សន្តិសុខសង្គម

ពលរដ្ឋដែលមកស្ដាប់ធម៌នៅចំការម្រេចលោកខឹម វាសនា មានចំនួនប្រមាណជាង១ពាន់នាក់

បានផុស

២ years មុន

នៅ

ថ្ងៃសុក្រ ៣០ កញ្ញា ២០២២

ដោយ

សៀមរាប ៖ គិតត្រឹមរសៀលថ្ងៃទី៣០ ខែកញ្ញា ឆ្នាំ២០២២នេះ ពលរដ្ឋដែលមកស្ដាប់ធម៌នៅចំការម្រេចលោកខឹម វាសនា ក្នុងភូមិថ្មជល់ ឃុំត្បែង ស្រុកបន្ទាយស្រី មានចំនួនប្រមាណជាង១ពាន់នាក់ ។ចំណែកសមត្ថកិច្ចទាំង៣នៅតែបន្តរក្សាសន្តិសុខ សុវត្ថិភាពនិងសណ្ដាប់ធ្នាប់ជុំវិញចំការ១២ហិតាដែលជាកម្មសិទ្ធិរបស់គណៈបក្សLDP ដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា តាមការសន្និដ្ឋានរបស់អាជ្ញាធររដ្ឋបាលស្រុកបន្ទាយនិងការរាយការណ៍ពីម្ចាស់ចំការ ថាប្រជាពលរដ្ឋដែលកំពុងស្នាក់នៅក្នុងចំការ១២ហិតាស្ថិតនៅភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប នោះសល់ខ្ទង់១៣០០នាក់ជាងទៀត ក្នុងមានក្មេងមានចាស់ជាលក្ខណៈគ្រួសារ។

ក្រោយការសាកសួរពីមូលហេតុដែលពួកគាត់បន្តស្នាក់នៅនោះដោយសារ បន្តស្ដាប់ធម៌ រង់ចាំមើលស្ថានភាពទឹកជំនន់សិន។ ដោយឡែក កម្លាំងសមត្ថកិច្ចទាំង៣នៅតែបន្តរក្សាសន្តិសុខ សុវត្ថិភាពនិងសណ្ដាប់ធ្នាប់ជុំវិញចំការ១២ហិតាដែលជាកម្មសិទ្ឋិរបស់គណៈបក្សLDP ដដែល ហើយផែនការនិងអនុវត្តរហូតពលរដ្ឋចេញត្រឡប់ទៅមូលដ្ឋានវិញទាំងអស់ទើបបញ្ចប់ប្រតិបត្តិការ។

ដោយឡែកប្រភពបានឲ្យដឹងថា លោកនី ចាន់ពិនិត្យ តំណាងគណបក្សសម្ព័ន្ធដើម្បីប្រជាធិបតេយ្យ ldp បានចូលរួមកិច្ចប្រជុំជាមួយនឹងអាជ្ញាធរខេត្តសៀមរាបក្នុងស្រុកបន្ទាយស្រី ដើម្បីសុំចេញចូលទិញម្ហូបដោយសារស្បៀងជិតអស់។ប៉ុន្តែអាជ្ញាធរនៅមិនទាន់ឆ្លើយតបចំពោះសំណូមពររបស់តំណាងគណបក្សLDP នៅឡើយទេ៕

ដោយ ៖ កុសល