សន្តិសុខសង្គម
ដាក់ម៉ងជាប់ពស់វែកក្របី ដោះយកមកប្រឡែងលេងចឹកស្លាប់
បុរសម្នាក់បានស្លាប់បាត់បង់ជីវិត ដោយសារពស់វែកក្របីចឹកចំពីរកន្លែង ក្រោយបានមកពីការជាប់ម៉ង ហើយយកមកប្រឡែងលេង។
ករណីនេះបានកើតឡើងកាលពីថ្ងៃទី១៨ ខែវិច្ឆិកា ឆ្នាំ២០២១ នៅភូមិស្ទឹង២ ឃុំសំរោងធំ ស្រុកកៀនស្វាយ ខេត្តកណ្ដាល។
ជនរងគ្រោះមានឈ្មោះ លាន់ ចាន់ ភេទប្រុសអាយុ៣៣ឆ្នាំ ជនជាតិខ្មែរ មុខរបរកសិករ មានទីលំនៅភូមិស្ទឹង ឃុំសំរោងធំ ស្រុកកៀនស្វាយ ខេត្តកណ្តាល(ស្លាប់)។
ប្រភពព័ត៌មានបានឲ្យដឹងថា នៅថ្ងៃកើតហេតុជនរងគ្រោះបានចុះទៅមើលម៉ងនៅក្នុងបឹងក្រោយភូមិ និងបានចាប់ពស់វែកក្របីមួយក្បាលទម្ងន់មួយគីឡូកន្លះ ដែលជាប់ម៉ងដាក់ក្នុងការ៉ុងស្ពាយយកមកផ្ទះ។
ប្រភពបានបន្តថា ពេលមកដល់ផ្ទះជនរងគ្រោះបានយកពស់វែកក្របីនោះចេញពីទៃ ហើយយកមកដាក់លើស្មា។ ពេលនោះពស់វែកក្របីបានលូនចូលក្រោមគ្រែ ភ្លាមនោះជនរងគ្រោះបានយកដៃទៅចាប់ក៏ត្រូវពស់ខាំដៃខាងស្ដាំ និងខាំបបូរមាត់មួយកន្លែងទៀត ។
បន្ទាប់ពីឃើញដូចនេះ ក្រុមគ្រួសារជនរងគ្រោះបានយកជនរងគ្រោះទៅផ្ទះគ្រូខ្មែរ ដែលនៅក្នុងភូមិជាមួយគ្នា និងបានឲ្យថ្នាំអោយជនរងគ្រោះ តែជនរងគ្រោះមិនព្រមលេប ហើយគ្រូខ្មែរក៏អោយក្រុមគ្រួសារជនរងគ្រោះទៅផ្ទះវិញ ពេលមកដល់ផ្ទះជនរងគ្រោះក៏បានស្លាប់បាត់បង់ជីវិតតែម្តង៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង