ្លើយតបម៉ែលពីគ្រែដេក ឬពីតុបាយដែរ។ ផ្លាស់ប្តូររៀបចំឱ្យមានហោចណាស់ក៏ជាតុធ្វើការសមរម្យមួយ ប្រសិនបើអ្នកមិនមានលទ្ធភាព មានបន្ទប់ធ្វើការដាច់ដោយឡែកបាន សម្រាប់ប្រមូលអារម្មណ៍នោះទេ។
ទីបី សកម្មជានិច្ចមិនថាកំពុងនៅទីណា
កុំមើលទូរទស្សន៍ពេលកំពុងធ្វើការ ឬសូម្បីតែពេលហូបអាហារសម្រន់។ ចូរយកវាចេញពីតុ ហើយហូបរួចសឹមវិលមកវិញ បន្តការងារ។ កុំលេងបណ្តាញសង្គមរហូតដល់អ្នកអាចបញ្ចប់ហោចណាស់៧ម៉ោងកន្លះនៃការងារ។ ប្រសិនអ្នកចង់កេងចំណេញ ចូរសួរខ្លួនឯងថា ហេតុអ្វីបានជាគេព្រមឱ្យឈ្នួលយើង ទំាងដែលយើងមិនទៅធ្វើការ។
ទីបួន ចៀសវាងអារម្មណ៍ឯកោ
តុធ្វើការរបស់អ្នកគួរតែនៅទីតំាងដែលអាចមើលឃើញទៅខាងក្រៅ មានផ្កាកំដរ មានកាហ្វេទឹកក្តៅឧណ្ឌៗ ឬទទួលបានខ្យល់អាកាសបរិសុទ្ធកាន់តែប្រសើរ។ វាចាំបាច់ណាស់ក្នុងការក្រោកឈរហើយដើរចុះឡើងជុំវិញតុ ឬសមាធិរៀងរាល់មួយម៉ោងម្តងហោចណាស់បាន១០នាទី។
ទី៥ កំណត់លទ្ធផល
មានសៀវភៅបញ្ជីការងារត្រូវធ្វើប្រចាំសប្តាហ៍ ហើយបញ្ចប់ច្បាស់លាស់ក្នុងកាលកំណត់។ ប្រសិនអ្នកធ្វើបាន មិនបាច់ភ័យរឿងសេរីភាពទៀតឡើយចាប់ពីពេលនេះទៅ។ អ្នកនិងក្រុមការងារគួរតែកំណត់ពេលប្រជុំតាម Internet ទៀងទាត់ ដើម្បីតាមដានលទ្ធផលការងារនិងផែនការថ្មី៕
ប្រែសម្រួល៖ ចម្រើនតារា
ប្រភព៖ MetroUK
ចុចអាន៖ មន្ទីរពេទ្យគន្ធបុប្ផា សាកល្បងដំណើរការពិនិត្យព្យាបាលអ្នកជំងឺនិងស្ត្រីមានផ្ទៃពោះ តាមប្រព័ន្ធឌីជីថល
ចុចអាន៖ ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២៤ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង