សន្តិសុខសង្គម
សមត្ថកិច្ចខេត្តធ្វើការបង្ហាញមុខក្រុមចោរឆក់ចំនួន៨នាក់ លួចម៉ូតូក្នុងក្រុងសៀមរាប
សៀមរាប ៖ ថ្ងៃទី ២៨ ខែ មករា ឆ្នាំ២០២៣ នៅអធិការដ្ឋាននគរបាលក្រុងសៀមរាប មានធ្វើសន្និសីទកាសែត មួយស្ដីអំពី ការគ្រប់គ្រងសន្តិសុខ សុវត្ថិភាព និងសណ្ដាប់ធ្នាប់ទូទៅនៅក្នុងខេត្ត និង ការបង្ហាញមុខក្រុមចោរលួចម៉ូតូយ៉ាងសកម្មមួយក្រុម មានគ្នា០៩នាក់ ហើយត្រូវឃាត់ខ្លួនបានជនសង្ស័យ ចំនួន ៨នាក់ ហើយម្នាក់ទៀតបានកំពុងស្រាវជ្រាវបន្ត ព្រមទាំងបានដកហូតនូវវត្ថុតាង មានម៉ូតូ ០៦គ្រឿង និង ឧបករណ៍សម្ភារៈកែច្នៃមួយចំនួនទៀត។
![](https://www.kampucheathmey.com/wp-content/uploads/2023/01/T-01-28-23-a1-full-1024x614.jpg)
អង្គសន្និសីទកាសែតនេះ បានធ្វើឡើងក្រោមវត្តមានរបស់លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តសៀមរាប និង លោកវរសេនីយ៍ឯក ដា ចំរើន អធិការក្រុងសៀមរាប រួមទាំងមន្ត្រីនគរបាលជំនាញផងដែរ។
![](https://www.kampucheathmey.com/wp-content/uploads/2023/01/photo_2023-01-28_15-23-47-1024x768.jpg)
តាមការបញ្ជាក់របស់លោកឧត្តមសេនីយ៍ត្រី ភឹង ចិន្តារ៉េត ស្នងការរងខេត្ត ស្តីអំពីការងារសន្តិសុខនូវទូទាំងខេត្ត គឺ បានផ្តល់នូវភាពល្អប្រសើរឡើង បើប្រៀបធៀបទៅក្នុងទស្សវត្សឆ្នាំ១៩៩០ គឺនាពេលបច្ចុប្បន្ននេះពុំមានករណីចោរប្លន់ នោះឡើយ។
លោកបានបន្តទៀតថា ដោយខេត្តសៀមរាប គឺជាតំបន់គោលដៅទេសចរណ៍ របស់ភ្ញៀវជាតិ អន្តរជាតិ ចូលមកទស្សនាកម្សាន្ត ហើយក៏ត្រូវបានប្រមុខរាជរដ្ឋាភិបាល បានយកចិត្តទុកដាក់ខ្ពស់ ព្រមទាំងបានផ្តល់ផ្លូវដ៏ស្រស់ ស្អាតចំនួន៣៨ខ្សែ ដល់ក្រុងសៀមរាប ក្នុងពេលដែលប្រទេសជាតិកំពុងជួបវិបត្តិជំងឺកូវីដ១៩។
![](https://www.kampucheathmey.com/wp-content/uploads/2023/01/T-01-28-23-a4-full-1024x614.jpg)
លោកបានបន្តទៀតថា ដោយកត្តានេះហើយ គណៈបញ្ជាការឯកភាពរដ្ឋបាលខេត្តសៀមរាប បានយកចិត្តទុកដាក់ខ្ពស់លើការងារសន្តិសុខ សណ្តាប់ធ្នាប់ និង សុវត្ថិភាពជូនប្រជាពលរដ្ឋ និងភ្ញៀវទេសចរជាតិ អន្តរជាតិ ដែលបានមកស្នាក់នៅកម្សាន្ត ទស្សនានៅតាមប្រាង្គប្រាសាទបូរាណ និង រមណីយដ្ឋានធម្មជាតិក្នុងខេត្តសៀមរាប ។
លោកឧត្តមសេនីយ៍ត្រី ភឹង ចិន្តារ៉េត ក៏បាន លើកផងដែរ អំពីលទ្ធផលដែលកងកម្លាំងនៃស្នងការដ្ឋាននគរបាលខេត្ត បានសហការល្អជាមួយស្នងការដ្ឋាននគរបាល ខេត្តកំពង់ធំ និង អធិការដ្ឋាននគរបាលក្រុងសៀមរាប និង ស្រុកមួយចំនួន ក្នុងការចុះធ្វើការស្រាវជ្រាវនូវសញ្ញាយ៉ាងសកម្ម ក្នុងការលួចម៉ូតូនៅក្រុងសៀមរាប រហូតទទួលបានលទ្ធផល ដោយបានបំបែកនូវសំបុកចោរមួយក្រុម ដែលមានបក្ខពួក០៩នាក់ ត្រូវបានឃាត់ខ្លួន ០៨នាក់ នៅទីកន្លែងផ្សេងគ្នា និង ម្នាក់ទៀតបានកំពុងរត់គេចខ្លួន។
លោកក៏បានបញ្ជាក់ថា ករណីចោរឆក់ និង លួច បើធៀបពីឆ្នាំ២០២១ និងឆ្នាំ២០២២មានការថយចុះ ដោយកម្លាំងយើងបានធ្វើការល្បាតបានជាប្រចាំ ទាំងយប់ទាំងថ្ងៃក្នុងក្រុងនិងតាមមូលដ្ឋាន សំខាន់នៅក្នុងតំបន់រមណីយដ្ឋាននានា ព្រមទាំងបានកំណត់និងគ្រប់គ្រងនូវមុខសញ្ញាជនបង្ក ដែលទើបចេញពីមណ្ឌលកែប្រែ ព្រមទាំងដោយមានការចូលរួមពីប្រជាពលរដ្ឋ និង ស្ថាប័នពាក់ព័ន្ធ បានចូលរួមអនុវត្តលើផែនសន្តិសុខ ព្រមទាំងបានប្រើប្រាស់វិធានការជំនាញច្បាស់លាស់។
![](https://www.kampucheathmey.com/wp-content/uploads/2023/01/T-01-28-23-a3-full-1024x614.jpg)
ក្នុងនោះលោកស្នងការរង ក៏បានលើកនូវវិធានការមួយចំនួន ជូនដល់ប្រជាពលរដ្ឋ និង គ្រប់ស្ថាប័ន ចូលរួមទាំងអស់គ្នាអនុវត្ត ដែលជាគោលការចំបង ដើម្បីកាត់បន្ថយនូវរាល់បទល្មើស ព្រមទាំងត្រូវ លុបបំបាត់នូវបទល្មើសដែលបង្កឡើងដោយខ្លួនឯង ដែលធ្វើឲ្យបំពុលដល់សង្គម ។ ម្យ៉ាងទៀត ក៏ត្រូវចូលរួមទាំងអស់គ្នា ក្នុងការការពារទ្រព្យសម្បត្តិរបស់ខ្លួន និង ផ្តល់ព័ត៌មានដល់អាជ្ញាធរមូលដ្ឋាន ហើយចំពោះជនដែលប្រឌិតបទល្មើសនឹងត្រូវ ទទួលទោសទៅតាមច្បាប់។
![](https://www.kampucheathmey.com/wp-content/uploads/2023/01/T-01-28-23-a2-full-1024x614.jpg)
ក្នុងឱកាសនោះដែរ បងប្អូនប្រជាពលរដ្ឋ ដែលរងគ្រោះបាត់ម៉ូតូ ដោយក្រុមជនសង្ស័យទាំង០៨នាក់លួចយកកន្លងមក នៅក្នុងភូមិសាស្ត្រខេត្តសៀមរាប ត្រូវបានលោកវរសេនីយ៍ឯក ដា ចំរើន អធិការក្រុងសៀមរាប ធ្វើការប្រគល់ជូនបងប្អូន ព្រមទាំងអំពាវនាវដល់បងប្អូនបាត់ម៉ូតូ មកពិនិត្យមើលម៉ូតូរបស់ខ្លួន នៅអធិការដ្ឋាននគរបាលក្រុងសៀមរាបផងដែរ៕
ដោយ ៖ គឿនវេត
![](https://www.kampucheathmey.com/wp-content/uploads/2023/01/photo_2023-01-28_15-23-45-2-1024x768.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ