សន្តិសុខសង្គម
កម្លាំងការពារព្រំដែន ឃាត់ខ្លួនជនសង្ស័យ ៧នាក់ បម្រុងយកម៉ូតូគេចពន្ធចូលកម្ពុជា
ក្នុងរយៈពេលចុងក្រោយនេះ ទាំងភាគីកម្ពុជា ក៏ដូចជាភាគីថៃ បានប្រឹងប្រែងពង្រឹងលើការទប់ស្កាត់បទល្មើសឆ្លងដែនគ្រប់ប្រភេទ តាមច្រករបៀងនានា នៅលើខ្សែបន្ទាត់ព្រំដែនកម្ពុជា-ថៃ។ ជាក់ស្ដែងនៅយប់ថ្ងៃទី ២៩ ខែវិច្ឆិកា ឆ្នាំ ២០២១ កម្លាំងកងរយលេខ ១២០១ សហការជាមួយតម្រួតការពារព្រំដែនលេខ ១២ បានធ្វើការល្បាតតាមខ្សែបន្ទាត់ព្រំដែន យ៉ាងម៉ត់ចត់។
ពេលទៅដល់ត្រង់ចំណុចថាប់ធីមស៉្យាម ក្នុងភូមិ ៩ ឃុំថាប់ថៃ ស្រុកតាប្រាក់យ៉ា ខេត្តស្រះកែវ ក៏បានប្រទះឃើញ ក្រុមអ្នករត់ពន្ធម៉ូតូបម្រុងឆ្លងដែនចូលមកកម្ពុជា ទើបកងកម្លាំងដេញតាមចាប់ខ្លួនបាន ២នាក់ និងម៉ូតូ ៣គ្រឿង ខណ:ដែលពួកគេបានព្យាយាម បើករត់គេចពីសមត្ថកិច្ចតាមចម្ការដំឡូង។
ភ្លាមៗ នោះដែរសមត្ថកិច្ច បានបន្ថែមកម្លាំងដោយធ្វើការរុករក ជុំវិញបរិវេណខាងលើ ទើបឈានដល់ការឃាត់ខ្លួនមនុស្សបន្ថែម ៥នាក់ទៀត និងដកហូតម៉ូតូបន្ថែមចំនួន ១៥គ្រឿង និងរថយន្ត ១គ្រឿង សរុបមនុស្សចំនួន ៧នាក់ ប្រុស ៣ ស្រី ៤ រថយន្ត ១គ្រឿង និងម៉ូតូ ១៨គ្រឿង។
ក្រុមជនសង្ស័យ បានសារភាពថា ពួកគេបានទៅទទួលយកម៉ូតូ នៅក្នុងចម្ការដំឡូង នៅឯចុងភូមិ ហើយជិះទៅប្រគល់ឲ្យឈ្មួញខ្មែរ ដែលនៅចាំឯព្រំដែន ដោយម៉ូតូ ១គ្រឿងពួកគេទទួលបានកម្រៃ ២០០បាត។ បច្ចុប្បន្នជនសង្ស័យទាំងអស់ រួមទាំងវត្ថុតាង ត្រូវបានបញ្ជូនទៅកាន់អង្គភាពជំនាញ ដើម្បីអនុវត្តតាមផ្លូវច្បាប់បន្ត៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ