អាជីព

ចៅហ្វាយនាយប្រភេទ Narcissistic ដែលធ្វើឲ្យអាជីពអ្នកអាចដើរថយក្រោយ

បានផុស

៥ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

ថៅកែ narcissistic សំដៅលើមេដឹកនាំប្រភេទ «អញនិយម»ដែលយកតែគំនិតខ្លួនឯងនិងចោមព័ទ្ធទៅដោយមនុស្សប្រភេទ OK លើគ្រប់សំណួរ គ្រប់យោបល់ គ្រប់ទ្រឹស្តីដែលមេដឹកនាំនោះបញ្ចេញមក។

ជាញឹកញាប់ចៅហ្វាយប្រភេទនេះ ចូលចិត្តដាក់ខ្លួនឯងនៅលើជើងទម្រ ឆ្ងាយពីអ្នកក្រោមបង្គាប់ (មិនបាយជាមួយ មិនដើរជាមួយ មិននិយាយជាមួយយូរ មិនសួរនាំឈឺច្អាល) ឬដើរតែជាក្រុមណាដែលគ្នាគាត់ ដែលអូខេគ្រប់ទស្សនៈគាត់។

តាមពិតគឺគាត់មិនមានលក្ខណៈសម្បត្តិជាមេដឹកនាំ គាត់ចូលចិត្តឲ្យគេខ្លាចជាជាងឲ្យគេគោរព។

ចៅហ្វាយថៅកែ Narcisistic មិនស្វាគមន៍ការឲ្យយោបល់ឬគំនិតណាផ្ទុយពីបំណងគាត់ទេ។

ជាធម្មតា ការគ្រប់គ្រងបែបនេះនាំមកនូវសង្វាក់ផលិតកម្មរលូនព្រោះគ្មានការតវ៉ាប៉ុន្តែមិនសូវរីកចម្រើនឡើយព្រោះគ្មានអ្នកណាមករវល់នឹងបញ្ចេញគំនិតថ្មីៗ ស្វែងរកការច្នៃប្រឌិត ឬការផ្លាស់ប្តូរបន្ថែមទៀត ទៅលើសង្វាក់ផលិតកម្មរបស់ក្រុមហ៊ុន។

ចូរកុំធ្វើខ្លួនអ្នកជាចៅហ្វាយប្រភេទនេះ ព្រោះគំរូនៃអាកប្បកិរិយាល្អ និងការរួមបញ្ចូលគំនិតគ្រប់គ្នា ឲ្យទៅជាកម្លាំងរួម ទើបអាចឈានទៅរកលទ្ធផលវិជ្ជមានបាន ។ អ្នកមិនចាំបាច់ចេះជាងកូនចៅទំាងអស់ គ្នា ឬគ្រប់ដប់ដល់ថ្នាក់ឥតខ្ចោះឡើយ។

គ្មានអ្នកណាជោគជ័យម្នាក់ឯងបានទេ។

សម្រាប់អ្នកដែលព្រមដើរតាមមនុស្សបែបនេះ ក៏ដើម្បីតែផលប្រយោជន៍ផ្សេងៗ ចូរត្រៀមលក្ខណៈផងថា អាជីពអ្នកគ្មានអនាគតទេ ព្រោះអ្នកខានបានបញ្ចេញគំនិតជាយូរមកហើយ តើមានការច្នៃប្រឌិតនិងភាពរីកចម្រើនពីណាមក?

ប្រែសម្រួល៖ស្រស់

ប្រភព៖monster

ចុចអាន៖ចៅហ្វាយពេញចិត្តការងារ ឬមានចិត្តស្នេហា មើលម៉េចដឹង?

ចុចអាន៖តាមពិត ជោគជ័យ ឬបរាជ័យក្នុងអាជីព អាចទស្សន៍ទាយដឹងមុនបាន