សន្តិសុខសង្គម

ស្ត្រីម្នាក់ឈប់ម៉ូតូចាំយកលុយកូនតុងទីន ត្រូវចោរឆក់ខ្សែកបានសម្រេច

បានផុស

៥ ខែ មុន

នៅ

ថ្ងៃសុក្រ ៩ ធ្នូ ២០២២

ដោយ

ភ្នំពេញ ៖ ស្ត្រីម្នាក់ខណៈឈប់ម៉ូតូអង្គុយចាំយកលុយកូនតុងទីន ស្រាប់តែមានជនសង្ស័យ២នាក់ជិះម៉ូតូមកក្បែរធ្វើសកម្មភាពឆក់យកខ្សែកបានសម្រេចរួចគេចខ្លួនបាដោយសុវត្ថិភាព បង្កការភ្ញាក់ផ្អើលកាលពីវេលាម៉ោង៧និង១០នាទីយប់ ថ្ងៃទី៩ ខែធ្នូ ឆ្នាំ២០២២ នៅផ្លូវបេតុង ភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះសា នី អាយុ៣០ជាង ស្នាក់នៅម្ដុំផ្សារសេនជូរី សង្កាត់កាកាបទី១ ខណ្ឌពោធិ៍សែនជ័យ។ សម្ភារៈដែលត្រូវជនសង្ស័យឆក់យកនោះ ខ្សែកផ្លាកទីនមួយខ្សែ តម្លៃ៣០០ដុល្លារ។

តាមប្រភពព័ត៌មានបានឲ្យដឹងថា មុនពេលកើតហេតុជនរងគ្រោះជិះម៉ូតូមកឈប់នៅលើចិញ្ចើមផ្លូវចាំយកលុយកូនតុងទីនបន្ទាប់មក ស្រាប់តែមានជនសង្ស័យ២នាក់ជិះម៉ូតូមួយគ្រឿងមិនចាំស្លាកលេខមកធ្វើសកម្មភាពឆក់យកខ្សែកបានសម្រេចរួចគេចខ្លួនបាត់ដោយសុវត្ថិភាព។

ក្រោយកើតហេតុជនរងគ្រោះមិនបានទៅដាក់ពាក្យបណ្តឹងនៅប៉ុស្តិ៍នគរបាលកាកាបទី១ទេ ព្រោះគិតថា បានត្រឹមដាក់ពាក្យបណ្តឹងមិនដែលឃើញចាប់បានចោរម្តងណាផងហើយក៏ជិះម៉ូតូទៅផ្ទះវិញទាំងអស់សង្ឃឹម៕

ដោយ ៖ សុខា