ខណ្ឌរដ្ឋបាលជលផលកំពង់ចាម បង្ក្រាបបទល្មើសនេសាទ ៤ករណីក្នុងភូមិសាស្ត្រស្រុកកងមាស និងស្រុកស្ទឹងត្រង់

ខណ្ឌរដ្ឋបាលជលផលកំពង់ចាម នៅថ្ងៃទី១២ ខែវិច្ឆិកា ឆ្នាំ២០២៥ បានសហការជាមួយអាជ្ញាធរមូលដ្ឋានស្រុកកងមាស អាជ្ញាធរស្រុកស្ទឹងត្រង់ និងកម្លាំងប៉ុស្តិ៍នគរបាលរដ្ឋបាលស្តៅ បានចុះបង្ក្រាបបទល្មើសនេសាទខុសច្បាប់ចំនួន៤ករណី និងបានបំផ្លាញឧបករណ៍នេសាទខុសច្បាប់មួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមមន្ត្រីរដ្ឋបាលជលផលបានឲ្យដឹងថា ករណីទី១ បានបង្ក្រាបនៅចំណុចទំនប់បឹងកក់ ឃុំស្តៅ ស្រុកកងមាស មានឧបករណ៍លូស្បៃមុងចំនួន ០៧មាត់-របាំងស្បៃមុងប្រវែង ៣៥០ម៉ែត្រ-បង្គោលចម្រឹងចំនួន ១២៥ដើម និងបានចាក់លែងត្រីចម្រុះទម្ងន់ ០៩គីឡូក្រាម។ ករណីទី២ បង្ក្រាបនៅចំណុចបឹងទៀមលាង ឃុំកងតាណឹង ស្រុកកងមាស មានឧបករណ៍លូស្បៃមុងចំនួន ០៨មាត់-របាំងស្បៃមុងប្រវែង ៤១៥ម៉ែត្រ-បង្គោលចម្រឹងចំនួន ១៤៥ដើម និងបានចាក់លែងត្រីចម្រុះទម្ងន់ ១២គីឡូក្រាម។ ករណីទី៣ បង្ក្រាបនៅចំណុចមុខវត្តល្វា ឃុំអារក្សត្នោត ស្រុកស្ទឹងត្រង់ មានឧបករណ៍លូស្បៃមុងចំនួន ០៩មាត់ -របាំងស្បៃមុងប្រវែង ២៧០ម៉ែត្រ -បង្គោលចម្រឹងចំនួន ១៣៥ដើម-ចាក់លែងត្រីចម្រុះទម្ងន់ ០៥គីឡូក្រាម។ និងករណីទី៤ បង្ក្រាបនៅចំណុចជ្រោយចង្កែង ឃុំអារក្សត្នោត ស្រុកស្ទឹងត្រង់ មានឧបករណ៍លូស្បៃមុងចំនួន ១១មាត់-របាំងស្បៃមុងប្រវែង ៣៣០ម៉ែត្រ -បង្គោលចម្រឹងចំនួន ១៦៥ដើម និងបានចាក់លែងត្រីចម្រុះទម្ងន់ ០៧គីឡូក្រាម។

មន្ត្រីដដែលបានឲ្យដឹងទៀតថា ជាទិសដៅបន្ត សមត្ថកិច្ចជលផល នឹងបន្តត្រួតពិនិត្យ និងបង្ក្រាបបទល្មើសក្នុងភូមិសាស្ត្រទន្លេ បឹង ព្រែក តាមបណ្តាលស្រុកក្នុងខេត្តកំពង់ចាម និងផ្សព្វផ្សាយដល់ប្រជានេសាទឈប់នេសាទដោយប្រើប្រាស់ឧបករណ៍ល្មើសច្បាប់៕