សន្តិសុខសង្គម

ស្រីក្រមុំម្នាក់អត់ចេះហែលទឹកនាំគ្នាជិះទូកលេងនឹងមិត្តភក្តិ៣នាក់ ស្រាប់តែលិចបណ្ដាលឲ្យលង់ទឹកស្លាប់

បានផុស

៨ ខែ មុន

នៅ

ថ្ងៃពុធ ៥ តុលា ២០២២

ដោយ

បន្ទាយមានជ័យ ៖ ស្រីក្រមុំម្នាក់ នាំគ្នាជិះទូកលេងជាមួយពួកម៉ាក៣នាក់ មិនដឹងនាំគ្នាជិះយ៉ាងណាស្រាប់តែ ធ្វើឲ្យទូកក្រឡាប់បណ្តាលស្រីក្រមុំនោះស្លាប់ ចំណែកពួកម៉ាកជិះជាមួយ រួចខ្លួនមកពីចេះហែលទឹក។រឿងរាវនេះកើតឡើងនៅវេលាម៉ោង៣រសៀល ថ្ងៃទី៤ ខែតុលា ឆ្នាំ ២០២២ ស្ថិតនៅភូមិក្បាលកោះ សង្កាត់អូជ្រៅ ក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលមូលដ្ឋានបានប្រាប់ឲ្យដឹងថា ស្រីរងគ្រោះមានឈ្មោះ ស្រីថេង មានស្រុកកំណើត នៅខេត្តសៀមរាប មករស់នៅជាមួយជីដូន ធ្វើការនៅប៉ោយប៉ែត ហើយមកស្នាក់នៅជុំមិត្តភក្តិ។

សមត្ថកិច្ចនគរបាលមូលដ្ឋាន បានបញ្ជាក់ឲ្យដឹងបន្តទៀតថា បើតាមការបញ្ជាក់ពីយុវជន ឈ្មោះ ស្កាយ ជាមិត្តភក្តិបាននិយាយថា មុនពេលកើតហេតុនោះជនរងគ្រោះ និង មិត្តភក្តិ៣នាក់ទៀត បាននាំគ្នាជិះទូកទៅលេងផ្ទះ ឈ្មោះ ស្កាយ ពេលដែលកំពុងជិះលេងយ៉ាងសប្បាយនោះ ស្រាប់តែទូកក្រឡាប់ លិច ដល់បាតដីពេលនោះទាំងមិត្តភ័ក្រទាំង៣នាក់បាន លោតទៅជួយដែរដោយសារតែជនរងគ្រោះមិនចេះហែលទឹកគេចាប់តោងអ្នកទាំង៣នាក់ជាប់ ពេលនោះមិត្តភក្តិទាំង៣នាក់ ខិតខំរើបម្រះចេញពីជនរងគ្រោះ ទាំង៣នាក់ទើបរួចខ្លួន ចំណែកជនរងគ្រោះលិចដល់ដីឈ្លក់ទឹកស្លាប់តែម្តង។

ក្រោយកើតហេតុ សពត្រូវបានរកឃើញនៅបាទដី តែជាអកុសល ជនរងគ្រោះបាន ស្លាប់ទៅហើយ អាជ្ញាធរនិងក្រុមគ្រូពេទ្យព្យាយាមជួយសង្គ្រោះដែរតែជួយមិនបាន ក្រោយកើតហេតុសពត្រូវបានយកទៅតម្កល់ នៅវត្តបាលិលេយ្យ ក្រុងប៉ោយប៉ែត ដើម្បីប្រគល់ទៅឲ្យក្រុមគ្រួសារសពយកទៅធ្វើបុណ្យតាមប្រពៃណី៕

ដោយ ៖ វ៉ាន់ ណាង