សន្តិសុខសង្គម
ជនសង្ស័យ៦នាក់សំងំសេពគ្រឿងញៀនក្នុងផ្ទះសំណាក់ទាំងថ្ងៃ ត្រូវសមត្ថកិច្ចឃាត់ខ្លួន
តាកែវ ៖ ជនសង្ស័យប្រុស-ស្រី មួយចំនួនត្រូវបានប៉ូលិសជំនាញនៃស្នងការដ្ឋាននគរបាលខេត្តតាកែវក្រសោបបានទាំងថ្ងៃបន្ទាប់ពីនាំគ្នាចរាចរ និង សេពគ្រឿងញៀនក្នុងបន្ទប់ផ្ទះសំណាក់មួយកន្លែងក្នុងក្រុងដូនកែវ។
ករណីបង្ក្រាបគ្រឿងញៀននេះ ធ្វើឡើងនៅថ្ងៃទី០៩ ខែមីនា ឆ្នាំ២០២៣ វេលាម៉ោង១៥និង៣០នាទី ដោយកម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តតាកែវ ដឹកនាំដោយលោក វរសេនីយ៍ទោ សុខ សង្ហា នាយការិយាល័យប្រឆាំងគ្រឿងញៀន នៅចំណុចផ្ទះសំណាក់សំពៅមាស ស្ថិតក្នុងភូមិខ្សឹង សង្កាត់រកាក្នុង ក្រុងដូនកែវ ខេត្តតាកែវ។
ជនសង្ស័យដែលបានឃាត់ខ្លួនមាន៦នាក់ រួមមាន ១- ឈ្មោះ ណេង ប៉ាយយី ភេទប្រុស អាយុ១៧ឆ្នាំ មុខរបរសន្តិសុខ មានទីលំនៅភូមិព្រៃរុន ឃុំស្រង់ ស្រុកទ្រាំង ខេត្តតាកែវ(រក្សាទុក-ប្រើប្រាស់)។ ២- ឈ្មោះ ថៃ ភស្តុ ភេទស្រី អាយុ៣១ឆ្នាំ មុខរបរបម្រើនៅខារ៉ាអូខេ មានទីលំនៅភូមិខ្យឹង សង្កាត់រកាក្នុង ក្រុងដូនកែវ ខេត្តតាកែវ(ប្រើប្រាស់)។ ៣- ឈ្មោះ វិន យ៉ាវិន ភេទស្រី អាយុ៣០ឆ្នាំ មុខរបរ បំរើនៅខារ៉ាអូខេ មានទីលំនៅភូមិតាឌូ សង្កាត់រកាក្នុង ក្រុងដូនកែវ ខេត្តតាកែវ(ជួញដូរ) ។ ៤- ឈ្មោះ សំ ចំរើន ភេទប្រុស អាយុ២៥ឆ្នាំ មុខរបរ បើកបររថយន្ត មានទីលំនៅភូមិប៊ិនម៉ៅ សង្កាត់រកាក្រៅ ក្រុងដូនកែវ ខេត្តតាកែវ(រក្សាទុកប្រើប្រាស់) ។ ៥- ឈ្មោះ សៅ ធឿន ភេទប្រុស អាយុ៣៤ឆ្នាំ មុខរបរ ជាងឈើ មានទីលំនៅភូមិត្រពាំងសាលា សង្កាត់រកាក្រៅ ក្រុងដូនកែវ ខេត្តតាកែវ(ប្រើប្រាស់)។ ៦- ឈ្មោះ ម៉ាន់ តុង ភេទប្រុស អាយុ២៧ឆ្នាំ មុខរបរ ជាងសំណង់ មានទីលំ នៅភូមិត្រពាំងសាលា សង្កាត់រកាក្រៅ ក្រុងដូនកែវ ខេត្តតាកែវ(ប្រើប្រាស់)។ ចំណែកវត្ថុតាងដកហូតបានរួមមាន៖ ម្សៅក្រាមពណ៌សថ្លាចំនួន០៨កញ្ចប់តូច ម៉ូតូចំនួន០១គ្រឿងម៉ាកឌូកស្លាកលេខភ្នំពេញ 1FH-1348 និងទូរសព្ទចំនួន០៨គ្រឿង។
បច្ចុប្បន្នជនសង្ស័យរួមទាំងវត្ថុតាង ត្រូវបានកម្លាំងជំនាញធ្វើការសាកសួរ ដើម្បីកសាងសំណុំរឿងបញ្ជូនទៅ សាលាដំបូងខេត្តតាកែវ ចាត់ការតាមនីតិវិធីច្បាប់៕
ដោយ ៖ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ