សន្តិសុខសង្គម

អគ្គិភ័យលេបត្របាក់ផ្ទះពលរដ្ឋ៩ខ្នងនិងឃ្លាំងស្តុបអីវ៉ាន់ ព្រមទាំងខូចខាតរថយន្ត Lexus RX330មួយគ្រឿង

បានផុស

៣ years មុន

នៅ

ថ្ងៃអង្គារ ២ ឧសភា ២០២៣

ដោយ

ភ្នំពេញ ៖ ហេតុការណ៍គ្រោះអគ្គិភ័យដែលមួយដែលបានកើតឡើងកាលពីវេលាម៉ោង ១៤និង៤០រសៀល ថ្ងៃទី០២ ខែឧសភា ឆ្នាំ២០២៣ នៅផ្លូវលំ ក្រុម៦ ភូមិដំណាក់ធំ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ បានបំផ្លាញផ្ទះប្រជាពលរដ្ឋ ចំនួន០៩ខ្នង និងឃ្លាំងស្ទុបអីវ៉ាន់ចំនួន០១ឃ្លាំង ព្រមទាំងរថយន្តLexus RX330មួយគ្រឿងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ក្រោយពីបានទទួលព័ត៌មានពីប្រជាពលរដ្ឋរាយការណ៍មកកាន់មន្ត្រីជំនាញ ភ្លាមៗនោះ លោកបានបញ្ជាទៅក្រុមជំនាញចេញរថយន្តពន្លត់អគ្គិភ័យគ្រប់គោលដៅទាំងអស់ ធ្វើការចេញរថយន្តពន្លត់អគ្គិភ័យចេញជួយអន្តរាគមន៍ផងដែរ។

សមត្ថកិច្ចជំនាញបានឱ្យដឹងថា មូលហេតុនៃការឆាបឆេះនេះ គឺបណ្ដាលមកពីអ្នកដុតសំរាមនៅគំនរសំរាមធ្វេសប្រហែស ទើបឆេះរាលដាលឲ្យមានការសម្ភារៈខូចខាតផ្ទះឈើប្រក់ស័ង្កសីចំនួន០៨ខ្នង, ផ្ទះថ្មប្រក់ស័ង្កសីចំនួន០១ខ្នងអស់ទាំងស្រុង, ឃ្លាំងចំនួន០១ខូចខាត ប្រហែល៣០% រួមទាំងរថយន្តម៉ាក់Lexus 330 ពណ៌សចំនួន ០១គ្រឿងខូចខាតប្រហែល៥០% តែមិនបង្កគ្រោះថ្នាក់ដល់មនុស្សណាម្នាក់នោះឡើយ។

នៅក្នុងប្រតិបត្តិការសង្គ្រោះអគ្គិភ័យខាងលើនេះដែរ កម្លាំងជំនាញបានចេញរថយន្តពន្លត់អគ្គិភ័យគ្រប់គោលដៅទាំងអស់មកជួយអន្តរាគមន៍បាញ់ទឹកពន្លត់ និងបានប្រើប្រាស់ទឹកអស់ចំនួន ១២២ឡានទើបរលត់ទៅវិញជាស្ថាពរនៅវេលាម៉ោង ១៦និង៥០នាទីល្ងាចនាថ្ងៃខែឆ្នាំដដែល៕

ដោយ ៖ សុខា