សន្តិសុខសង្គម
មន្រ្តីជំនាញសុខភាពសត្វចុះចាក់វ៉ាក់សាំងជំងឺសាទឹកដល់គោក្របីប្រជាពលរដ្ឋនៅស្រុកស្ទោង
ការិយាល័យផលិតកម្មសត្វ និងបសុព្យាបាល ខេត្តកំពង់ធំ សហការជាមួយអាជ្ញាធរស្រុកស្ទោងនៅព្រឹកថ្ងៃទី ៦ ខែកញ្ញានេះបានចុះចាក់វ៉ាក់សាំងជំងឺសាទឹក សត្វគោ ក្របី ជូនប្រជាពលរដ្ឋនៅ ភូមិពន្លាជ័យ ឃុំបន្ទាយស្ទោង ស្រុកស្ទោង ខេត្តកំពង់ធំ។
ក្នុងឱកាសនោះ លោក សាយ គឹមឡម អភិបាលស្រុកស្ទោងលើកឡើងថា ការផ្តល់វ៉ាក់សាំងការពារជំងឺសាទឹកដល់សត្វពាហនៈ ជូនប្រជាពលរដ្ឋក្នុងរដូវទឹកឡើងនេះ ពិតជាមានសារសំខាន់ណាស់ ដើម្បីការពារករណីស្លាប់សត្វរបស់ជាពលរដ្ឋជាយថាហេតុ ដែលធ្វើឲ្យប្រជាពលរដ្ឋខាតបង់ចំណូលនៃដែលកើតចេញពីការចិញ្ចឹមសត្វ ព្រោះប្រជាពលរដ្ឋ មួយផ្នែកធំនៅក្នុងស្រុកស្ទោង នៅតែប្រកបមុខរបរចិញ្ចឹមសត្វគោ ក្របី ក្នុងការជួយទ្រទ្រង់ជីវភាព។
ប្រជាពលរដ្ឋខ្លះទៀត ក៏នៅប្រើប្រាស់សត្វពាហនៈជាកម្លាំងអូសទាញផងដែរ, ដូច្នេះ នេះគឺជាជំហ៊ាន នៃការការពារប្រើសើរជាងព្យាបាល។ លោកអភិបាលស្រុក អំពាវនាវដល់ប្រជាពលរដ្ឋនៅក្នុងមូលដ្ឋាន សូមយកសត្វពាហនៈរបស់ខ្លួនទៅចាក់ថ្នាំបង្ការជំងឺ តាមការជូនដំណឹងរបស់ភ្នាក់ងារសុខភាពសត្វភូមិ និងអាជ្ញាធរពាក់ព័ន្ធ។
លោក ចាន់ បញ្ញាវ័ន្ត ប្រធានការិយាល័យផលិតកម្ម និងបសុព្យាបាលខេត្តកំពង់ធំ លើកឡើងផងដែរថា ការបើកយុទ្ធនាការចាក់វ៉ាក់សាំងថ្ងៃនេះ គឺចាក់បង្ការជំងឺសារទឹក ដល់សត្វពាហនៈ ចំនួនជាង២០០ក្បាល នៅក្នុងភូមិ ពន្លាជ័យ ឃុំបន្ទាយស្ទោង ស្រុកស្ទោង ខេត្តកំពង់ធំ។ សម្រាប់បណ្ដាភូមិ ឃុំផ្សេងទៀតគឺ ភ្នាក់ងារសុខភាពសត្វភូមិ នៅតែបន្តចាក់វ៉ាកសាំងបង្ការនេះជូនពលរដ្ឋរហូលចប់សព្វគ្រប់។
លោកបញ្ជាក់បន្ថែមថា ក្រៅពីជំងឺសារទឹក សត្វពាហនៈ អាចមានជំងឺជាច្រើនទៀត ដូចជា អ៊ុតក្តាម បូសខ្យល់ និងដុំពកជាដើម។ ដូច្នេះ សូមបងប្អូនប្រជាកសិករត្រូវមានការប្រុងប្រយត្ន័ខ្ពស់ចំពោះសត្វចិញ្ចឹមរបស់ខ្លួន ខណៈតំបន់មួយចំនួនត្រូវរងគ្រោះដោយទឹកជំនន់ ហើយប្រសិនបើមានបញ្ហាជំងឺអ្វីមួយកើតលើសត្វគោ ក្របី ត្រូវរាយការណ៍ទៅកាន់មន្ត្រីជំនាញដើម្បីពិនិត្យ និងព្យាបាលបានទាន់ពេលវេលា៕
អត្ថបទ៖ ឈាង មករា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)