អាជីព
លោកជំទាវ តាំង ហ្គិចលៀង៖ តើគួរបោះបង់ចោលអាជីពការងារ ទៅធ្វើជាតំណាងចែកចាយដែរទេ?
អ្នកទាំងអស់គ្នាប្រហែលជាធ្លាប់ធុញទ្រាន់នឹងការងារដែលខ្លួនកំពុងមាន ឬកំពុងធ្វើដោយប្រការ ឬស្ថានភាពណាមួយមែនទេ? ធ្លាប់ត្រូវបានមិត្តភ័ក្ដិ ឬបងប្អូន ដែលជាតំណាងចែកចាយផលិតផលណាមួយហៅជួបណែនាំក្នុងការក្លាយជាតំណាងចែកចាយដែរមែនទេ?
ប្រការនេះ លោកជំទាវ តាំង ហ្គិចលៀង ដែលជាអគ្គនាយិកាក្រុមហ៊ុន HL គ្រុប បានមានប្រសាសន៍ថា «ការដែលយើងបោះបង់ចោលឆ្នាំងបាយ ហើយទៅជឿជាក់លើអ្វីដែលគេកំពុងជ្រួលជ្រើមធ្វើហ្នឹង។ យើងគិតតែមួយម៉ាត់ខ្លីថា លុយមិនមែនងាយស្រួលរកដល់ថ្នាក់ហ្នឹងទេ។ ដូច្នេះ វាជាការប្រថុយប្រថានណាស់ បើសិនបើយើងបោះបង់ចោលអាជីពបច្ចុប្បន្ន ដែលជាឆ្នាំងបាយរបស់យើង ដើម្បីមកក្លាយជាតំណាងចែកចាយ ហើយស្តុកពេញផ្ទះនូវផលិតផលដែលយើងមិនស្គាល់ច្បាស់ នោះគឺជាហានិភ័យធំមួយ។»
លោកជំទាវបានបន្តថា «តើបងប្អូនធ្លាប់ដែរទេ ប្រសិនបើថ្ងៃណាមួយ មានព័ត៌មានចុះផ្សាយថា ប្រេនដែលយើងកំពុងលក់ឬម្ចាស់ប្រេនមានបញ្ហា ឬអាចមានច្រើនរូបភាពទៀត ដែលអាចប៉ះពាល់ដល់ប្រេនដែលយើងកំពុងតែលក់ដូរ ឬកប់ស្តុកពេញផ្ទះ តើយើងនឹងយកឥវ៉ាន់នោះលក់ឲ្យអ្នកណា? ដល់ពេលនោះ មិនត្រឹមតែខូចឈ្មោះតែផលិតផលប៉ុណ្ណោះទេ សូម្បីតែឈ្មោះយើងដែលជាតំណាងចែកចាយក៏ត្រូវខូចដូចគ្នា។»
លោកជំទាវបានផ្តល់យោបល់ថា «អ្វីដែលយើងគួរធ្វើ គួរកុំបោះបង់ចោលអ្វីដែលជាជំនាញដែលយើងខំរៀនសូត្រ ស្វែងយល់ជាយូរមកហើយ។ តែប្រសិនបើចង់ចាប់យកអាជីវកម្មលើផលិតផលនោះ យើងគួរស្វែងរកផលិតផលណាដែលល្អ និងគួរឲ្យទុកចិត្តពិតប្រាកដ មានការទទួលស្គាល់គុណភាពជាអន្តរជាតិ មិនមានក្លែងបន្លំ តម្លៃសមនឹងគុណភាព សុខចិត្តចំណេញតិច តែផ្ដល់នូវកេរ្តិ៍ឈ្មោះ និងប្រាក់ចំណូលយូរអង្វែងដល់យើង៕»
អត្ថបទ៖ ស្រីមុំ
ចុចអាន៖៩ យ៉ាងត្រូវចៀសវាងដើម្បីបង្កើតមិត្តនៅកន្លែងធ្វើការ
ចុចអាន៖កាយវិការចំនួន ៥ ដែលចេះជាប់ខ្លួនកាលណា ទៅធ្វើការផ្នែកអ្វីក៏មិនចេះទ័ល
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ