សន្តិសុខសង្គម

ឆ្លងចរន្តអគ្គិសនីឆាបឆេះឃ្លាំងស្តុកកម្ទេចក្រណាត់ រងការខូចខាតទាំងស្រុង

បានផុស

៣ years មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

ភ្នំពេញ ៖ គ្រោះអគ្គិភ័យមួយបានឆាបឆេះឃ្លាំងស្តុកកម្ទេចក្រណាត់មួយកន្លែងយ៉ាងសន្ធោសន្ធៅបង្កការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចចុះអន្តរាគមន៍កាលពីវេលាម៉ោង៣រសៀលថ្ងៃទី១១ខែឧសភា ឆ្នាំ២០២៣ នៅក្នុងភូមិ ព្រៃមូល សង្កាត់ក្រាំងធ្នង់ខណ្ឌសែនសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឃ្លាំងដែលត្រូវអគ្គិភ័យឆាបឆេះ មានទំហំទទឹង៩ម៉ែត្របណ្តោយ៤០ម៉ែត្រ ធ្វើពីដែកប្រក់ស័ង្កសី ដែលមានម្ចាស់ជាអ្នកជួលឈ្មោះហេង ស្រីនាង ភេទស្រីអាយុ ៣៨ឆ្នាំ មុខ របស់ជាអ្នកទិញលក់កម្ទេចក្រណាត់។

តាមប្រភពព័ត៌មានបានឲ្យដឹងថា នៅមុនពេលកើតហេតុ គេឃើញមានផ្សែងហុយចេញពីផ្នែកខាងក្រោយឃ្លាំងនិងបង្កជាអណ្តាតភ្លើង ឆាបឆេះយ៉ាងសន្ធោសន្ធៅ ទើបរាយការណ៍ទៅសមត្ថកិច្ចនិងក្រុមពន្លត់អគ្គិភ័យជាច្រើនគ្រឿងមកបាញ់ពន្លត់។

តាមនគរបាលការិយាល័យ បង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញ បានឲ្យដឹងថា គ្រោះអគ្គិភ័យខាងលើបានលេបត្របាក់ទីតាំងទាំងស្រុងតែសំណាងមិនមានមនុស្សរងរបួសនោះទេ និងមិនឆេះរាលដាលដល់ផ្ទះពលរដ្ឋដែលនៅក្បែរនោះទេ។ ចំពោះមូលហេតុបណ្តាលមកពីឆ្លងចរន្តអគ្គិសនី៕

ដោយ ៖ សុខា