សន្តិសុខសង្គម

មានករណីកុមារីម្នាក់ប្រកាច់ស្លាប់ភ្លាមៗ ក្រោយគ្រូពេទ្យអត់ច្បាប់ចាក់ថ្នាំ២ម្ជុល

បានផុស

៣ years មុន

នៅ

ថ្ងៃចន្ទ ២៤ កក្កដា ២០២៣

ដោយ

កំពង់ឆ្នាំង ៖ កុមារីម្នាក់ឈ្មោះ គឹម ចាន់តី អាយុ ៥ឆ្នាំ រស់នៅភូមិចំបក់ប្រាសាទ ឃុំគ្រាំងស្គារ ស្រុកទឹកផុស ខេត្តកំពង់ឆ្នាំងស្លាប់ភ្លាមៗ ក្រោយឪពុកម្ដាយបានយកទៅព្យាបាលនៅផ្ទះគ្រូពេទ្យឯកជនមួយ ស្ថិតនៅភូមិផ្លូវគោ ឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំង។

តាមការបញ្ជាក់របស់សាក្សីត្រូវជាសាច់ញាតិរបស់គ្រូពេទ្យបានបញ្ជាក់ថា ពេទ្យដែលបានចាក់ថ្នាំកុមារីបណ្ដាលអោយបាត់បង់ជីវិតនោះឈ្មោះ ហូ ថុង ភេទ ស្រី រស់នៅភូមិផ្លូវគោ ឃុំ បន្ទាយព្រាល ស្រុករលាប្អៀរ ខេត្តកំពង់ឆ្នាំង គាត់ជាពេទ្យចេះតពីឪពុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅម៉ោង ៣និង៣០ នាទីរសៀលថ្ងៃទី២២ ខែកក្កដា ឆ្នាំ ២០២៣ គ្រូពេទ្យឈ្មោះ ហូ ថុង បានវាស់កម្ដៅ ហើយក៏បានចាក់ថ្នាំចំនួនពីរម្ជុល នៅលើភ្លៅ កុមារីរងគ្រោះទាំងសងខាង។ ក្រោយពីចាក់រួចភ្លាមស្រាប់តែកុមារីមានអាការៈបញ្ឈរភ្នែក មុខឡើងខ្មៅ ដកដង្ហើមមិនរួច ឃើញដូច្នេះអ្នកគ្រូពេទ្យរូបនោះក៏បានដាក់សេរ៉ូមហើយក៏ឲ្យឪពុកម្ដាយកុមារីរងគ្រោះបញ្ជូនទៅមន្ទីរពេទ្យបង្អែកខេត្តកំពង់ឆ្នាំង តែអកុសល មុនពេលទៅដល់មន្ទីរពេទ្យខេត្តកុមារីរងគ្រោះបានស្លាប់បាត់ទៅហើយ។

នៅថ្ងៃទី២៤ខែ កក្កដា ឆ្នាំ ២០២៣ នេះ លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង បានបញ្ជាឱ្យកម្លាំងអធិការដ្ឋាននគរបាលស្រុក រលាប្អៀរ និងខេត្ត កំពុងកោះហៅគូភាគីទាំងពីរមកសួរនាំដើម្បីធ្វើកំណត់ហេតុបញ្ជូនសំណុំរឿងតាមនីតិវិធី ប៉ុន្តែអ្នកគ្រូពេទ្យរូបនោះបានគេចខ្លួនមិនចូលបំភ្លឺឡើយ៕