Connect with us

សន្តិសុខសង្គម

តើអ្នកលេងតុងទីន​ មានវិវាទ​ត្រូវប្រឈម​នឹងបទល្មើស​អ្វីខ្លះ?

បានផុស

នៅ

ឧកញ៉ា នឹម វណ្ណៈបានឱ្យដឹងថា មេតុងទីន និងកូនតុងទីន អាចប្រឈមនឹង បទល្មើស​ឆរបោក និង​​រំលោភ​លើ​សេចក្ដី​ទុកចិត្ត ដែលជាប់​ពន្ធនាគារ​ពី ៦ ខែដល់ ៣ ឆ្នាំ និង​អាច​ពិន័យ​ជា​ប្រាក់ពី ១ លានរៀល​ទៅ ៦ លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧកញ៉ា នឹម វណ្ណៈ បញ្ជាក់ថា ពាក្យ “តុងទីន” ត្រូវ​មនុស្ស​ទូទៅ​តែង​ហៅ​ថា ការ​សន្សំ​ប្រាក់​​ជា​ក្រុម ដោយ​បាន​អត្រា​ការ​ប្រាក់​ខ្ពស់​ជាង​ធនាគារ និង​គ្រឹះស្ថាន​មីក្រូហិរញ្ញវត្ថុ ដោយ​ពុំ​មាន​កិច្ចសន្យា​ លិខិត​ស្នាមជាលាយលក្ខណ៍អក្សរ និង​វត្ថុ​បញ្ចាំ​ត្រឹមត្រូវ​ឡើយ។ ចំណែក​​វចនានុក្រម​ស្ដេចសង្ឃ ជួន ណាត “តុងទីន” គឺ​ជា​សមាគម​ប្រមូល​ប្រាក់ ក្រុម​ហ៊ុន​សន្សំ​ដើម​ទុន ដើម្បី​ជួយ​គ្នា​ទៅ​វិញ​ទៅ​មក។

បើនិយាយ​ពី​ការលេង​តុងទីន​វិញ មនុស្ស​មួយ​ចំនួនក៏ជោគជ័យ ខណៈ​មួយ​ចំនួន​ទៀត​បរាជ័យ ព្រោះ​​ត្រូវ​បានមេ ឬ កូន ដែល​ដេញ​​​ប្រាក់​ហើយ​នោះ ដាក់​មេផាយរត់​ចោលស្រុក ឬអាចហៅ​ម្យ៉ាង​ទៀត​ថា “ធ្វើស៊ី”រហូត​​មាន​ការ​ប្ដឹងផ្ដល់។

សំណួរ​សួរ​ថា ពេល​មាន​ករណី​ដូច​បាន​រៀបរាប់​ខាងលើ តើ​ពួកគេ​ (មេ និងកូនដែលបោក) អាច​ប្រឈម​នឹង​បទ​ល្មើស​អ្វីខ្លះ?

ឧកញ៉ា នឹម វណ្ណៈ ប្រាប់ថា ច្បាប់​ “លេង​តុងទីន” មិន​មាន​ចែង​​​នៅ​ក្នុង​ច្បាប់​ណាមួយ របស់​ព្រះរាជាណាចក្រ​កម្ពុជា​ទេ ប៉ុន្តែ​បើ​ការ​លេងតុងទីន ​មានធ្វើជាឯកសារ​ ឬកិច្ចសន្យា និយាយ​​ពី​កាតព្វកិច្ច​រៀង​ៗ​ខ្លួន ឧទាហរណ៍​ មេ ​មាន​តួនាទី​ប្រមូល​លុយ​ពី​កូនឱ្យ​​គ្រប់​ចំនួន ​រាល់​ពេល​ចុងខែ បើ​កូន​មិន​បង់ មេ​ជា​អ្នកទទួល​ខុសត្រូវ​​ជាដើម។ បើ​សិន​មេ ​រត់គេច ឬ​ កូនមិន​បំពេញ​កាតព្វកិច្ច ​ក្នុងករណីនេះ​គឺ​ជា​ការ​បំពានលើ​កិច្ចសន្យា ដូច្នេះ​ម្ចាស់​បំណុល អាច​ប្ដឹង​សុំ​ឱ្យ​ភាគី ដែល​មិន​បានអនុវត្ត​កាតព្វកិច្ច​ ឱ្យ​ទៅ​អនុវត្ត​កាតព្វកិច្ច​នៅ​តុលាការបាន។

មួយវិញទៀត បើ​តុលាការ​រក​ឃើញ​ថា ភាគី (អ្នករត់គេច) មាន​ចេតនា​ទុច្ចរិត​បោក​សមាជិកមែន​ ភាគី​នោះ​នឹងត្រូវ​​ផ្ដន្ទាទោស​ផ្នែក​ព្រហ្មទណ្ឌ​ផង និង​សំណង​នៃ​ការខូចខាតផង។

ជារួមបទល្មើស​២ ដែល​អាចប្រឈមមាន “បទល្មើសទាក់ទង​នឹងការ​ឈរ​បោក” ដែលមានចែង​ក្នុង​ក្រម​ព្រហ្មទណ្ឌ ​មាត្រា ៣៧៧ និង​មាត្រា ៣៧៨ និង​បទល្មើស​រំលោភ​លើ​សេចក្ដី​ទុកចិត្ត មាត្រា ៣៩១ និង​មាត្រា ៣៩២ ដោយជនល្មើស ​​នឹង​ត្រូវ​ជាប់​ពន្ធនាគារ​ពី ៦ ខែដល់ ៣ ឆ្នាំ និង​អាច​ពិន័យ​ជា​ប្រាក់ពី ១ លានរៀល​ទៅ ៦ លានរៀល៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

នាយករដ្ឋមន្ត្រី ឧបត្ថម្ភថវិកា៥០ម៉ឺនដុល្លារ ដល់សមាគមសិល្បករខ្មែរ​ ក្នុងរយៈពេល៥ឆ្នាំ

ព័ត៌មានជាតិ៣២ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ ចេញ​សេចក្តីប្រកាស​ព័ត៌មាន​បង្ហាញ​ពី​កិច្ចខិតខំ​ប្រឹងប្រែង​ក្នុង​ការ​ជួយ​ពលការ​នី​ខ្មែរ​នៅ​ប្រទេស​អា​រ៉ា​ប៊ី​សា​អូឌីត

ព័ត៌មានជាតិ៣៥ នាទី មុន

សម្ដេចធិបតី​ បញ្ជាឱ្យរៀបចំប្រកួតក្បាច់គុនល្បុកតោ គុនខ្មែរ ខម ស្រងែពែន​  ដើម្បីគាស់រំលើងក្បាច់គុនឡើងវិញ

ព័ត៌មានជាតិ៤៨ នាទី មុន

សម្ដេចធិបតី ណែនាំឱ្យសមាគមសិល្បករខ្មែរ​ ជួយចាស់ជរា ក្មេងកំព្រា   និងបន្តជួយទ្រទ្រង់ជីវភាពសិល្បករចាស់ជរា

ព័ត៌មានជាតិ១ ម៉ោង មុន

ឯកឧត្ដម ហ៊ុន ម៉ានី អញ្ជើញចូលរួមគោរពវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៏ គង់ ម៉ាលី

សេចក្ដីជូនដំណឹង២១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានអន្ដរជាតិ១១ ម៉ោង មុន

លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

សន្តិសុខសង្គម៥ ម៉ោង មុន

គយចល័តតំបន់៦ រឹបអូសទូរស័ព្ទគេចពន្ធជាង១ពាន់ដើម នៅផ្សារមេមត់

សេចក្ដីជូនដំណឹង២៣ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ៦ ម៉ោង មុន

ការសម្ដែង អាយ៉ៃជំនាន់ថ្មី “Ayai 5G” ល្ងាចនេះ លក់សំបុត្រអស់មុនកំណត់

Sokha Hotels

ព័ត៌មានពេញនិយម