សន្តិសុខសង្គម
ប្រជាពលរដ្ឋធ្វើដំណើរតាមបណ្តោយផ្លូវភ្ជាប់ពីស្តុបក្តីដូង ទៅផ្លូវវាងក្រុងស្ទឹងសែន ត្អូញត្អែរថាពិបាកធ្វើដំណើរ ៣-៤ឆ្នាំមកហើយ ជាពិសេសក្នុងរដូវវស្សា
កំពង់ធំ ៖ ប្រជាពលរដ្ឋពលរដ្ឋលើកឡើងដូចៗគ្នាថា ផ្លូវភ្ជាប់ពីភ្លើងស្តុបក្តីដូង ទៅផ្លូវវាងក្រុង ស្ថិតនៅក្នុងសង្កាត់ ព្រៃតាហ៊ូ ក្រុងស្ទឹងសែន ខេត្តកំពង់ធំ ពិបាកយ៉ាងខ្លាំងក្នុងការធ្វើដំណើរ។ ក្រុមប្រជាពលរដ្ឋបន្តថា ផ្លូវនេះ ដើមឡើយជាផ្លូវក្រាលកៅស៊ូ ប៉ុន្តែបានរងការខូចខាតជាច្រើនឆ្នាំមកហើយ ដែលឲ្យពួកគាត់ពិបាកធ្វើដំណើរ មកផ្សារ ទិញទំនិញ និងប្រកបមុខរបរលក់ដូរនៅមុខផ្ទះតាមដងផ្លូវយ៉ាង។ ភាពលំបាកទាំងអស់នេះ បានធ្វើប្រជាពលរដ្ឋខ្លះត្រូវបង្ខំចិត្តបិទមុខរបររកស៊ី ព្រោះគ្មានអ្នកធ្វើដំណើរច្រើនដូចកាលមុន និងមានទឹក លិចនៅរដូវវស្សា។
មិនតែប៉ុណ្ណោះ កូនៗរបស់ពួកគាត់ពិបាកធ្វើដំណើរទៅសាលារៀន ជាពិសេសក្មេងតូចៗ មិនអាចជិះកងទៅសាលាបានដោយខ្លួនឯង។ នៅរដូវប្រាំងផ្លូវនេះ មានក្រហុកធំ មានធូលីហ៊ុយ, រីឯរដូវវស្សា មានទឹកដក់គ្រប់កន្លែង ពេលខ្លះកូនៗដែលជាសិស្សដួសប្រឡាក់សម្លៀកបំពាក់ វិលត្រឡប់មកផ្ទះវិញ មិនបានទៅសាលាក៏មាន ។ រយៈពេលប៉ុន្មានឆ្នាំចុងក្រោយនេះ មិនមានសកម្មភាពជួសជុសនោះទេ ធ្វើផ្លូវ ខូចខាតទាំងស្រុងទៅហើយ។ ក្រុមប្រជាពលរដ្ឋសំណូមពរ ឯកឧត្តម អភិបាលខេត្តកំពង់ធំ មេត្តាជួយពិនិត្យលទ្ធភាពសាងសង់ផ្លូវនេះឡើងវិញផង។
ជាមួយគ្នានេះដែរ លោក ផៃ ឈុនអេង ចៅសង្កាត់ព្រៃតាហ៊ូ ប្រាប់ឲ្យដឹងថា កំណត់ផ្លូវ ភ្ជាប់ពីភ្លើងស្តុបក្តីដូង ទៅផ្លូវវាងក្រុង មានប្រវែងសរុបប្រមាណជាង១៤០០ម៉ែត្រ ដែលសាងសង់ដំបូងក្រាល ក្រួសក្រហម ក្រោយមកបានរៀបធ្វើផ្លូវកៅស៊ូ នៅឆ្នាំ២០០៩, ប៉ុន្តែមិនបានប៉ុន្មានឆ្នាំផ្លូវ ត្រូវបានខូច ធ្វើប្រជាពលរដ្ឋរបស់លោកពិបាកក្នុងការធ្វើដំណើរ (រដូវប្រាំងហ៊ុយ, រដូវវស្សាដក់ទឹក)។ ផ្លូវមួយខ្សែនេះ ចាត់ទុកថា ជាសេដ្ឋកិច្ចប្រជាពលរដ្ឋផងដែរ ព្រោះនៅតាមបណ្តោយផ្លូវ មានផ្សារក្តី ដែលបម្រើឲ្យលក់ដូររបស់ប្រជាពលរដ្ឋនៅមូលដ្ឋាន និងមានប្រជាពលរដ្ឋជាច្រើនជាច្រើនផ្សេង ទៀត ក៏មកប្រកបមុខរបរនៅទីនេះផងដែរ៕
អត្ថបទ ៖ ឈាង មករា
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម