សន្តិសុខសង្គម
អាជ្ញាធរចុះហាមឃាត់ និងឲ្យមេការសំណង់ធ្វើកិច្ចសន្យា ករណីសាងសង់សំណង់របងអត់ច្បាប់បិទផ្លូវ
កំពង់ឆ្នាំង ៖ ប្រជាពលរដ្ឋនៅក្នុងភូមិទី ៧ សង្កាត់ខ្សាមនៅព្រឹកថ្ងៃទី១៣ ខែធ្នូឆ្នាំ២០២២ នេះបានហួសចិត្ត និងមានការងឿងឆ្ងល់ជាខ្លាំង ចំពោះសកម្មភាពសាងសង់របងបិទផ្លូវសាធារណៈអត់ច្បាប់ នៅចំណុចភូមិទី៧ សង្កាត់ខ្សាម ដែលកាលពីថ្ងៃទី១ ខែធ្នូ អាជ្ញាធរក្រុងដឹកនាំក្រុមការងារដែលមានសមាសភាពអាជ្ញាធរសង្កាត់ អាជ្ញាធរភូមិ មន្ត្រីជំនាញ និងសមត្ថកិច្ច បានចុះហាមឃាត់ការសាងសង់សំណង់ខាងលើនេះជាបណ្ដោះអាសន្នម្ដងរួចមកហើយ ដោយឱ្យម្ចាស់សំណង់ធ្វើច្បាប់ទម្លាប់សាងសង់ជាមុនសិន ទើបអនុញ្ញាតឱ្យធ្វើការ សាងសង់ជាបន្ត។
ប៉ុន្តែនៅព្រឹកថ្ងៃទី១៣ ខែធ្នូ ឆ្នាំ២០២២នេះ ប្រជាពលរដ្ឋបានឱ្យដឹងថា ដោយឃើញការសាងសង់សំណង់បិទផ្លូវ នៅតែបន្តធ្វើសកម្មភាពដដែលមកដល់ ថ្ងៃទី១៣ ខែធ្នូ នេះដដែលនេះ។ ដោយ ពួកគាត់ក៏បាត់ជំនឿទៅលើអាជ្ញាធរក្រុងក៏បានប្រមូលគ្នីគ្នាអ្នកមានលំនៅដ្ឋានក្នុងតំបន់នោះ ត្រៀមកង់ឡានជាច្រើន និងដបសាំងបម្រុងធ្វើ បាតុកម្មដើម្បីទាមទារឱ្យអាជ្ញាធរជួយរកដំណោះ ស្រាយជូនពួកគាត់។
តែសកម្មភាពនេះបានស្ងប់ស្ងាត់ទៅវិញបន្ទាប់ពីពួកគាត់បានឃើញ អាជ្ញាធរ រួមនឹងកងកម្លាំងសមត្ថកិច្ចបានមកដល់ទីតាំងកើតហេតុ ហើយបាននាំខ្លួនមេការសំណង់ម្នាក់ យកទៅធ្វើកិច្ចសន្យាបញ្ឈប់សកម្មភាពបានទាន់ពេល។
លោក ឈួរ ថន ចៅសង្កាត់ខ្សាម បានឲ្យដឹងថា បន្ទាប់ពីលោកទទួលបានសេចក្តីរាយការណ៍អំពីករណី ខាងលើនេះ លោកក៏បានរាយការណ៍ទៅអាជ្ញាធរក្រុង ដើម្បីមានវិធានការ។ បន្ទាប់មកលោកអភិបាលក្រុងកំពង់ឆ្នាំង ក៏បានចាត់ក្រុមការងាររបស់សាលាក្រុង ដោយមានការសហការជាមួយ ក្រុមប្រឹក្សាសង្កាត់ រួមទាំងកម្លាំងនគរបាលប៉ុស្តិ៍រដ្ឋបាលខ្សាម ចុះមកពិនិត្យដល់ទីតាំងខាង លើនេះម្តងទៀតដើម្បីអនុវត្តនីតិវិធី។ លោកបានបញ្ជាក់ទៀតថា ផ្លូវនេះគឺ ជាផ្លូវសាធារណៈរបស់រដ្ឋពិតប្រាកដមិនអាចបុគ្គលណារំលោភបំពានបាននោះឡើយ។
ករណីខាងលើនេះ លោក ក្រូច ម៉ារ៉ា អភិបាលរងក្រុងកំពង់ឆ្នាំង ដែលជាអ្នកទប់ស្កាត់សកម្មភាពឲ្យដឹងថា ករណីនេះ កាលពីរសៀលថ្ងៃទី១២ ខែធ្នូ ឆ្នាំ២០២២ លោកបានចុះមកហាមឃាត់និងធ្វើកិច្ចសន្យាដោយបញ្ឈប់ការសាងសង់ជាបណ្ដោះអាសន្ន និងបានឲ្យម្ចាស់សណង់ខាងលើនេះ ទៅធ្វើច្បាប់ទម្លាប់ឲ្យបានត្រឹមត្រូវទើបអនុញ្ញាតឱ្យធ្វើការសាងសង់បន្ត។ តែម្ចាស់សំណង់មិនស្ដាប់ ចំណែកជាងសំណង់ក៏អត់បានចូលរួមផ្តិតមេដៃក្នុងកិច្ចសន្យានោះទេ តែលោកក៏បានហាមឱ្យផ្អាកការសាងសង់ជាបណ្ដោះអាសន្ន បើសិននៅតែបន្តធ្វើ លោកនឹងមកដកហូតយកសម្ភារៈសំណង់។
លោកបានបន្តថា ថ្ងៃនេះបន្ទាប់ពីទទួលព័ត៌មានថា សំណង់មួយនេះមិនស្ដាប់ការណែនាំរបស់អាជ្ញាធរនៅតែបន្តសាងសង់ លោកអភិបាលក្រុងកំពង់ឆ្នាំងក៏បានបញ្ជាដឹកនាំក្រុមការងារ និងកងកម្លាំងចុះមកហាមឃាត់ម្តងទៀត និងបាននាំយកមេជាងសំណង់ម្នាក់ទៅធ្វើកិច្ចសន្យាដើម្បីឲ្យផ្អាកការសាងសង់សំណង់នេះជាបណ្ដោះអាសន្នឲ្យបាន បើនៅតែចចេសរឹងរូស លោកនឹងដឹកនាំកម្លាំងសមត្ថកិច្ចចម្រុះចុះមកដកហូតសម្ភារៈសំណង់ដើម្បីចំណាត់ការតាមនីតិវិធីច្បាប់៕
ដោយ ៖ ឈៀង ថារិទ្ធ
រដ្ឋបាលរាជធានីភ្នំពេញ ជួបជុំគ្នា ដើម្បីប្រកាសគាំទ្រពេញទំហឹងចំពោះគម្រោង”ព្រែកជីកហ្វូណនតេជោ”
ឯកឧត្តម ឃួង ស្រេង ផ្ញើសារលិខិតថ្វាយព្រះពរព្រះករុណា ព្រះមហាក្សត្រកម្ពុជា ក្នុងឱកាសនៃព្រះរាជពិធីបុណ្យចម្រើនព្រះជន្មគម្រប់ ៧១ យាងចូល ៧២ព្រះវស្សា
អាជ្ញាធរ អំពាវនាវឱ្យពលរដ្ឋទាញយកកម្មវិធីមួយនេះ ដែលអាចរាយការណ៍ពីករណីគ្រឿងញៀនដោយសម្ងាត់
ក្រសួងការងារ ផ្សព្វផ្សាយពីការសិក្សាជំនាញបច្ចេកទេសដល់ពលការិនីទើបត្រឡប់ពីអារ៉ាប៊ីសាអូឌីត
IOC ពិន័យអតីតសមាជិកអូឡាំពិកជាន់ខ្ពស់ Sheikh Ahmad រយៈពេល១៥ឆ្នាំ
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
ព្យុះព្រះអាទិត្យ ដ៏កាចសាហាវ វាយប្រហារភពផែនដី
ផ្ទុះខ្លាំង! មិនដល់២៤ម៉ោងផង វីដេអូ Surprise មង្គលការអតិថិជនរបស់ក្រុមហ៊ុន វឌ្ឍនៈ ប្រ៊ូវើរី ដោយកញ្ញារ៉ាប៊ីមានអ្នកទស្សនាជិត ៣លាននាក់ Videos Inside
ឆែកឆេររថយន្តមួយគ្រឿងរកឃើញអាវុធមួយចំនួន ឈានដល់ឃាត់ខ្លួនជនសង្ស័យជនជាតិចិន
-
សេដ្ឋកិច្ច១ សប្តាហ៍ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
សេដ្ឋកិច្ច៤ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានអន្ដរជាតិ២ ថ្ងៃ agoរុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម១ សប្តាហ៍ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ agoភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល
-
ជីវិតកម្សាន្ដ៣ ថ្ងៃ agoHuang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
នយោបាយ៣ ថ្ងៃ agoទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ