Connect with us

សន្តិសុខសង្គម

​អាជ្ញាធរ និងប្រជាពលរដ្ឋ​នាំគ្នាច្រកដីទប់ស្កាត់ទឹកកំពុងហូរច្រោះផ្លូវ

បានផុស

នៅ

លោក គៀង សេងគី មេឃុំត្បូងក្រពើ ស្រុកសន្ទុក ខេត្តកំពង់ធំបានប្រាប់ឲ្យដឹងនៅថ្ងៃទី ៥ ខែតុលា ឆ្នាំ២០២២ ថា គណៈបញ្ជាការឯកភាពឃុំសម្រេចផ្អាកចរាចរណ៍បណ្តោះអាសន្នចំពោះរថយន្តធន់ធំ និងរថយន្តដឹកធ្ងន់លើកំណាត់ផ្លូវភ្ជាប់ពីផ្លូវជាតិលេខ ៦ ទៅភូមិចុងដា និងភូមិកាល់មេឃ ដើម្បីការពារការខូចខាតផ្លូវមួយខ្សែនេះ ខណៈទឹកស្ទឹងសែនបានហូរកាត់ផ្លូវ និងអាចបង្ករឲ្យការខូចខាតធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំណាត់ផ្លូវនេះមានប្រវែងជាង ៨គីឡូម៉ែត្រ លិចប្រវែងជាង៥០០ម៉ែត្រ ក្នុងករណីផ្លូវនេះដាច់កំណាត់ផ្លូវជាតិលេខ៦ នៅឃុំត្បូរក្រពើ នឹងត្រូវគ្របដណ្តប់ដោយជំនន់ទឹកស្ទឹងសែន ចំណុចនេះអាចនិយាយបានថា គឺជាខ្សែក្រវ៉ាត់ ការពារផ្លូវលេខ៦ ក្រៅពីផ្លូវកៅស៊ូមួយខ្សែនេះ នៅឃុំត្បូងក្រពើ មានផ្លូវកា្រសគ្រួស ក្រហមជាង២០០០ម៉េត្រ ត្រូវបានលិច។

លោកបន្តថា ផ្លូវនេះ គឺជាចរន្តនៃការ ធ្វើដំណើររបស់ ប្រជាពលរដ្ឋច្រើន ដែលប្រជាពលរដ្ឋខ្លះ ធ្វើដំណើរទៅកាន់ស្រុកសំបូរផងដែរ។ លោកបញ្ជាក់ថា នៅក្នុងឃុំត្បូងក្រពើ មានចំនួន៥ភូមិ ប៉ុន្តែផលប៉ះពាល់បច្ចុប្បន្នចំនួន៣ភូមិ ដែលមានប្រជាពលរដ្ឋសរុបចំនួន ៤៥០គ្រួសារ គឺមានភូមិកាល់មេឃ ភូមិអំពុះ ភូមិបញ្ជាជី។

ក្នុងករណីទឹកនៅតែបន្តហក់ឡើង ដែលអាចធ្វើឲ្យប្រជាពលរដ្ឋឈានដល់ចំណុចងាយរងគ្រោះ អាជ្ញាធរឃុំ នឹងជំលៀសប្រជាពលរដ្ឋទៅកាន់ ទីទួលសុវត្ថិភាព នៅភូមិចុងដា ទាំងមុនស្ស និង សត្វពាហនៈ។

ទន្ទឹមជាមួយគ្នានេះផងដែរ អាជ្ញាធរឃុំ សូមអំពាវនាវដល់ប្រជាពលរដ្ឋទាំងអស់ ដែលមានរថយន្តធន់ធំ ដឹកធ្ងន់ សូមផ្អាកការធ្វើដំណើរមួយរយៈពេលសិន ដើម្បីចូលរួមការពារ នៃការខូចខាតផ្លូវ ឈានដល់ការមិន អាចធ្វើដំណើរបាន និងពិបាកក្នុងការជួសជុលទ្រង់ទ្រាយធំក្នុងរដូវទឹកសម្រក និងចំណាយថវិកាច្រើន ក្នុងការជួសជុលលផងដែរ៕

អត្ថបទ៖ ឈាង មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម