សន្តិសុខសង្គម
ឃាត់ខ្លួនអ្នកនេសាទក្នុងរដូវបិទនេសាទ៩នាក់ យកមកអប់រំណែនាំ
កម្លាំងបរិស្ថានខេត្តអភិរក្សធនធានធម្មជាតិតំបន់រ៉ាមសារ សហការជាមួយប៉ុស្តិ៍រដ្ឋបាលកោះស្នែង រួមជាមួយសហគមន៍នេសាទបានចុះល្បាតឃាត់ខ្លួនមនុស្សចំនួន៩នាក់ក្នុងករណីនេសាទខុសច្បាប់ នៅរដូវបិទនេសាទក្នុងតំបន់រ៉ាមសារ។
អ្នកនេសាទចំនួន៩នាក់ដែលសមត្ថកិច្ចឃាត់ខ្លួនបានធ្វើឡើងកាលពីយប់ថ្ងៃទី១៨ ខែឧសភា ឆ្នាំ២០២២ ចំណុចអន្លង់តាថាវ តំបន់រ៉ាមសារ ឃុំកោះស្នែង ស្រុកបុរីអូរស្វាយសែនជ័យ ខេត្តស្ទឹងត្រែង។
លោក ឈន ឆន អនុប្រធានស្នាក់ការតំបន់អភិរក្សធនធានធម្មជាតិតំបន់រ៉ាមសារនៃមន្ទីរបរិស្ថានខេត្តបានឲ្យដឹងថា នៅរដូវបិទនេសាទនេះ ទោះជាមានការផ្សព្វផ្សាយដល់អ្នកនេសាទក៏ដោយយើងឃើញថា អ្នកនេសាទមួយចំនួនមិនបានគោរពនូវច្បាប់ជលផលនោះទេ តែងតែលបលួចនេសាទខុសច្បាប់នៅពេលយប់។
លោកអនុប្រធានស្នាក់ការបន្តថា ក្រោយពីមានសេចក្តីរាយការណ៍ថា មានអ្នកនេសាទលបលួចនេសាទនៅពេលយប់ នៅយប់ថ្ងៃទី១៨ ខែឧសភា កម្លាំងរបស់លោកបានសហការជាមួយប៉ុស្តិ៍រដ្ឋបាលកោះស្នែង សហគមន៍នេសាទ បានចុះល្បាតតាមដងទន្លេមេគង្គ បានជួបប្រទះអ្នកនេសាទចំនួន១៣ទូក ៤ទូកបានបើករត់គេច និង៩ទូកមានមនុស្ស៩នាក់ ត្រូវបានឃាត់ខ្លួបញ្ជូនមកស្នាក់ការបរិស្ថាន។
ក្រោយការឃាត់ខ្លួនមនុស្ស៩នាក់រួមទាំងទូកនេសាទត្រូវបានកម្លាំងជំនាញធ្វើកំណត់ហេតុ និងធ្វើកិច្ចសន្យាបញ្ឈប់ការនេសាទខុសច្បាប់បន្តទៀតបើនៅតែមិនបញ្ឈប់នឹងឃាត់ខ្លួនបញ្ជូនទៅកាន់តុលាការដើម្បីចាត់ការទៅតាមនីតិវិធី៕
អត្ថបទ៖ ងិនលីម
-
សន្តិសុខសង្គម៦ ថ្ងៃ ago
ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល
-
ព័ត៌មានជាតិ៧ ថ្ងៃ ago
ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន
-
ជីវិតកម្សាន្ដ១ សប្តាហ៍ ago
តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់
-
ជីវិតកម្សាន្ដ៥ ថ្ងៃ ago
សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤ ខាងមុខ លើឆ្នេរឯករាជ្យ ក្រុងព្រះសីហនុ
-
ចរាចរណ៍៥ ម៉ោង ago
ព័ត៌មានបឋម៖ រថយន្ត Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត រម្លឹកមួយឃ្លាថា «ក្មេងអាចដើរបានរហ័សតែកុំភ្លេចថាចាស់ស្គាល់ផ្លូវ»
-
កីឡា១ ថ្ងៃ ago
អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ
-
សន្តិសុខសង្គម១ សប្តាហ៍ ago
ផ្ទុះអាវុធ៤គ្រាប់ ក្នុងប្រតិបត្តិការបង្ក្រាបគ្រឿងញៀន នៅក្រុងសៀមរាប