​សមត្ថកិច្ច​ឃាត់​ខ្លួន​ជនជាតិ​ចិនប្រុស​ស្រី​ជាង១០នាក់ ពាក់ព័ន្ធ​នឹង​ករណី​ចាប់​ជំរិត​

​ភ្នំពេញ​៖ កម្លាំង​នាយកដ្ឋាន​នគរបាល​ព្រហ្មទណ្ឌ ក្រសួងមហាផ្ទៃ សហការ​ជាមួយ​កម្លាំង​សមត្ថកិច្ច​មូលដ្ឋាន​ខណ្ឌ​ទួលគោក ធ្វើការ​ឡោម​ព័ន្ធ​ទីតាំង​អគារ​ខុន​ដូ ​មួយ​កន្លែង​ឃាត់ខ្លួន​ជនជាតិ​ចិន​ប្រុស​ស្រី​ជាង​១០​នាក់​។ ប្រតិបត្តិការ​នេះ​ធ្វើឡើង​នៅវេលា​ម៉ោង ៤​និង​៤០​នាទី​ល្ងាច ថ្ងៃទី​២៣ ខែវិច្ឆិកា ឆ្នាំ ២០២១ ដែល​ស្ថិតនៅតាម​បណ្តោយ​ផ្លូវ​លេខ​២៦១ ក្នុង​សង្កាត់​ទឹកល្អក់​ទី​១ ខណ្ឌទួលគោក រាជធានី​ភ្នំពេញ​។

ប្រភពព័ត៌មាន​បាន​ឲ្យ​ដឹងថា កម្លាំង​សមត្ថកិច្ច​ខណ្ឌទួលគោក​ សហការ​នឹង​កម្លាំង​សមត្ថកិច្ច​នាយកដ្ឋាន នគរបាល ព្រហ្មទណ្ឌ​ក្រសួងមហាផ្ទៃ បាន​ចុះ​ឡោមព័ទ្ធ​និង​ឃាត់ខ្លួន ជនជាតិ​ចិន​ប្រុស​ស្រី​ជាង​១០​នាក់ ព័ន្ធ​ករណី ចាប់ជំរិត​។​

​ក្រោយ​ប្រតិបត្តិការ​កម្លាំង​សមត្ថកិច្ច​បាន​នាំខ្លួន​ជនជាតិ​ចិន​ទាំង​ជាង​១០​នាក់​ទៅកាន់​នាយកដ្ឋាន​នគរបាល​ព្រហ្មទណ្ឌ​ក្រសួងមហាផ្ទៃ ដើម្បី​បន្ត​នីតិវិធី​៕