កីឡា

ឃើញខ្មែរឈ្នះឥណ្ឌូណេស៊ី និងឈ្នះពាន Sea V Cup ប្រជាជនសៀមមួយចំនួនចោទខ្មែរលេងផ្លូវក្នុង

បានផុស

៤ នាទី មុន

នៅ

ថ្ងៃអង្គារ ២១ កក្កដា ២០២៦

ដោយ

ការឈ្នះ Sea V Cup របស់ក្រុមបាល់ទះជម្រើសជាតិកម្ពុជាគឺពិតជាមានការភ្ញាក់ផ្អើលក្នុងបណ្ដាប្រទេសចូលរួម និងល្បីខ្លាំងរហូតមានប្រទេសជិតដូចជាសៀមមិនសប្បាយចិត្តនោះទេគិតថាខ្មែរអាចលេងផ្លូវក្នុងអ្វីមួយទើបអាចឈ្នះឥណ្ឌូណេស៊ី។

ផេកអាចារ្យ អេ

ជំនួបវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រជុំទី១ នៅពាន Sea V Cup កាលពីពេលថ្មីៗនេះមានអ្នកតាមដានវិស័យកីឡាបាល់ទះនៅតំបន់អាស៊ានខ្លះបានសរសើរពីភាពរីកចម្រើន និងការអភិវឌ្ឍន៍សមត្ថភាពរបស់ក្រុមកីឡាករកម្ពុជា។

ដោយឡែកសម្រាប់ប្រជាជនសៀមមួយចំនួនបានបង្ហាញការមិនសប្បាយចិត្តនោះឡើយរហូតបញ្ចេញអារម្មណ៍ជាបន្តបន្ទាប់នៅលើបណ្ដាញសង្គម។ ប្រជាជនរបស់គេមួយចំនួនថាមិនអស់ចិត្តចំពោះភាពខ្លាំងរបស់ក្រុមបាល់ទះកម្ពុជា និងខ្លះទៀតថាគួរតែដកគ្រូចេញជាដើមព្រោះមិនចង់ចាញ់ចិត្តខ្មែរ។ មួយចំនួនទៀតថាថាខ្មែរអាចមានល្បិចកល ឬប្រើមន្តអាគមន៍អ្វីមួយហើយទើបអាចយកឈ្នះក្រុមខ្លាំងប្រចាំតំបន់គឺឥណ្ឌូណេស៊ីនៅវគ្គផ្ដាច់ព្រ័ត្រជុំទី១ បើតាមការបញ្ជាក់នៅលើហ្វេសបុកផេកលោក អាចារ្យ អេ ដែលជាអ្នកតាមដានព័ត៌មានប្រទេសថៃ។

កីឡាករឆ្នើមរបស់កម្ពុជា

ដូច្នេះជ័យជម្នះរបស់ក្រុមបាល់ទះខ្មែរនៅជុំទី១ នេះគឺពិតជាធ្វើឲ្យប្រទេសមួយចំនួនភ្ញាក់ផ្អើលខ្លាំងមែន និងមិនសុខចិត្តនោះឡើយរហូតចង់ដកគ្រូរបស់ខ្លួនចេញពីការដឹកនាំក្រុមទៀតផង។ ចំពោះខាងឥណ្ឌូណេស៊ីវិញគឺខុសពីប្រទេសមួយចំនួនដោយបានមើលឃើញពីការរីកចម្រើន និងបានសរសើរក្រុមកម្ពុជាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពលើកពាន

បញ្ជាក់ដែរថា ក្រុមបាល់ទះជម្រើសជាតិកម្ពុជាបានឈ្នះពានរង្វាន់ Sea V Cup នៅជុំទី១ កាលពីថ្ងៃទី១៩ ខែកក្កដា ឆ្នាំ២០២៦។ មានការភ្ញាក់ផ្អើល ២ប្រកួតចុងក្រោយនោះគឺក្រុមបាល់ទះកម្ពុជាបានទម្លាក់សៀមនៅវគ្គពាក់កណ្ដាលផ្ដាច់ព្រ័ត្រ និងបន្តយកឈ្នះឥណ្ឌូណេស៊ីនៅវគ្គផ្ដាច់ព្រ័ត្រលើកពានតែម្ដង។ មួយវិញទៀតការយកឈ្នះឥណ្ឌូណេស៊ីនេះជាប្រវត្តិសាស្ត្រមួយផងដែរ ព្រោះរាប់ត្រឹមស៊ីហ្គេម លើកទី៣១ ឆ្នាំ២០២២ ខ្មែរមិនដែលឈ្នះឥណ្ឌូណេស៊ីឡើយ៕

អត្ថបទដោយ៖ នួន ស៊ីណា

Related Topics:កីឡាបាល់ទះ