អាជីព

អ្នកណាខ្លះនឹងត្រូវបាត់ចេញពីទីផ្សារការងារ ក្នុងពេលមានវិបត្តិកូវីដ១៩លើពិភពលោក

បានផុស

៥ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

មិនមែនមានតែ យោធាទេ ដែលមានរចនាសម្ព័ន្ធនិងបទបញ្ជាតឹងរឹងដើម្បីពង្រឹងវិន័យ ប៉ុន្តែពិភពពាណិជ្ជកម្មស៊ីវិល ខ្លះក៏តឹងរឹងក្នុងការកែឥរិយាបទបុគ្គលិកដើម្បីលើកកម្ពស់ឧត្តមភាព របស់ម៉ាកសញ្ញាគេផងដែរ។

សញ្ញាទាំង៦ ខាងក្រោមបង្ហាញថា អ្នកជាបុគ្គលិកស្ថិតក្នុងបញ្ជីងាយនឹងអណ្តែតចេញបាត់ពីទីផ្សារនៅក្នុងអំឡុងពេលវិបត្តិ៖

ទីមួយ យឺតយ៉ាវ

ភាពទាន់ពេលវេលាគឺជាមុខងារសំខាន់បំផុតមួយនៃការងារ។ នរណាម្នាក់ដែលមិនទាន់ពេលនឹងត្រូវបានគេមើលឃើញច្បាស់ ហើយពិន្ទុសីលធម៌ដ៏ខ្សោយនោះនាំឲ្យសាមីខ្លួនឆាប់បាត់បង់ការគោរព។ វាជាផ្នែកនៃទិដ្ឋភាពដែលងាយស្រួលគ្រប់គ្រងបានបំផុតនៅក្នុងជម្រើសអាជីពថា គួរទុកបន្តឬដកចេញប្រសិនម្ចាស់ក្រុមហ៊ុនមានបញ្ហាហិរញ្ញវត្ថុមិនអាចបន្តជួលបុគ្គលិកច្រើនដូចមុន។

ទីពីរ ដោះសា

ជាញឹកញាប់បុគ្គលិកដែលមានលេសពន្យល់ជានិច្ចដើម្បីការពារខ្លួនគេឲ្យគេចពីសកម្មភាពមិនរីកចម្រើន គេអាចនិយាយការពារឥរិយាបថច្រំដែល និងមិនព្រមកែលំអ ហាក់មិនងាយត្រូវបានគេបំភ្លេចដែរប្រសិនត្រូវកាត់បុគ្គលិក។

ទីបី ខ្វះឆន្ទៈ

ធម្មជាតិនៃការងារណាមួយក៏មានលក្ខណៈទាក់ទងគ្នារវាងជំនាញនិងឱហាត។ មនុស្សខ្វះឆន្ទៈមិនដែលធ្វើអ្វីបានល្អឡើយទោះជាគេពូកែយ៉ាងណាក្តី។

ទីបួន ចរិយាសង្គមអន់ថយ

និយាយដើមគេ សរសេរហ្វេសប៊ុកញឹកញាប់រអ៊ូពីទីកន្លែងធ្វើការ ធ្វើឲ្យខូចកេរ្តិ៍ឈ្មោះខ្លួនឯងនិងអ្នកដទៃ ឬស្ថាប័ន វិបត្តិកូវីដនេះ វាជាឱកាសដ៏ល្អដែលមេដឹកនាំនានានឹងមានលេសមកបញ្ជូនអ្នកចេញឲ្យឆ្ងាយពីជីវិតការងាររបស់ពួកគេ។

ទី៥ ឆ្លាតជាងគេ

នៅកន្លែងធ្វើការមិនគោរពអ្នករួមការងារយកគំនិតឯងជាធំ និងអស្មិមានះ ។ ទង្វើ ភាសាកាយវិការនិងអាកប្បកិរិយាដែលមិនអាចធ្វើការជាក្រុមបានដោយរលូន នឹងនាំអ្នកឲ្យក្លាយជាចំណុចស៊ីបនៃការដកចេញ។ ការងារសម័យ Innovation គេមិនរើសយកមនុស្សម្នាក់ទេ គេយកក្រុម។

ទី៦ មិនគោរពបេសកកម្មរបស់ក្រុមហ៊ុន

បេសកកម្មនិងគុណតម្លៃរបស់ក្រុមហ៊ុនគឺមានបុគ្គលិកជាតំណាង ប្រសិនបើអ្នកបង្ហាញការមិនយកចិត្តទុកដាក់ចំពោះបេសកកម្មនិងគុណតម្លៃហើយបង្កសកម្មភាពអន់ថយ អ្នកទំនងជាដល់ពេលចាកចេញហើយ៕

ប្រែសម្រួល៖ សាយ ពេជ្រ

ចុចអាន៖ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

ចុចអាន៖ចៅហ្វាយនាយប្រភេទ Narcissistic ដែលធ្វើឲ្យអាជីពអ្នកអាចដើរថយក្រោយ

Related Topics:ការងារ