សន្តិសុខសង្គម

គណៈបញ្ជាការឯកភាពខណ្ឌកំបូល ឃាត់ខ្លួនអាវុធហត្ថក្រុងម្នាក់ និងបក្សពួក បើកល្បែង(ឡូតូ)

បានផុស

២ ថ្ងៃ មុន

នៅ

ថ្ងៃសុក្រ ៩ សីហា ២០២៤

ដោយ

កម្លាំងគណៈបញ្ជាការឯកភាពខណ្ឌកំបូល ដឹកនាំដោយ លោក គង់ ចាន់សុភារី អភិបាលរងខណ្ឌកំបូល បានចុះបង្ក្រាបល្បែងស៊ីសងខុសច្បាប់ (ឡូតូ) ឃាត់ខ្លួនមនុស្ស ២ នាក់ នៅចំណុចផ្ទះគ្មានលេខ ផ្លូវបេតុង ភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ នៅវេលាម៉ោង ៣ រសៀល ថ្ងៃទី ៩ ខែសីហា ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានបទបញ្ជាពី លោក ឃឹម ស៊ុនសូដា អភិបាលខណ្ឌកំបូល បានចាត់ លោក គង់ ចាន់សុភារី អភិបាលរងខណ្ឌ ដឹកនាំកម្លាំងគណៈបញ្ជាការឯកភាពខណ្ឌ ចុះបង្ក្រាបល្បែងស៊ីសងខុសច្បាប់(ឡូតូ) ឃាត់ខ្លួនមនុស្សប្រុស-ស្រី ២ នាក់ រួមនឹងវត្ថុតាងពាក់ព័ន្ធ។

ជនសង្ស័យទាំង ២ នាក់ រួមមាន ៖ ទី១.ឈ្មោះ ហួន ឌីម៉ូវ ភេទប្រុស អាយុ ៣៤ ឆ្នាំ មុខរបរអាវុធហត្ថក្រុង ស្នាក់នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។ ទី២.ឈ្មោះ ម៉ម សោភា ភេទស្រី អាយុ ២៩ ឆ្នាំ មុខរបរលក់ដូរ ស្នាក់នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។

បច្ចុប្បន្ន ជនសង្ស័យទាំង ២ នាក់ រួមទាំងវត្ថុតាងពាក់ព័ន្ធ នាំយកមកប៉ុស្តិ៍នគរបាលរដ្ឋបាលកន្ទោក រួចបញ្ជូនបន្តមកអធិការដ្ឋាននគរបាលខណ្ឌកំបូល ដើម្បីសាកសួរបន្ត៕

អត្ថបទ ៖ ម៉េង