Connect with us

សន្តិសុខសង្គម

សមត្ថកិច្ច​​​ខេត្ត​កំពត​ចាប់​បាន​​​ក្តាម និង​បង្គាចាក់ចាហួយ​ប្រមាណ​ ១២តោន​

បានផុស

នៅ

​ក្តាម​ និង​បង្គា​ចាក់​សារធាតុ​ចាហួយ​ប្រមាណ​​ ១២ តោន​​ត្រូវ​បាន​អាជ្ញាធរ​ និង​សមត្ថកិច្ច​​ចម្រុះ​ស្រុក​កំពង់​ត្រាច​ចុះ​បង្ក្រាប​ទាំង​កណ្ដាល​អធ្រាត្រ​ថ្ងៃ​​ទី១៦ ខែ​មករា ឆ្នាំ២០២២ ត្រង់​ចំណុច​ខាង​កើត​ស្ពានស្រុកកំពង់ត្រាច ក្នុងភូមិកំពង់ត្រាចទី១ ឃុំ​កំពង់​ត្រាច​ខាង​កើត ស្រុក​កំពង់​ត្រាច ខេត្ត​កំពត។​​

​ក្នុង​ប្រតិបត្តិការ​នេះ​មាន​វត្តមាន លោក ឃឹម សាមី អភិបាល​រង​ស្រុក​កំពង់ត្រាច និង​លោក ង៉ែត សាវឿន ប្រធានច្រកទ្វារព្រំដែនអន្តរជាតិព្រែកចាក បាន​ដឹក​នាំ​កម្លាំង​ចម្រុះ​ចុះ​ឃាត់​រថយន្ត​ដឹក​បង្គា​ចំនួន​២គ្រឿង​ដែល​ត្រូវ​កម្លាំងចម្រុះឃាត់នោះ មានដឹកបង្គាចំនួន៦០០កេះស្នោ និង​ក្តាម​សេះ​ប្រហែល​១០​កេះ ​មាន​ទម្ងន់​ប្រមាណ១២តោន ប៉ុន្តែ​ការ​រក​ឃើញ​មាន​បង្គា​ចាក់​សារធាតុ​ចាហ៊ួយ​នោះ ជំនាញ​មិន​ទាន់​ហ៊ាន​អះអាង​ថា ​មាន​ប៉ុន្មាន​កេះ​ស្នោ​នៅ​ឡើយ​ទេ​ ដោយ​​រង់​ចាំ​សមត្ថកិច្ច​ជំនាញ​មក​ពិនិត្យ​បន្ត​នៅ​ព្រឹក​ថ្ងៃទី១៧ ខែមករា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភព​ដដែល​បាន​បញ្ជាក់​ដែរ​ថា ​រថយន្តដែលដឹកគ្រឿងសមុទ្រ ឆ្លង​កាត់​ភូមិសាស្ត្រស្រុកកំពង់ត្រាច ខេត្ត​កំពត​ពិសេស ក្តាម ឬ បង្គា គឺ​ត្រូវ​បាន​ចរាចរ​តាម​រថយន្តប្រភេទនេះ រាប់​ខែ​រាប់​ឆ្នាំ​មក​ហើយ​ ប៉ុន្តែ​សមត្ថកិច្ច​ជំនាញ​ហាក់​ពុំ​សូវ​បាន​ត្រួត​ពិនិត្យ​ឱ្យ​បាន​ហ្មត់ចត់នោះឡើយ ​ហើយ​ករណី​ឃើញ​មាន​បង្គា​ក្នុង​កេះ​ស្នោ​មួយ​ចំនួន​មាន​ចាក់​សារធាតុចាហ៊ួយ​ដឹក​តាម​រថយន្តបែបនេះ មហាជន​ពិត​ជា​មាន​ការ​មន្ទិលសង្ស័យ ដោយ​មតិ​ខ្លះ​បានលើកឡើងថា បើ​ខ្មោច​ស្រុក​មិនឱ្យដៃ ខ្មោចព្រៃក៏មិនហ៊ានដែរ។

ចំពោះ​បង្គា​ដែលផ្ទុកដោយសារធាតុចាហួយ​ដែល​ដឹក​តាមរថយន្តនេះ នៅរសៀលថ្ងៃទី១៧ ខែមករា ឆ្នាំ២០២២ គេឃើញវត្តមាន លោកព្រះរាជអាជ្ញារងខេត្តកំពត ដឹកនាំមន្ត្រីជំនាញមកត្រួតពិនិត្យ ដោយ​លទ្ធ​ផលពិនិត្យ ជំនាញកាំកុងត្រូលបានបញ្ជាក់ថា បង្គា​ក្នុង​កេះ​ស្នោ​ទាំង​អស់​នោះ​សុទ្ធ​តែ​មាន​ចាក់​បញ្ចូលនូវសារធាតុចាហ៊ួយ ដោយ​ឡែក​ក្តាមសេះ និងប្រភេទគ្រឿងសមុទ្រផ្សេងទៀត​ ពុំ​បាន​ចាក់​បញ្ចូលសារធាតុចាហ៊ួយនោះទេ​ ប៉ុន្តែបើទោះជាយ៉ាងណាសមត្ថកិច្ចបាន​ចាត់ទុកគ្រឿង​សមុទ្រ​ផ្ទុក​ក្នុង​រថយន្តជាប់បទល្មើសទាំងអស់។

បន្ទាប់​ពីត្រួតពិនិត្យរួចរាល់ បង្គា​និងគ្រឿងសមុទ្រទាំងអស់(១២តោន) អាជ្ញាធរ និង​សមត្ថកិច្ចជំនាញ បាន​រក្សាទុក​នៅ​អធិការដ្ឋាននគរបាលស្រុកកំពង់ត្រាច ដើម្បី​ដុតកម្ទេចចោល នៅ​ព្រឹកស្អែក​ ថ្ងៃ​ទី១៨ ខែមករា ឆ្នាំ២០២២។ដោយឡែករថយន្តទាំងពីរគ្រឿងដែលជាប់ពាក់ព័ន្ធ​នឹងការដឹក​ជញ្ជូនបទល្មើស ជំនាញ​ និង​ធ្វើ​ការ​ពិន័យទៅតាមច្បាប់៕

អត្ថបទ៖ សេង ណារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ នាទី មុន

លោកជំទាវ ពេជ ចន្ទមុនី៖ ការធ្វើវិបសនា នៅក្នុងបរិវេណប្រាសាទអង្គរវត្ត គឺដើម្បីសុំសេចក្តីសុខ ដល់ប្រទេសជាតិ និងប្រជាជន

ព័ត៌មានអន្ដរជាតិ៤០ នាទី មុន

ចិន ជោគជ័យចុះចតយានអវកាសនៅចុងឋានព្រះចន្ទ ដើម្បីយកសំណាកមកផែនដីវិញ

ព័ត៌មានជាតិ១ ម៉ោង មុន

ព្រឹត្តិការណ៍ការប្រកួតចម្រៀង «ជាពួកអន្តរជាតិ» លើកទី១ ដែលកម្ពុជាធ្វើជាម្ចាស់ផ្ទះ បិទបញ្ចប់ដោយជោគជ័យ

ព័ត៌មានអន្ដរជាតិ២ ម៉ោង មុន

ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត

ព័ត៌មានជាតិ២ ម៉ោង មុន

អន្តរាគមន៍​ជួយ​ពលការិនីខ្មែរបាន ៦៣ នាក់ ​នៅ​ប្រទេសអារ៉ាប៊ីសាអូឌីត ​​​វិលមក​ប្រទេស​កម្ពុជា​វិញ

Sokha Hotels

ព័ត៌មានពេញនិយម