សន្តិសុខសង្គម

ជាងសំណង់ម្នាក់ ឡើងបូកជញ្ជាំងអគារជាន់ទី៣ ធ្លាក់បណ្តាលឱ្យរងរបួសធ្ងន់

បានផុស

២ years មុន

នៅ

ថ្ងៃព្រហស្បតិ៍ ២៨ កញ្ញា ២០២៣

ដោយ

ភ្នំពេញ ៖ បុរសជាជាងសំណង់ម្នាក់ ខណៈឡើងលើអគារជាន់ទី៣កំពុងបូកស្រាប់តែរអិលជើងធ្លាក់ចុះមកក្រោម រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ។

ហេតុការណ៍នេះ បានកើតឡើង កាលពីវេលាម៉ោង៣និង៣០នាទីរសៀល ថ្ងៃទី២៨ ខែកញ្ញា ឆ្នាំ២០២៣ នៅអគាកំពុងសាងសង់មួយកន្លែង ភូមិតិក្ខប្បញ្ញោ សង្កាត់សំរោងក្រោម ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះចាប ភេទប្រុស អាយុ២៨ឆ្នាំ មុខរបរជាងសំណង់(ជាងបូក) ស្នាក់នៅកន្លែងកើតហេតុ មានស្រុកកំណើតនៅខេត្តសៀមរាប។

តាមប្រភពព័ត៌មានបានឱ្យដឹងថា មុនពេលកើតហេតុជនរងគ្រោះបានឡើងទៅលើជាន់ទី៣ នៃអគារកំពុងសាងសង់ដើម្បីបូកជញ្ជាំង ខណៈកំពុងបូកមិនប្រយ័ត្នក៏រអិលជើងធ្លាក់ចុះមកក្រោមរងរបួសធ្ងន់ ភ្លាមនោះត្រូវបានក្រុមការងារដឹកតាមរថយន្តទៅសង្គ្រោះនៅមន្ទីរពេទ្យភ្លាមៗ។ ក្រោយកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុពិនិត្យជាក់ស្តែង៕

ដោយ ៖ សុខា