សម្ភារៈមួយចំនួនធំ និងរោងចំបើង ត្រូវអគ្គិភ័យឆេះស្ទើរទាំងស្រុង

(ខេត្តស្វាយរៀង)៖  រោងដាក់ចំបើងមួយកន្លែងត្រូវបានអគ្គិភ័យឆាបឆេះអស់ស្ទើរទាំងស្រុងខណៈដែលម្ចាស់រវល់ ដើរទិញអេតចាយ។  ករណីគ្រោះអគ្គិភ័យនេះបានកើតឡើងនៅវេលាម៉ោង១១:០០ ថ្ងៃទី១១ ខែមេសា ឆ្នាំ២០២២ នៅភូមិអូរ ឃុំថ្មី ស្រុកកំពង់រោទិ៍ ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមសមត្ថកិច្ចបានឱ្យដឹងថា បន្ទាប់ពីទទួលបានព័ត៌មានពីពលរដ្ឋនៅវេលាកើតហេតុខាងលើថា មានភ្លើងឆេះរោងចំបើងផ្ទះរបស់ ឈ្មោះ  អ៊ុច  យ៉ុន ភេទប្រុស អាយុ៥២ឆ្នាំរស់នៅភូមិឃុំខាងលើ សមត្ថកិច្ច បានប្រើប្រាស់រថយន្តពន្លត់អគ្គិភ័យមួយគ្រឿង និងមានការចូលរួមដោយកម្លាំងជំនាញស្រុក។

បើទោះបីសមត្ថកិច្ចខំដុតដៃដុតជើងជួយក្នុងការពន្លត់ក៏ដោយ ក៏ប៉ុន្តែមិនអាចជួយពន្លត់បានទាន់ពេលវេលានោះទេ ដោយសារអំណាចនៃអគ្គិ បានបណ្តាលឲ្យឆេះរោងចម្បើងអស់ស្ទើទាំងស្រុង។ តែជាសំណាងអគ្គិភ័យនេះ មិនបង្កឱ្យមនុស្សណាម្នាក់រងរបួសឡើយ។

សមត្ថកិច្ច បានបញ្ជាក់ថា សម្ភារៈដែលខូចខាតទាំងអស់រួមមាន  រោងចម្បើងមានទំហំ ៥×៣.៥០ម៉ែត្រ ចម្បើងឆេះអស់៣០០ដុំ  ត្រាក់ទ័រ១ គ្រឿង ម៉ាស៊ីន សាំង៥សេស ១គ្រឿង ( ម៉ាស៊ីន បូមទឹក ជី៥បាវ ស្រូវ ៥បាវ និងថ្នាំបាញ់ស្រូវ១កេះ។

សូមបញ្ជាក់ថា ក្នុងមួយខែនេះ មានករណីអគ្គិភ័យ ឆាបឆេះផ្ទះពលរដ្ឋក្នុងស្រុកកំពង់រោ ទិ៍  មានចំនួន៣ ករណីមកហើយ។ អាជ្ញាធរ បានស្នើដល់ពលរដ្ឋ ត្រូវមានការប្រុងប្រយ័ត្នឱ្យបាន ខ្ពស់ ចំពោះអគ្គិភ័យ ដែលអាចកើតឡើងជាយថាហេតុ។ ដោយ:ភក្ដី