មន្ត្រីតំណាងគណបក្សរបស់លោក ខឹម វាសនា ទិញស្បៀងបន្ថែមឲ្យអ្នកគាំទ្រក្នុងចម្ការប្រមាណ ១ ពាន់នាក់

ពលរដ្ឋដែលនៅបន្តស្តាប់ធម៌នៅក្នុងចម្ការរបស់លោក ខឹម វាសនា ប្រមាណជិត១០០០នាក់ ហើយគ្រានេះតំណាងប្រធានគណបក្ស LDP​ បានដឹកក្មេងៗទៅព្យាបាលជំងឺ នៅមន្ទីរពេទ្យគន្ធបុប្ផា ខណៈស្បៀងចម្ការជិតអស់។

កាលពីថ្ងៃទី ១១ ខែតុលា លោកនី ចាន់ពិនិត្យ តំណាងប្រធានគណបក្ស LDPបានដឹកក្មេងៗទៅព្យាបាលជំងឺនៅមន្ទីរពេទ្យគន្ធបុប្ផា និងបានទិញស្បៀង ខណៈជិតអស់ពីចម្ការទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា ចំពោះបងប្អូនពលរដ្ឋដែលបន្តប្រមូលផ្តុំនៅក្នុងដីចម្ការម្រេច នៅសល់ប្រមាណជា១ពាន់នាក់ និងបានបន្តចាកចេញតិចតួចប៉ុណ្ណោះ។

ចំពោះសមត្ថកិច្ចទាំង៣ប្រភេទនៅតែបន្តយាមកាមជុំវិញបរិវេណដីចំការម្រេច១២ហិកតា និងបន្តសម្របសម្រួលនិងត្រៀមលក្ខណៈសម្រាប់ដឹកជញ្ជូនបងប្អូនពលរដ្ឋទៅកាន់លំនៅឋានវិញ។

ចំពោះពលរដ្ឋដែលមករកកូនចៅនៅក្នុងចម្ការសមត្ថកិច្ចនៅតែបន្តជួយស្វែងរកសាច់ញាតិដដែល។ សូមរំឭកថា ពលរដ្ឋដែលមកជួបជុំស្តាប់ធម៌និងខ្លាចលិចលង់ពីភពលោកហើយបាននាំគ្នាមកពីតាមបណ្តាខេត្តនិងក្រៅប្រទេសផងដែរបានមករស់នៅចំការក្នុងលោក ខឹម វាសនា តាំងពីអំឡុងថ្ងៃទី២៣ខែកក្កដា ឆ្នាំ២០២២រហូតដល់បច្ចុប្បន្ននេះមាននៅប្រមាណជា១ពាន់នាក់ទៀតកំពុងស្តាប់ធម៌៕

អត្ថបទ៖ កុសល