សន្តិសុខសង្គម

ខឹងស្តីឲ្យម្តាយរបស់ខ្លួនញឹកពេក ទាញកាំបិតខ្វែវកាប់ស្ដ្រីម្នាក់ស្លាប់ទាំងព្រឹក

បានផុស

៤ years មុន

នៅ

ថ្ងៃចន្ទ ២ ឧសភា ២០២២

ដោយ

បុរសដែលជាជនសង្ស័យម្នាក់ ត្រូវកម្លាំងសមត្ថកិច្ចមូលដ្ឋានចុះឃាត់ខ្លួនភ្លាមៗ បន្ទាប់ពីបានប្រព្រឹត្តអំពើឃាតកម្ម ដោយបានកាប់ទៅលើស្ត្រីចំណាស់ម្នាក់ស្លាប់ក្នុងថ្លុកឈាម។ ករណីឃាតកម្មនេះបានកើតឡើង កាលពីថ្ងៃទី ១ ខែឧសភា ឆ្នាំ ២០២២ វេលាម៉ោង ៧ និង ៤០ នាទី ព្រឹក នៅចំណុចក្រុមទី២៤ ភូមិយុត្តិធម៌ឃុំបឹងប្រាំ ស្រុកបវេល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះដែរ គឺបានបង្កឡើងដោយជនសង្ស័យម្នាក់ឈ្មោះ សឿន សុខណា ភេទប្រុស អាយុ ៣១ ឆ្នាំ រស់នៅភូមិអូរឫស្សី ឃុំបឹងប្រាំ ស្រុកបវេល ដោយបានយកកាំបិតខ្វែវទៅកាប់លើជនរងគ្រោះ ឈ្មោះ ឡាច គី ភេទស្រី អាយុ ៥៣ ឆ្នាំ រស់នៅភូមិយុត្តិធម៌ ឃុំបឹងប្រាំ ស្រុកបវេល ( ផ្ទះជាប់គ្នា ) ចំនួន ៣ កាំបិត ចំត្រង់.ក ផ្នែកខាងក្រោយមួយកាំបិត ត្រង់ស្មាខាងឆ្វេងមួយកាំបិត និងម្រាមដៃខាងស្តាំមួយកាំបិត បណ្តាលឲ្យស្លាប់ ខណៈពេលដែល ជនរងគ្រោះកំពុងធ្វើម្ហូបដាំបាយនៅខាងក្រោយផ្ទះ។

ក្រោយពេលឃាត់ខ្លួន ជនសង្ស័យបានសារភាពនៅចំពោះមុខសមត្ថកិច្ចថា បញ្ហានេះគឺដោយសារតែខឹងទៅលើជនរងគ្រោះ ព្រោះកន្លងមកគេតែងតែស្តីឲ្យម្តាយរបស់ខ្លួនញឹកញាប់ពេក ហើយភាសានេះនៅតែឮដដែលៗ ទើបទ្រាំមិនបានក៏បានលីខ្វែវទៅកាប់តែម្តង។ បច្ចុប្បន្នជនសង្ស័យត្រូវបានកម្លាំងអធិការស្រុកបវេលរៀបចំសំណុំរឿងដើម្បីបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តអនុវត្តបន្ត ៕

អត្ថបទ៖ សោ និយមរ័ត្ន

Related Topics:ឃាតកម្ម ខេត្តបាត់ដំបង

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា