កីឡា

មួយប្រកួតយ៉ាងល្អរបស់ ពេជ្រ សម្បត្តិ អ្នកនៅប្រទេសចិនថាអាប្រឡូកសង្វៀនធំៗលើពិភពលោកបានហើយ

បានផុស

៩ ខែ មុន

នៅ

ថ្ងៃព្រហស្បតិ៍ ៩ តុលា ២០២៥

ដោយ

ការប្រកួតដ៏ល្អរបស់កីឡាករ ពេជ្រ សម្បត្តិ យកឈ្នះម្ចាស់ផ្ទះចិនដោយដេញវាយដៃគូរហូតត្រូវអាជ្ញាកណ្ដាលរាប់ និងការបង្ហាញភាពលេចធ្លោបែបនេះគ្រូៗនៅចិនសរសើរថាសមត្ថភាពល្អអាចឈានទៅប្រកួតតាមកម្មវិធីធំៗលំដាប់ពិភពលោកបានហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេកគ្រុឌ

លោក ពេជ្រ សុផាន់ បានប្រាប់មកកាន់កម្ពុជាថ្មីថា ការប្រកួតផ្សព្វផ្សាយគុនខ្មែរនៅឯប្រទេសចិននេះគឺមានភាពល្បីល្បាញ និងសន្ទុះនៃការគាំទ្រច្រើនមែនទែន។ អ្នកនៅប្រទេសចិននោះចាប់ផ្ដើមស្គាល់គុនខ្មែរហើយតាមរយៈការចេញទៅផ្សព្វផ្សាយជាបន្តបន្ទាប់។

រូបភាពលើផេកគ្រុឌ

ងាកមកនិយាយពីកីឡាករ កីឡាការិនីកម្ពុជា ដែលទៅប្រកួតរួមទាំង ពេជ្រ សម្បត្តិ ផងនោះគឺមានគេទទួលស្គាល់គុនខ្មែរ និងសរសើរថាល្អ។ ចំពោះកីឡាករ ពេជ្រ សម្បត្តិ គឺខាងចិនគេថាសមត្ថភាពប្រកួតល្អប៉ុណ្ណេះអាចចេញប្រកួតតាមកម្មវិធីធំៗលំដាប់ពិភពលោកបានហើយ ព្រោះរូបគេអាចឈ្នះជើងខ្លាំងលំដាប់ប្រទេសចិនបានដូចនេះ។

រូបភាពលើផេកគ្រុឌ

បញ្ជាក់ដែរថា កីឡាករ ពេជ្រ សម្បត្តិ ពិតជាធ្វើបានល្អមែនក្នុងជំនួបជាមួយជើងខ្លាំងរបស់ប្រទេសចិន ខាឡូ សូ (Carlos SU) ដោយវាយរហូតអាជ្ញាកណ្ដាលរាប់ក្នុងទឹកទី១ ផង និងដេញវាយម្ចាស់ផ្ទះពេញ ៣ទឹកដោយមិនញញើតអ្វីបន្តិចសោះ។ ក្រោយបញ្ចប់ការប្រកួតនោះគឺឃើញកីឡាករចិនដែលជាដៃគូ សម្បត្តិ ត្រូវបែកមុខបែកមាត់យ៉ាងដំណំ៕